TARA JAHPRANG 11:14 - Jinghpaw Common Language Bible 2009

¹⁴ Nanhte hkan galaw myit yang gaw nanhte a matu nsi naisi, sabyi ntsin hte tsanlun sau re ai ni hpe shu la lu hkra mung, nanhte a yam nga hpung ni a matu tsingdu tsingman ni hpe mung mahpawng hpaw marang, hpang shadoi htu marang shi jahtu ya na ra ai.

Jinghpaw Hanson Version Bible

¹⁴ na a nsi naisi, na a tsabyi jahku ningnan hte na a namman shu la lu hkra, nanhte a lamu ga hta, du hkra ladaw du jang, mahpawng hpaw marang hte hpang shadoi htu marang, ngai jahtu ya na ring ngai:

TARA JAHPRANG 11:14 ပူးပေါင်းရင်းမြစ်များ

ESAIA 30:23

Nanhte gaw nanhte a nsi naisi ni hpe hkai ai aten shagu, Madu gaw dai ni hpe tu shangun na matu marang jahtu ya nna nanhte hpe ja kat ai mangai jaw ya na ra ai, nanhte a yam nga hpung gaw udat shara law law madu lu na mara ai.

YEREMIA 14:22

Masha amyu baw ni a hpara sumla ni kadai mung marang n lu jahtu ya nga ai; lamu gaw shi hkrai marang jahtu lu nga ai n rai; O Madu anhte a Karai Kasang e, anhte gaw nang hpe myit mada nga ga ai. hpa majaw nga yang, nang gaw ndai amu ni hpe galaw ai wa nan rai nga ndai.

YEREMIA 5:24

Shaning shagu nmut ta aten hta, nshung shang marang hte ginhtawng shang marang ni hpe ngai jahtu ya ti mung, ngai hpe shagrau sha-a na matu nang galoi mung n myit dum nga ndai.

EZEKELA 34:26

“Ngai gaw shanhte hpe shaman ya nna shanhte hpe nye a chyoi pra ai kawng grup yin hkan e shanu nga shangun na nngai. Shanhte ra kadawn ai aten hta marang jahtu dat nna ngai shanhte hpe shaman ya na nngai.

YOELA 2:19

Shi gaw shanhte hpe ning ngu htan wu ai: “Ya chyawm gaw, ngai nanhte hpe nsi naisi, sabyi ntsin, hte tsanlun sau jaw na made ai, nanhte myit dik hkra hkru kat na madai. Kaga masha amyu baw ni nanhte hpe galoi mung asawng asang di na mara ai n rai.

JAW JAU 26:3

“Ngai hkang da ai tara ni hte maren, nanhte asak hkrung nna nye a hkang da ai ga ni hpe madat mara hkan sa myit dai rai yang, lamu marang hpe shi a aten hta nanhte a matu ngai jahtu ya na mawe ai; shaloi lamu ga gaw nsi naisi shapraw ya ai hte hpun ni hta asi si na mara ai.

MALAHKI 3:11

Ngai gaw nanhte a nsi naisi ni hpe shingtai ni hte jahten sharun kau shangun na n rai, nanhte a sabyi ru ni mung sabyi si ni hte sumbyau nga na ra ai.

KASA 14:17

Rai ti mung, shi gaw shi nga nga ai lam sakse hte hkrak galoi mung a madun nga ai, Dai sakse ni gaw mai kaja ai amu ngu ai, Sumsing lamu na marang jahtu ya nna du hkra ladaw du ai shaloi nsi naisi ngai shangun ai hte nanhte hpe lusha hte jahkru shakat nna nanhte a myit masin hpe kabu gara ai hte jahpring ya nga ai,” ngu nna jahtau tsun mu ai.

TARA JAHPRANG 28:12

Shi gaw nanhte galaw ai amu bungli yawng hpe shaman ya na nga, sumsing lamu e nga ai sut gan nlang hte hpring ai sut dum kaw na lamu marang hpe aten ladaw shagu jahtu ya na ra ai; nanhte gaw masha amyu baw law law hpe hkoi ya lu na marin dai; rai tim nanhte chyawm gaw kadai kaw na mung hkoi la ra na myit dai n rai.

YAKU 5:7

Dai re ai majaw hpu nau ni e, dai Madu du sa ai du hkra hkam sharang nga mu. Yi sun hkauna galaw sha ai wa langai mi gaw shi a lamu ga kaw na hpu ging ai nsi naisi ni shapraw ya na ra ai hpe gara hku ala nga ai hpe yu yu mu! Shi gaw myit galu ai hte marang nhpaw hte marang shadoi htu ai ten du hkra ala nga ai.