TARA JAHPRANG 11:3 - Jinghpaw Common Language Bible 2009

³ Egutu hkawhkam wa hte shi a mungdan ting hta shi hpa galaw nu ai hpe nanhte mu manit dai.

Jinghpaw Hanson Version Bible

³ shi a lamik kumla ni hte Egutu mung e Egutu hkawhkam Hpara-u hte shi a mungdan ting hta galaw dan ai amu hpe mung,

TARA JAHPRANG 11:3 ပူးပေါင်းရင်းမြစ်များ

SHAKAWN KUNGDAWN 135:9

Dai mung hta e, Hpara-u hte shi a ali ama ni yawng hte hpe ari jaw na matu; lamik kumla ni hte mauhpa amu ni hpe shi shapraw dan nu ai.

PRU MAT 7:8

Dai Madu gaw Mawshe yan Arun hpe,

TARA JAHPRANG 1:30

Dai Madu nanhte a Karai Kasang gaw nanhte hpe woi awn nna Egutu mung hte nam mali e shi galaw nu ai zawn shi gaw nanhte a matu gasat ya na ra ai.

TARA JAHPRANG 11:4

Egutu hpyen luksuk ni shanhte a gumra ni, hpyen leng ni hte nanhte hpe hkan shachyut nang ma yang, shanhte hpe Nawng Hkyeng hka hta shalup bang kau nna tsep kawp shatsai kau ai hpe nanhte mu manit dai.

TARA JAHPRANG 4:34

Dai Madu nanhte a Karai Kasang gaw nanhte a matu Egutu mung hta e galaw dan manit dai zawn kaga amyu baw hta na amyu masha ni hpe woi la nhtawm shi a amyu masha shatai la gwi ai hpara shaje nga nga yu sani? Shi gaw nanhte a man e shi a daru magam n-gun hte atsam marai hpe lang nhtawm ana zinli hte hpyen majan, mauhpa lamik kumla hte hkrit hpa amu ni hpe shapraw dan nu ai.

TARA JAHPRANG 7:19

Dai Madu nanhte a Karai Kasang gaw nanhte nan myi hte chyaw mu manit dai, dai hkrit hpa ana zinli ni hte mauhpa lamik kumla ni hpe galu kaba ai daru magam n-gun atsam hte nanhte hpe shalawt dat manit dai hpe adum nga mu. Egutu masha ni hpe shi jahten kau nu ai hte maren, ya nanhte hkrit nga myit dai ndai masha amyu ni yawng hpe mung shi jahten kau na ra ai.