TARA JAHPRANG 12:11 - Jinghpaw Common Language Bible 2009

¹¹ Dai Madu gaw shi hpe nawku na shara langai hpe sha lata san da na rai wu ai; shing rai dai yang e, ngai hkang da mada hte maren wan nat na matu shagu hkungga ni hte kaga hkungga ni, dai Madu a matu nanhte ga sadi jaw ai laksan kumhpa ni hpe la sa lu na rai myit dai.

Jinghpaw Hanson Version Bible

¹¹ shi a mying ningsang nga nga na matu, nanhte a Karai Kasang Yehowa san da ai shara de, ngai hkang da mada hte maren, nanhte a wan nat hkungga hte shagu hkungga; htamshi hta htammi jaw ai kumhpa hte nanhte a lata na manawt kumhpa; Yehowa hpe ga shaka da ai hte maren jaw jau ai kaja htum ai ga rai myit dai.

TARA JAHPRANG 12:11 ပူးပေါင်းရင်းမြစ်များ

1 HKAWHKAM 8:13

Ya chyawm gaw na a matu htani htana shanu nga na hkik hkam ai htingnu langai mi hpe ngai gaw da ni ai.”

1 HKAWHKAM 8:16

‘Egutu mung kaw nna nye a amyu masha ni hpe ngai woi shapraw wa ai shani kaw nna ngai hpe nawku na htingnu gaw gap na shara hpe Israela mung ting na kaning re ai mare hpe mung ngai n lata la nngai. Rai ti mung nye a amyu masha ni hpe up hkang na matu ngai Dawi hpe lata la se ai,’” ngu nna tsun wu ai.

1 HKAWHKAM 8:29

Nawku na matu nang lata san da nit dai ndai shara na ndai Nawku Htingnu hpe shani shana sin yu nga u law. Ndai Nawku Htingnu de ngai myi man yawng let akyu hpyi ai ga hpe na ya e law.

2 HKAWHKAM 18:22

Dai Asuri du salang wa gaw matut nna, “Shing n rai, Hezekia gaw dai Madu na a Karai Kasang hpe naw kam hpa nga a ni? Hezekia gaw dai Madu a tawn hkungri ni hte nawku shara langai ngai hta lai nna kaga yawng hpe jahten kau nga nu ni? Shi gaw Yuda hte Yerusalem masha ni hpe shara langai mi hta chyu sha nawku lu na lam n tsun yu a ni?, nga nna nang ngai hpe tsun na n rai ni?

1 HKAWHKAM LABAU 22:1

Dai rai nna Dawi gaw, “Ndai shara gaw Madu Karai Kasang a Nawku Htingnu gap na shara tai na ra ai. Tawn hkungri nga ai ndai yang gaw Israela amyu masha ni wan nat hkungga nawng ya na shara tai na ra ai,” ngu nna tsun wu ai.

2 HKAWHKAM LABAU 6:20

Ndai Nawku Htingnu hpe shani shana sin yu nga u. Ndai shara gaw nang hpe nawku na shara tai na ra ai, nga nna nang ga sadi jaw nit dai; dai re ai majaw ndai Nawku Htingnu de myi man yawng let nang hpe akyu hpyi yang nye a akyu hpyi ga hpe madat ya e.

2 HKAWHKAM LABAU 7:12

dai Madu gaw shana e shi kaw dan pru wu ai. Shi gaw Shawlumon hpe, “Na a akyu hpyi ga hpe ngai na ni ai; ndai Nawku Htingnu hpe nye a matu shagu hkungga ni nawng ya ai shara shatai na ngai hkap la nngai.

EZRA 6:12

Shi nawku daw jau hkam la na nga nna, Karai Kasang lata la sai Yerusalem mare hte seng ai ndai hkang da ai ga hpe ninghkap nna dai yang na Nawku Htingnu hpe jahten sharun kau mayu ai hkawhkam shing n rai masha amyu baw kadai hpe mung jahten kau u ga. Ngai Dari nan ndai ga hpe hkang dat ni ai. Dai hpe teng tup madat mara hkan sa na rai myit dai.”

SHAKAWN KUNGDAWN 100:2

Madu hpe kabu gara ai hte nawku daw jau nga mu; shi a man de, kabu gara mahkawn let shang mu!

