TARA JAHPRANG 12:3 - Jinghpaw Common Language Bible 2009

³ Shanhte a tawn hkungri ni hpe agrawp kau ya nna chyoi pra ai nlung shadaw ni hpe mung adawt mani kau ya mu. Shanhte a Ashera hpara num sumla hpe nat kau ya nhtawm dai shara ni hta shanhte galoi mung bai n nawku lu mat hkra shanhte a hpara sumla ni hpe kran daw kau ya mu.

Jinghpaw Hanson Version Bible

³ shanhte a tawn hkungri ni hpe agrawp kau ya mu; sumla shadaw ni hpe adawt daw kau ya mu; shanhte a Asherim sumla ni hpe nat kau ya mu; shanhte a tawk la ai Hpara sumla ni hpe kran kau ya mu; dai yang na shanhte a amying du teng seng kau ya mu.

TARA JAHPRANG 12:3 ပူးပေါင်းရင်းမြစ်များ

1 HKAWHKAM 14:15

Dai Madu gaw Israela hpe ari jaw na ra ai rai nna dai mungdan gaw mai-aw gaw hka shi a ntsa e kanga nga ai zawn ashun mat na ra ai. Shi gaw shanhte a kaji kawa ni hpe jaw da sai dai kaja ai mungdan kaw nna Israela amyu masha ni hpe baw kau nhtawm Uhprat hka nu lai hkra shanhte hpe shabra kau na ra ai; hpa majaw nga yang, shanhte gaw Ashera karai num a hpara sumla ni hpe galaw shapraw let ngai hpe pawt shangun nga ma ai.

1 HKAWHKAM 15:13

Shi a kawoi Mahka mung matsat shabat re ai Ashera karai num a mayat maya ai hpara sumla hpe galaw wu ai majaw shi hpe hkawhkam jan a kanu aya kaw nna jahkrat kau wu ai. Shing rai Asa gaw hpara sumla hpe kahtam daw kau nhtawm Kidron Kadit e dai hpe nat kau wu ai.

2 HKAWHKAM 11:18

Dai hpang amyu masha ni gaw Bala nawku htingnu de sa nhtawm run hpya kau ma ai; tawn hkungri ni hpe mung, hpara sumla ni hpe mung agrawp mani kau nna Bala hkinjawng Matan hpe mung tawn hkungri a man e sat kau ma ai. Yehoiada gaw Nawku Htingnu hpe aten hte aten yu na sin langa ni hpe mung san tawn da ya wu ai.

2 HKAWHKAM 18:4

Shi gaw tara maigan masha ni a nawku shara ni hpe jahten shaza kau nhtawm nlung shadaw ni hpe agrawp kau nga ai; Ashera karai num a gawkngu sumla ni hpe kran kadawng kau ya wu ai. Nehuhtan ngu shamying ai dai Mawshe galaw da ai magri mang lapu hpe mung kahtum kadaw di kau wu ai. Dai ahkying du hkra, Israela amyu masha ni mahtang dai hpe shagrau sha-a let manam pyaw ai baw hpe naw nawng ya ma ai.

2 HKAWHKAM 23:14

Yoshia gaw nlung shadaw ni hpe ayun ayaw di agrawp jahten kau nna, Ashera karai num a hkrang sumla ni hpe kran daw kau nhtawm dai ni hpe shadun da ai lamu ga hta si sai masha a nrut nra ni hte jahpring da nga ai.

2 HKAWHKAM LABAU 14:2

Asa gaw ding man ai hte mai kaja ai amu hpe galaw let dai Madu shi a Karai Kasang hpe awng sharawng shangun nga wu ai.

2 HKAWHKAM LABAU 14:3

Shi gaw maigan tawn hkungri ni hte tara maigan ni a nawku shara ni hpe yeng seng kau nhtawm, chyoi pra ai nlung shadaw ni hpe agrawp shadaw kau let Ashera karai num a hkrang sumla ni hpe kran daw kau ya wu ai.

2 HKAWHKAM LABAU 19:3

Timung nang hta mai kaja lam naw nga nga lit dai. Amyu masha ni nawku ai Ashera karai num a hkrang sumla ni yawng hpe nang yeng seng kau nna, Karai Kasang a myit ra sharawng ai lam hta hkan nang na, nang shakut nit dai,” ngu nna tsun wu ai.

2 HKAWHKAM LABAU 31:1

Poi galaw ngut ai hpang, Israela amyu masha ni yawng gaw Yuda mung na mare shagu de pru sa nhtawm nlung shadaw ni hpe agrawp daw kau ma ai. Shanhte gaw Ashera karai num a sumla ni kran daw kau let tawn hkungri ni hte tara maigan masha ni a nawku shara ni mahkra hpe jahten sharun kau ma ai. Shanhte gaw naw ngam nga ai Yuda mung ting hte Benyamin, Ehprim hte Manashe ni a lamu ga ni hpe dai hte maren galaw ma ai. Dai hpang shanhte yawng tinang nang a nta ni de nhtang mat wa shajang ma ai.

2 HKAWHKAM LABAU 34:3

Yoshia hkawhkam tai wa ai matsat ning ngu na shi shabrang naw rai nga yang, shi a kaji kawa Hkawhkam Dawi a Karai Kasang hpe nawku hpang wa wu ai. Mali ning na ai hpang, shi gaw tara maigan masha ni a nawku shara ni, Ashera karai num a hkrang sumla ni hte kaga hpara ni yawng hpe jahten sharun hpang wa wu ai.

