TARA JAHPRANG 11:2 - Jinghpaw Common Language Bible 2009

² Dai Madu hte rau nanhte hkrum kadup ai mahkrum madup lam a majaw nanhte sharin la lu manit dai shi a lam hpe dai ni adum nga mu. Dai gaw nanhte a kashu kasha ni n rai, dai mahkrum madup lu la sai nanhte she rai nga ai. Shi a galu kaba ai daru magam n-gun hte chyalai n-gun hte hpring ai shi a mauhpa magam amu ni hpe nanhte mu manit dai.

Jinghpaw Hanson Version Bible

² Nanhte a Karai Kasang Yehowa daru sharin ai lam hpe mung; shi a daru magam, shi a n-gun ja ai lata hte shada nga ai lahpum hpe mung;

TARA JAHPRANG 11:2 ပူးပေါင်းရင်းမြစ်များ

SHAKAWN KUNGDAWN 136:12

Shi a n-gun ja ai lata, daru magam n-gun hte hpring ai lahpum ni hte, shanhte hpe woi wa nu ai; shi a tsaw ra myit htani htana agrin nga ai.

PRU MAT 6:6

Dai rai nna ngai gaw shanhte hpe, ‘Ngai gaw dai Madu rai nga nngai majaw nanhte hpe hkrang shaw la ai hte Egutu masha ni yam sha ai mayam prat kaw na shalawt dat na made ai. Shanhte a ntsa e mung, hkrit hpa ari kaba shapraw na matu nye a n-gun rawng ai lahpum hpe sharawt tawn nna nanhte hpe hkye hkrang la na nngai.

GA SHAGAWP 22:19

Dai Madu hta na a kam hpa ai myit shamyet shanat nga na, ngai ra sharawng nga nngai, dai majaw, nang hpe ya ngai tsun dan nga nngai.

ESAIA 53:5

Rai ti mung, anhte a yubak mara ni a majaw shi gaw hkala nba hkrum nga sai, anhte galaw ai n hkru ai amu a majaw kayat hkrum nga nu ai. Anhte gaw shi hkrum sha ai nni nkri ari a majaw mung, shi hkum ting htwi hkrum ai a majaw mung, shamai shatsai hkrum nga ga ai.

KASA 26:22

Rai ti mung Karai Kasang kaw nna karum ai lu la ai majaw sha, dai ni du hkra ngai asak hkrung nga lu ai hte kaji kaba n nga yawng a man e tsap let sakse hkam lu nga nngai.

TARA JAHPRANG 29:10

Nanhte a ningbaw ni hte du salang ni, nanhte hta na lasha, numsha ni hte ma kaji ni,

TARA JAHPRANG 3:24

nang galaw nga ai galu kaba ai hte mauhpa amu ni, ngai hpe chyu sha nang madun hpang nit dai hpe gaw ngai chye nngai. Nang galaw shapraw dan sai daru magam n-gun hte hpring ai amu ni hpe galaw lu ai karai gaw sumsing lamu e mung, ginding aga ntsa e mung kadai n nga nga sai!

TARA JAHPRANG 4:34

Dai Madu nanhte a Karai Kasang gaw nanhte a matu Egutu mung hta e galaw dan manit dai zawn kaga amyu baw hta na amyu masha ni hpe woi la nhtawm shi a amyu masha shatai la gwi ai hpara shaje nga nga yu sani? Shi gaw nanhte a man e shi a daru magam n-gun hte atsam marai hpe lang nhtawm ana zinli hte hpyen majan, mauhpa lamik kumla hte hkrit hpa amu ni hpe shapraw dan nu ai.

TARA JAHPRANG 5:24

‘Wan kata kaw nna shi tsun ai ga hpe anhte na ga yang, dai Madu anhte a Karai Kasang gaw shi a galu kaba ai daru magam n-gun hte hpring ai hpung shingkang madun dan mi hka! Karai Kasang shi nan masha hte ga shaga kau wu tim, masha gaw naw hkrung lu nga ai hpe dai ni, anhte mu lu saga ai.

TARA JAHPRANG 7:19

Dai Madu nanhte a Karai Kasang gaw nanhte nan myi hte chyaw mu manit dai, dai hkrit hpa ana zinli ni hte mauhpa lamik kumla ni hpe galu kaba ai daru magam n-gun atsam hte nanhte hpe shalawt dat manit dai hpe adum nga mu. Egutu masha ni hpe shi jahten kau nu ai hte maren, ya nanhte hkrit nga myit dai ndai masha amyu ni yawng hpe mung shi jahten kau na ra ai.

TARA JAHPRANG 8:19

Dai Madu nanhte a Karai Kasang hpe galoi mung hkum malap kau myit; kaga karai ni hpe nawku daw jau na dai de galoi mung hkum kayin mat myit. Nanhte rai nna hkan nang myit yang chyawm gaw teng teng shamyit kau ai hkrum na rai myit dai ngu nna, dai ni ngai nanhte hpe sadi jaw nga nngai.

TARA JAHPRANG 9:26

Ngai mung, ‘Tsaw Htum ai Madu e, na a galu kaba ai daru magam n-gun atsam hte Egutu mung kaw na hkrang shaw wa ai na a amyu masha ni hpe hkum shamyit kau et.

YAWSHU 24:31

Yawshu ahkrung nga dingsa Israela amyu masha ni mung dai Madu hpe nawku daw jau ma ai; shi n nga mat wa ai hpang e mung, dai Madu gaw Israela a matu galaw dan nu ai lam magup hpe ningbaw ni ahkrung nga dingsa shanhte hkum nan matut galaw nga ma ai.