TARA JAHPRANG 11:4 - Jinghpaw Common Language Bible 2009

⁴ Egutu hpyen luksuk ni shanhte a gumra ni, hpyen leng ni hte nanhte hpe hkan shachyut nang ma yang, shanhte hpe Nawng Hkyeng hka hta shalup bang kau nna tsep kawp shatsai kau ai hpe nanhte mu manit dai.

Jinghpaw Hanson Version Bible

⁴ Egutu mung na hpyen luksuk ni hte shanhte a gumra ni shanhte a hpyen leng ni hpe di ai amu hpe mung; nanhte hpe hkan shachyut nga yang Nawng Hkyeng hka gaw shanhte hpe galup sat kau nna, dai ni du hkra Yehowa shanhte hpe jahtum kau wu ai lam hpe mung;

TARA JAHPRANG 11:4 ပူးပေါင်းရင်းမြစ်များ

SHAKAWN KUNGDAWN 106:11

Rai ti mung, shanhte a gumlau hpyen ni mung hka hta lup si mat nna; langai mi mung n lawt lu nga masai.

PRU MAT 15:19

Dai Israela amyu masha ni gaw panglai hta hkun hkraw ai ga ntsa hku hkawm sa wa ma ai. Rai ti mung, Egutu hpyen leng ni hte hpawn shanhte a gumra ni hte hkang ai ni, panglai de shang ma ai rai nna, dai Madu gaw hka hpe nhtang lwi shangun nhtawm shanhte hpe ka-up kau nga ai.

PRU MAT 15:4

“Shi gaw Egutu hpyen luksuk hte de a hpyen leng ni hpe panglai kata de kabai gumpye kau nu ai; de a kaja htum ai du salang ni mung Nawng Hkyeng hta lup mat masai.

TARA JAHPRANG 1:40

Rai ti mung nanhte chyawm gaw Nawng Hkyeng de hkrang ai lam dingyang na nam mali kata de kayin bang bang rai nna nhtang sa wa mu,’ ngu nna tsun nga ai.

TARA JAHPRANG 11:5

Ndai shara de nanhte garai n du myit yang nanhte a matu nam mali hkan e dai Madu galaw dan sai amu ni hpe chye nga myit dai.

TARA JAHPRANG 2:1

Dai Madu anhte hpe hkang dat ai hte maren, anhte gaw jahtum e Nawng Hkyeng de hkrang ai lam dingyang na nam mali kata de kayin bang mat wa saga ai. Shing rai Edom bum ga e anhte aten na na kayin brak hkawm kau saga ai.

HEBRE 11:29

Kam sham ai hte Israela amyu masha ni gaw hkarang ntsa zawn Nawng Hkyeng hpe rap di lai lu ma ai; Egutu masha ni mung, dai zawn rap chyam yu mu yang lup si ai hkrum ma ai.