TARA JAHPRANG 11:18 - Jinghpaw Common Language Bible 2009

¹⁸ “Ndai hkang da ai ga ni hpe adum nga let, manu shadan nhtawm shagrau nga mu. Nanhte a lata lahpum ni hta dai ni hpe hkawn da nna, kahtan ni hta masat langai zawn sumraw da na rai myit dai.

Jinghpaw Hanson Version Bible

¹⁸ Dai rai nna, nye a ga ndai ni hpe na a kraw lawang e, na a myit masin hta nang gun da ai hte, nanhte a lata hta kumla tai nga na matu hkawn da nna, nanhte a myi lapran e masat dingsat laika tai nga na rai malit dai.

TARA JAHPRANG 11:18 ပူးပေါင်းရင်းမြစ်များ

SHAKAWN KUNGDAWN 119:11

Na a tara hpe nye a myit masin hta ngai kyem da nga nngai rai nna, ngai nang hpe yubak n galaw na nngai.

PRU MAT 13:16

Ndai htung tara gaw anhte a lata shing n rai kahtan ni hta masat arai lama mi hpe shakap da ai zawn, adum nga na rai myit dai. Dai gaw dai Madu shi a galu kaba ai daru magam n-gun hte anhte hpe Egutu mung kaw nna woi shapraw wa ai hpe adum shangun nga na ra ai,’ ngu nna tsun wu ai.

PRU MAT 13:9

Na a lata hta shing n rai na a kahtan hta masat arai lama mi shakap da ai zawn dai htung masa hpe adum nga na rai myit dai. Dai Madu gaw shi a daru magam n-gun kaba hte nanhte hpe Egutu mung kaw na woi shapraw wa manit dai majaw dai Madu a Tara hpe matut manoi hti shakrai na matu shadum jahprang ya na rai myit dai.

GA SHAGAWP 3:1

Ngai nang hpe sharin shaga ai ga hpe hkum malap kau et; nang hkan galaw na matu, ngai matsun ai ga hpe mung, tut nawng adum nga u.

GA SHAGAWP 3:3

Sadi dung ai hte kangka ai myit hpe galoi mung hkum kau da nga et; dai hpe na a du hta gali da nna, na a myit masin lungpa hta ka da u.

YEREMIA 32:39

Ngai gaw shanhte hte shanhte a aru arat ni a mai kaja lam a matu asak hkrun lam tup hta ngai hpe aten shagu shagrau sha-a na ngu ai yaw shada lam langai sha shanhte hpe jaw na nngai.

MAHTE 23:5

Shanhte galaw ai amu bungli mahkra hpe, masha ni mu lu mu ga, nga nna galaw ma ai. Shanhte a lahtan ni hte lata lahpum ni hta chyum ga ka shakap tawn ai lakhpoi pa kaba kaba galaw la nna hkawn shakap tawn nga ma ai hpe yu mu! Shanhte a palawng kaba ni hta banbyau ni hpe mung galu lu di nna myin jahkram chywi hpun ma ai.

TARA JAHPRANG 32:46

shi gaw, “Dai ni, ngai nanhte hpe jaw ya sai hkang da ai ga yawng mayawng hte hpe teng teng madat mara hkan sa na rai myit dai. Ndai tara ga ni hpe nanhte a kashu kasha ni bai htawn tsun dan lu na rai myit dai: shanhte mung Karai Kasang a sharin achyin ai ga ni yawng hpe sadi sahka hte madat mara hkan sa na rai ma ai.

KOLOSE 3:16

Hkristu a mungga gaw nanhte a myit masin hta hpring tsup hkra shanu nga u ga. Hpaji byeng-ya nga manga hte nanhte shada da sharin achyin, matsun madun hkat nga mu. Shakawn kungdawn ga, mahkawn mangoi ai ga ni, Wenyi hte seng ai laka ga ni hte nanhte a kraw lawang hta Karai Kasang hpe chyeju dum ai hte mahkawn mangoi nga mu.

HEBRE 2:1

Dai re ai majaw anhte lam n yit mat wa u ga, anhte na la sai dai teng man ai lam hta grau nna kangka ai hte magra noi nga lu ra ga ai.

2 PETRU 1:12

Dai majaw nanhte gaw ndai lam ni hpe chye na nna nanhte hkap la da sai dai teng man ai lam hta ngang ngang kang kang npawt de da manit dai rai ti mung, ngai nanhte hpe galoi mung naw ashadum jahprang nga mayu nngai.