SHAKAWN KUNGDAWN 116:17

Chyeju dum hkungga ni hte ngai nang hpe nawng jau na nngai, nye a akyu hpyi ai ga hte nang hpe sak jaw na nngai.

SHAKAWN KUNGDAWN 66:13

Ngai na a nta de wan nat hkungga ni hpe la sa na nngai; ngai ga sadi jaw da ai hte maren, nang hpe ngai nawng jau na nngai.

SHAKAWN KUNGDAWN 78:68

De a malai, Yuda a amyu baw masha ni hte, shi grau tsaw ra ai Ziun Bum hpe lata la nu ai.

PRU MAT 25:8

Amyu masha ni mung nye a matu chyoi pra ai Sum langai galaw lu na rai ma ai, shaloi ngai shanhte hta shanu nga lu na nngai.

PRU MAT 29:45

Ngai gaw Israela amyu masha ni hta shanu nga nhtawm shanhte a Karai Kasang tai nga na nngai.

YEREMIA 7:12

Nawku na matu ngai lata san da ai shawng na shara ngu ai Shilo de sa wa mu; dai shara hta nye a amyu masha Israela ni a shut hpyit ai yubak ni a majaw ngai kaning di kau ai hpe mada yu mu.

TARA JAHPRANG 12:13

Nanhte lata la ai shara hta nanhte a shagu hkungga ni hpe nawng ya lu na n rai;

TARA JAHPRANG 12:14

Nanhte a amyu bawsang langai ngai a lamu ga ngu na, dai Madu lata san da ai shara langai hta chyu sha nanhte nawng jau lu na rai myit dai. Dai yang e, ngai nanhte hpe hkang da manit dai hte maren wan nat na nanhte a shagu hkungga ni hpe chyu sha nawng jau nna kaga amu ni yawng hpe mung galaw lu na rai myit dai.

TARA JAHPRANG 12:18

Nanhte hte nanhte a kashu kasha ni mung, nanhte a shangun ma ni hte mung, nanhte a mare ni hta hkan nga ai Lewi masha ni hte mung, dai Madu nanhte a Karai Kasang lata san da ai nawku shara hta dai Madu nanhte a Karai Kasang a man e chyu sha dai hkungga ni hte rau sha lu na rai myit dai; shing rai nanhte galaw ai lam magup hta nanhte kabu gara lu na rai myit dai.

TARA JAHPRANG 12:21

Nawku ai shara hte nau tsan myit yang gaw, dai Madu nanhte hpe jaw ya ai sagu dumsu hpe nanhte ra sharawng ai shara hta sat nna, ngai nanhte hpe tsun ni ai hte maren, dai ashan hpe dum nta e nanhte sha mai nga myit dai.

TARA JAHPRANG 12:26

Nanhte a hkungga ni mung, dai Madu hpe ga sadi jaw da sai kumhpa ni hpe mung, nawku na matu san da ai shara de la sa na rai myit dai.

TARA JAHPRANG 12:5

Dai Madu gaw nanhte amyu bawsang ni yawng a lamu ga hta na shara langai mi hpe lata la na rai wu ai. Amyu masha ni mung shi a man e sa du nhtawm shi hpe nawku na mara ai.

TARA JAHPRANG 14:23

Dai Madu nanhte a Karai Kasang shi hpe nawku na matu san da ya ai shara de sa nhtawm nai mam, sabyi ntsin, tsanlun sau hte sagu dumsu ni hta na shawng hkrat ai yam nga alat re ai htam shi hta na htam mi hpe shi a man e sha lu na rai myit dai. Ndai amu hpe galaw ai a majaw dai Madu nanhte a Karai Kasang hpe tut nawng shagrau sha-a nga na lam sharin la mai na rai myit dai.

TARA JAHPRANG 15:19

“Shawng hkrat ai nanhte a sagu dumsu ala ni hpe dai Madu nanhte a Karai Kasang a matu jahka san tawn da mu. Ndai shawng hkrat ai dumsu ni hpe bungli shangun lu na n rai; sagu mun ni rep lu na n rai.

TARA JAHPRANG 15:20

Nawku na matu san da ai shara ngu na dai Madu a man e, nang hte na a dinghku masha ni shaning shagu dai ni hpe jawm sha lu na rai myit dai.