SHAKAWN KUNGDAWN 16:4

Tsasam karai ni kaw hkan gat ganawng nang ai ni gaw shanhte hkum nan hta ru tsang lam law law hkrum wa na mara ai. Shanhte a nawng jau ai hkungga hta ngai n lawm na nngai, shanhte a karai ni hpe ngai nawku na n rai.

PRU MAT 23:13

“Ngai Madu nan nanhte hpe tsun ai lam magup hpe madat mu; kaga hpara ni kaw akyu hpyi lu na myit dai n rai; shanhte a mying hpe pyi hkum tsun myit.

PRU MAT 23:24

Shanhte a hpara sumla ni hpe dingnyawm gum dagup lu na ndai n rai; dai ni hpe nawku lu na n rai; shanhte a makam masham hte seng ai htung lai len ni hta hkan sa galaw lu na ndai n rai. Shanhte a hpara sumla ni hpe jahten sharun kau nna, shanhte a chyoi pra ai nlung shadaw ni hpe agrawp shadaw kau lu na myit dai.

PRU MAT 34:13

Shing rai na malai, shanhte a tawn hkungri ni hpe run kau ya nna, chyoi pra ai shadaw ni hpe mung agrawp jahten kau ai hte shanhte a Ashera hpara num a hkrang sumla ni hpe kran daw kau ya na rai ndai.

ESAIA 27:9

Rai ti mung maigan htung tara hkan ai ni a nlung tawn hkungri ni hpe namhtun ga hpraw hpe zawn gang daw kau ai hte, Ashera hpara num a masat dingsat kumla shing n rai manam pyaw ai baw tawn ai tawn hkungri ni, htawm hpang de galoi mung n nga mat hkra kabai kau lu ai shaloi chyu sha, Israela amyu masha ni a yubak ni raw dat kau ai hkrum na ra ai.

YEREMIA 17:2

Na a amyu masha ni gaw tawn hkungri ni hta mung, tsit lali ai hpun shagu hte kawng pungding ni hkan Ashera hpara num a matu sharawt tawn ai sumla ni hpe nawku myit dai. Shanhte gaw nam na bum ntsa hkan e mung nawku ma ai. Na a mungdan ting hta nang shut kau ai yubak lam ni yawng a majaw na a sut gan hte arung arai ni hpe kashun la kau ya na matu, na a gumlau hpyen ni a lata de ngai ap kau na we ai.

HOSEA 2:17

Ngai gaw shi hpe Bala a mying hpe galoi mung bai tsun shangun na ni ai n rai.

MIHKA 5:14

Ngai gaw na a mung na Asherim nat shayi hpara sumla ni hpe baw kau nna na a mare ni hpe jahten sharun kau na we ai.

ZEHKARIA 13:2

Dai aten hta hpara sumla ni a amying hpe dai mungdan hta na yeng seng kau na nngai; shaloi kadai mung htawm hpang prat e, dai ni hpe galoi mung dum nga na ma ai n rai. Myihtoi tai na matu tsun ai ni kadai hpe mung ngai seng kau nna, hpara sumla ni hpe nawku na ra sharawng myit ni hpe la kau ya na we ai.

BU HKAWM 33:52

dai mung e nga nga ai masha ni yawng hpe nanhte gawt shapraw kau lu na rai myit dai. Nlung hte tawk nna nhprang arai hte jaw ai shanhte a hpara sumla yawng hte shanhte nawku ai shara ni yawng hpe jahten sharun kau ya na rai myit dai.

TARA JAHPRANG 12:4

“Ndai masha amyu ni shanhte a karai ni hpe nawku nga ma ai hte maren, dai Madu nanhte a Karai Kasang hpe galaw lu na myit dai n rai.

TARA JAHPRANG 7:25

Shanhte a hpara sumla ni hpe nat kau ya mu; dai ni hta kap ai ja, gumhpraw ni hpe la mayu ai myit hkum rawng myit; dai ni hpe nanhte a matu ngu nna hkum hta la myit. Dai hku nanhte galaw hkrup myit dai rai yang chyawm gaw dai Madu nan hpara sumla naw ai lai hpe n dawng nga ai majaw si ging ai ari hkrum sha na rai myit dai.

TARA JAHPRANG 7:5

Dai re ai majaw, shanhte a tawn hkungri ni hpe adawt agrawp kau ya mu; shanhte a chyoi pra ai nlung shadaw ni hpe adawt mani kau ya mu; shanhte a Ashera hpara num a masat kumla hpe kran daw kau ya mu; shanhte a hpara sumla ni nat kau ya mu.

SHINGRAN 13:1

Shaloi panglai kaw na matse labye langai pru lung wa ai hpe ngai mu nngai. Shi hta nrung shi hte baw sanit tu nga ai; dai nrung ni langai hkrai a ntsa e janmau gup nna, baw ni langai hkrai a ntsa e Karai Kasang a arawng sadang hpe jahpoi asawng ai amying kap nga ai.

TARA AGYI 2:2

Nanhte mung ndai mung e nga ai masha amyu ni hte ga shaka hpa mung tawn da lu na myit dai n rai. Nanhte gaw shanhte a tawn hkungri ni hpe hpya kadawng kau ya na rai myit dai,’ ngu nna tsun wu ai. Rai ti mung nanhte gaw ngai tsun matsun ai hku n galaw nga myit dai. Nanhte mahtang nhtan shai ai hku sha agalaw nga myit dai!