TARA JAHPRANG 11:11 - Jinghpaw Common Language Bible 2009

¹¹ nanhte shang madu la hkyen nga ai mungdan chyawm gaw bum lang hkaraw nhkap sawng ai hte marang htu nna hka law law lu ai mungdan rai nga ai.

Jinghpaw Hanson Version Bible

¹¹ nanhte shang sha na mungdan chyawm gaw, kawng jinghkang hkaraw nhkap sawng ai hte marang ntsin lu lu ai ga rai nga ai:

TARA JAHPRANG 11:11 ပူးပေါင်းရင်းမြစ်များ

NINGPAWT NINGHPANG 27:28

Karai Kasang gaw nang hpe lamu na numri jaw ya nhtawm na a yi sun hkauna ni hpe ga sau tung shangun u ga! Nai mam law law hte sabyi ntsin ni mung nang hpe jaw na nit dai!

SHAKAWN KUNGDAWN 68:9

Nang gaw marang hpe ntaw ntsang jahtu dat ya nna, na a hkun hkraw mat sai lamu ga hpe bai shabran dat ndai.

ESAIA 28:1

Israela mungdan gaw dingnye hkrum nga sai! Dai mung a arawng sadang gaw chyaru ya ningbaw ni a abaw ntsa na nampan janmau ni zawn nyui mat nga sai. Shanhte a gumrawng gumtawng ai abaw ni gaw manam pyaw bat hawm nga ai, rai ti mung shanhte gaw n dum ndam rai lu nang gumpye taw nga ma ai.

YEREMIA 2:7

Ngai gaw shanhte hpe ga sau kaja ai mung de woi jashawn nna dai mung na nsi naisi ni hte kaga kaja ai sut rai ni hta kabu gara shangun ni ai. Rai ti mung shing rai na malai, shanhte gaw nye a mungdan hpe jahten sharun kau nna; ngai shanhte hpe jaw sai mungdan hpe shanhte awu asin di kau manu ai.

EZEKELA 36:4

Dai rai nna, bum ni hte kawng ni, hkaraw hkamwam ni hte kadit ni, jahten sharun tawn da sai shara ni, hte grup yin masha amyu baw ni yawng e lanep hta nna n kaw n law di hkrum let jahkam da sai mare ni hte seng nna Tsaw Htum ai dai Madu ngai nan tsun ai mungga madat la mu.

TARA JAHPRANG 11:10

Dai nanhte shang madu la hkyen ai mungdan gaw shawng e nanhte nga lai wa yu sai Egutu mung hte bung ai n rai. Dai yang e nanhte nli gat nhtawm hkai sun ni hta asi asat hka hpai jaw ra myit ti mung,

HEBRE 6:7

Law law lang htu bun ai marang hka hpe hkap la nna shawt hkai ai ni a matu akyu rawng ai hkai nmai tu kaba shangun ai aga hpe Karai Kasang shaman chyeju ajaw ya nga ai.