TARA JAHPRANG 11:16 - Jinghpaw Common Language Bible 2009

¹⁶ Nanhte gaw kaga karai ni hpe nawku daw jau na nga, dai Madu kaw na lam hkum yit mat nga myit.

Jinghpaw Hanson Version Bible

^16-17 dai n rai yang, Yehowa nanhte hpe masin pawt nna, na a lamu ga hta nai mam n tu lu na hku marang n htu lu hkra sumsing lamu hpe pat kau na wu ai: shaloi Yehowa nanhte hpe jaw ai kaja htum ai mungdan hta na, nanhte alawan htum mat na myit dai.

TARA JAHPRANG 11:16 ပူးပေါင်းရင်းမြစ်များ

1 HKAWHKAM 8:35

“Na a amyu masha ni nang hpe shut kau ai mara a majaw marang n htu mat jang, shanhte myit malai wa nna ndai Nawku Htingnu de myi man yawng let nang kaw shagrit shanem ai hte hpyi nem mu yang,

YOBA 31:27

Shanhte hpe hkrit hkungga na matu nye a lata pup ai hku nna mung, shanhte hpe shagrau sha-a na matu mung, ngai lam woi nhkyeng mat wa yu nngai n rai.

ESAIA 44:20

Dai gaw wan dap amawp sha nga ai zawn grau kaja ai lam shadan dan na ra ai. Shi a angawk ai myit mang lam gaw karum la n lu mat hkra shi hpe lam woi shadam kau nu ai. Shi a lata hta shi lang da ai hpara sumla gaw dik dik karai n rai nga ai lam hpe shi hkum nan yin la na ra ai n rai.

LUKA 21:34

“Nanhte gaw, lu lai, sha lai, chyaru nang ai, dinghta asak hkrung lam a matu myit ru myit tsang ai lam ni hte nanhte hpe n ka-up dang kau u ga, sadi hte nga nga mu. Dai n rai yang, dai tara dawdan ai nhtoi gaw mahkam htim ai zawn nanhte a ntsa e akajawng sha dan pru na ra ai.

LUKA 21:36

Nanhte gaw dai byin wa na ra ai lam ni yawng hpe lai di nna lawt lu na n-gun atsam lu la myit ga hte Masha Kasha a man e tara daw dan hkam na matu tsap lu ging ai ni tai lu myit ga akyu hpyi nga let amaja nga mu,” ngu mu ai.

LUKA 21:8

Yesu gaw, “Nanhte hkalem masu kau ai n hkrum myit ga, sadi nga mu, hpa majaw nga yang, masha law law wa nye a mying hte paw pru nna, ‘Ngai gaw shi rai nngai; Jahtum nhtoi du ra ai; nga nna tsun na mara ai. Shanhte a hpang hkum hkan nang myit.

TARA JAHPRANG 12:30

Dai Madu gaw ndai amyu baw ni hpe shamyit kau ai hpang, nanhte gaw shanhte a nawku htung lailen hta n hkan hkrup myit ga, sadi nga mu; dai gaw si ging ai amu rai nga ai. Shanhte zawn n nawku lu myit ga, shanhte a karai ni hpe kaning rai nawku nga ma ai hpe hkum tam shakut myit.

TARA JAHPRANG 17:3

dai Madu a hkang da ai ga hte nhtan shai nna kaga karai ni hte jan, shata hte shagan ni hpe nawku let daw jau ai rai yang,

TARA JAHPRANG 28:14

Shi a ga hpe galoi mung, madat mara lu na myit dai; rai ti mung kaga hpara ni hpe nawku daw jau lu na myit dai n rai.

TARA JAHPRANG 29:17

Hpun, nlung, aja gumhpraw ni hte galaw tawn ai shanhte a matsat shabat re ai hpara sumla ni hpe nanhte mu manit dai.

TARA JAHPRANG 29:18

Kaga masha amyu baw ni a hpara hpe nawku daw jau na nga, dai ni, ndai yang e tsap nga ai numsha lasha dinghku hte amyu bawsang ni kadai mung dai Madu anhte a Karai Kasang kaw na teng teng yit mat wa lu na myit dai n rai. Dai gaw agung hte hka ai hpun tu pru wa ai ru npawt zawn rai nga ai.

TARA JAHPRANG 30:17

Rai ti mung hkang da ai ga hpe n madat ai sha, shi a ga hpe lale nna kaga hpara ni hpe nawku na nga, lam dam mat wa ai rai yang chyawm gaw,

TARA JAHPRANG 31:20

Ngai gaw shanhte a kaji kawa ni hpe ga sadi jaw da sai hte maren, dai ngamu ngamai ai sut hte hpring nna ningru ningja ai mungdan de shanhte hpe woi wa ai shaloi, dai mung e shanhte sha mayu, lu mayu ai lusha hkum dingnum sha lu nna, ngwi pyaw sim sa ai hte nga lu na mara ai. Rai ti mung, shanhte mahtang lam dam mat nhtawm hpara shaje ni hpe nawku daw jau mat na mara ai; ngai hpe ningdang kau ma ai majaw nye a ga shaka hpe jahten kau na mara ai;