TARA JAHPRANG 17:8

“Sut gan madu la ai ahkaw ahkang hte seng ai amu, masha hkum hpe machyi shangun ai ru hka amu, masha sat amu hte n dum shami masha sat ai bunglat hka amu ni hpe hparan jasat ya na shaloi, buga tara agyi ni a matu nau wa daw dan yak ai amu nkau mi pru wa chye nga ai. Shing re ai lam pru wa jang, dai Madu nanhte a Karai Kasang lata san da sai nawku shara de sa nhtawm,

TARA JAHPRANG 18:6

“Israela mung na mare ni hta Lewi masha kadai mung nawku shara langai de du sa na sharawng yang,

TARA JAHPRANG 23:16

Dai wa gaw shi lata la ai mare langai ngai hta sa nga na mai nga ai; shi hpe zingri zingrat di nna roi rip lu na n rai.

TARA JAHPRANG 26:2

nanhte shu la lu ai shawng myin ai nsi naisi amyu shagu hpe ka hta bang nna nawku shara de la sa lu na rai myit dai.

TARA JAHPRANG 31:11

Israela amyu masha ni san da ai nawku shara hta dai Madu nanhte a Karai Kasang hpe sa nawku myit dai shaloi, dai tara laika shanhte hpe hti dan na rai myit dai.

YAWSHU 18:1

Shanhte gaw mungdan hpe gasat dang la ngut ai hpang, Israela shawa hpung ting Shilo mare e zup hpawng nna, dai Madu a hpung shingkang shanu nga ai Sum hpe sharawt ma ai.

YAWSHU 22:11

Naw ngam nga ai Israela amyu masha ni gaw Rubin, Gad hte sinpraw hkran maga na Manashe amyu bawsang chyen mi ni gaw Yawdan hka ndai hkran shanhte a maga na Gelilot mare hta tawn hkungri galaw da manu ai nga nna tsun ai shiga hpe na ma ai.

YAWSHU 22:16

dai Madu a shawa hpung ting a matu ngu nna shanhte gaw shanhte hpe, “Israela a Karai Kasang hpe ndai zawn re ai n hkru ai amu hpa majaw galaw kau myit ni? Nanhte a matu ndai tawn hkungri hpe gaw nna, dai Madu hpe nanhte gumlau kau nga myit hka i! Nanhte gaw shi a hpang loi mi mung n hkan nga myit hka!

YAWSHU 22:23

Dai Madu a ga hpe n madat ai sha shagu hkungga, shadung hkungga hte mahku hkungga nawng jau na, anhte a matu tawn hkungri hpe anhte a matu gaw kau saga ai rai yang chyawm gaw, dai Madu nan anhte hpe ari jaw mi ga.

YAWSHU 22:27

rai ti mung, shing di na malai, anhte a amyu masha ni hte nanhte a amyu masha ni a matu mung, anhte a hpang ban prat a matu mung sakse tai nga na rai nna shagu hkungga hte mahku hkungga ni hpe nat nawng na anhte a hkungga ni hte shi a chyoi pra ai Sum a man e, dai Madu hpe anhte teng teng nawku ga ai. Ndai gaw dai Madu hte anhte hpa n seng nga ga ai ngu nna nanhte a amyu matu ni anhte hpe tsun shara n nga mu ga ngu nna she ndai hpe gaw da saga ai.

YAWSHU 22:29

Wan nat hkungga, shadung hkungga hte shagu hkungga ni nawng jau na tawn hkungri galaw let dai Madu hpe anhte teng teng gumlau na ga ai n rai. Shi a hpung shingkang shanu nga ai Sum a man e dai Madu anhte a Karai Kasang a tawn hkungri hta kaga hkungri shaje anhte galaw na ga ai n rai,” ngu nna htan mu ai.

YAWSHU 9:27

Rai ti mung dai aten hta nan shi shanhte hpe mayam shatai nhtawm Israela amyu masha ni hte dai Madu a tawn hkungri amu ni a matu hpun hta, hka ja na hpajang da wu ai. Dai rai nna dai ni du hkra nawku na matu dai Madu lata san da nu ai shara hta dai amu matut galaw nga ma ai.

1 SAMUELA 1:21

Aten bai du wa ai shaloi, shi ga sadi tawn da nu ai hte maren, Elakana hte shi a dinghku masha ni Shilo mare de lung wa nhtawm shaning shagu nawng ya ai shagu hkungga hte lak san shagu hkungga, dai Madu a matu nawng ya wu ai.