TARA JAHPRANG 11:30 - Jinghpaw Common Language Bible 2009

³⁰ (Dai Bum yan gaw Yawdan hka a sinna maga, Yawdan Kadit hta shanu nga ai Hkanan masha ni a lamu ga hte Gilgala mare makau na More mare na chyoi pra ai hpun ni tu ai shara hte grai wa n tsan ai hta rai nga ai.)

Jinghpaw Hanson Version Bible

³⁰ Dai bum yan gaw, Yawdan hka wora hkran, jan shang maga nmaw lam a shinggan, More wamyi hpun makau na Gilgala hte tawtap rai nga ai, layang ga na Hkanani masha ni a lamu ga hta rai nga ai, n rai ni?

TARA JAHPRANG 11:30 ပူးပေါင်းရင်းမြစ်များ

NINGPAWT NINGHPANG 12:6

Shanhte dai Hkanan mung de du ai shaloi, Shehkem ginwang, More shara na chyoi pra ai hpun tu ai shara de du hkra, dai mung de Abram ga sa wa wu ai. (Dai aten hta Hkanan masha ni dai mung hta naw nga nga ma ai.)

NEHEMIA 12:29

Betgilgala, Geba, hte Azmawet mare hkan kaw nna mung sa hpawng nga ma ai.

YAWSHU 4:19

Dai amyu masha ni gaw shata langai ngu na nhtoi shi ya hta Yawdan hka rap kawt mat wa nhtawm Yerihko a sinpraw maga Gilgala e dap jung ma ai.

YAWSHU 5:9

Dai Madu gaw Yawshu hpe, “Egutu mung e kaya kahpa rai mayam shatai hkrum nga ai hta na ngai nanhte hpe dai ni shaw la ni ai,” ngu nna tsun wu ai. Dai rai nna shara dai hpe Gilgala ngu nna ya du hkra shamying da nga ai.

TARA AGYI 7:1

Lani mi na aten hta Gidon hte shi a masha ni yawng manap jau jau rawt nna Harod hka hpawk makau e dap jung da ma ai. Midian ni a dap mahtang shanhte a dingdung maga More kawng kadit e rai nga ai.

TARA AGYI 9:7

Dai lam Yohtam na jang, Gerizim bum pungding e shi lung tsap nhtawm shanhte hpe, “Shehkem masha ni e, nye a ga madat mu; Karai Kasang gaw nanhte a ga madat ya malit ga law!