TARA JAHPRANG 4:23

Dai Madu nanhte a Karai Kasang nanhte hte tawn da ai ga shaka hpe n malap kau myit ga, sadi nga mu; shi hkang da sai ga hpe hkan sa madat mara nhtawm nanhte a matu kaning re ai hpara sumla ni hpe mung hkum tawk myit;

TARA JAHPRANG 4:9

Nanhte hkum nan sadi maja nga mu! Nanhte a myi hte chyaw mu lu sai lam hpe n malap kau ai sha ahkrung nga dingsa shangang shakang da myit; nanhte a myit masin hta a matsing nga mu. Shi gaw ngai hpe, ‘Amyu masha ni hpe jahpawng tawn u; shanhte hkrung nga dingsa nye a ga hpe madat mara hkan sa nhtawm dai hte maren shanhte a kashu kasha ni hpe sharin achyin ya lu hkra ngai tsun ai ga shanhte hpe na la shangun mayu nga nngai,’ ngu nna Sina Bum hta dai Madu nanhte a Karai Kasang a man e tsap nga ai shani na matsun maroi ga, nanhte a kashu kasha ni hpe tsun dan mu.

TARA JAHPRANG 5:7

“ ‘Ngai hta lai karai shaje hpe hkum nawku myit.

TARA JAHPRANG 8:19

Dai Madu nanhte a Karai Kasang hpe galoi mung hkum malap kau myit; kaga karai ni hpe nawku daw jau na dai de galoi mung hkum kayin mat myit. Nanhte rai nna hkan nang myit yang chyawm gaw teng teng shamyit kau ai hkrum na rai myit dai ngu nna, dai ni ngai nanhte hpe sadi jaw nga nngai.

HEBRE 12:15

Karai Kasang a chyeju kaw na htak mat wa ai lam n byin u ga, makawp maga nga mu. Hka ai hpun ru gaw tu kaba wa nna shi a gung hte jam jau law law jaw lu ai zawn, nanhte kadai hta mung dai zawn n byin u ga, sadi nga mu.

HEBRE 2:1

Dai re ai majaw anhte lam n yit mat wa u ga, anhte na la sai dai teng man ai lam hta grau nna kangka ai hte magra noi nga lu ra ga ai.

HEBRE 3:12

Kam sham ai hpu nau ni e, ahkrung nga ai Karai Kasang kaw na htak mat wa hkra n hkru n shawp kam shut chye ai myit masin rawng ai masha nanhte hta na langai mi mung n lawm malit ga, sadi nga mu.

HEBRE 4:1

Ya Karai Kasang gaw anhte hpe ngwi pyaw ban sa ai lam hkam la shangun na nga nna tsun da ai ga ndat jaw da mani ai. Dai ga ndat jaw da sai ngwi pyaw ban sa ai lam hpe nanhte hta na langai mi mung n lu la ai n nga myit ga, anhte sadi nga ga.

YAKU 1:26

Ngai gaw nawku htung shadik ai wa rai nngai nga nna marai langai ngai myit nawn dam ti mung, shi a shinglet hpe n hkang lu yang gaw, shi a nawku htung gaw kaman lila sha rai nna shi a hkum hpe hkalem kau da wu ai.

1 YAWHAN 5:21

Ngai shu ngai sha ni e, masu ai karai ni hpe koi gam nga mu law!

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.

SHINGRAN 13:14

Shi gaw shawng na matse labye a man e madun dan na ahkang lu ai lamik kumla ni hpe madun nna ga ntsa e nga ai masha yawng hpe hkalem kau wu ai. Dai matse labye gaw, nhtu hkang nma hkrum ti mung n si ai sha bai mai mat ai matse labye hpe shagrau sha-a ai hku nna shi a hkrang sumla galaw shachyaw na matu mungkan masha ni hpe shangun da wu ai.

SHINGRAN 20:4

Dai hpang, tingnyang ni hpe ngai mu nngai; dai tingnyang ni hta dung nga ai ni gaw, tara dara na ahkang aya ap ya da hkrum ai ni rai nga ma ai. Dai hta kaga, Madu Yesu shadan dan ai teng man ai lam hpe mung, Karai Kasang a mungga hpe mung hkaw tsun sakse hkam ai majaw, sat kau hkrum ai ni hte, dai matse labye hpe mung, shi a hkrang sumla hpe mung, n naw n ku ai hte, tinang a lahtan hte lata ni hta dai matse labye a masat dingsat ni hpe n hkam la ai ni a tsu ni hpe mung, ngai mu nngai. Shanhte gaw asak bai hkrung wa nna, hkawhkam ni zawn Madu Yesu hte rau shaning hkying mi tup up nga na mara ai.

1 SAMUELA 12:20

Samuela gaw, “Hkum hkrit myit, ndai zawn re ai n hkru ai amu hpe nanhte galaw shut kau nga myit ti mung, dai Madu kaw na hkum yit mat myit; nanhte a myit masin mahkra hte shi hpe daw jau nga myit.

1 SAMUELA 12:21

Lam shadam shangun ai hpara ni hpang de hkum hkan myit; dai ni gaw nanhte hpe karum ya lu ai n rai, dai ni gaw ajet n rai nga ai majaw nanhte hpe hkye la lu ai n rai.