TARA JAHPRANG 11:1 - Jinghpaw Common Language Bible 2009

¹ “Dai Madu nanhte a Karai Kasang hpe tsaw ra let, shi a tara ni yawng hpe tut nawng madat mara hkan sa na rai myit dai.

Jinghpaw Hanson Version Bible

¹ Dai re ai majaw nang gaw na a Karai Kasang Yehowa hpe tsawra let, shi a ga madat hte matsun maroi, dawdan ai tara hte hkang da ai ga ni hpe hkan shatup nga na rai ndai.

TARA JAHPRANG 11:1 ပူးပေါင်းရင်းမြစ်များ

SHAKAWN KUNGDAWN 105:45

Shing rai, shi a amyu masha ni shi a tara ni hpe madat nna; shi a hkang da ai ga ni yawng hpe hkan shatup na mu ai. Dai Madu hpe shakawn nga mu law!

SHAKAWN KUNGDAWN 116:1

Dai Madu gaw nye a nsen hpe na ya ai majaw, ngai shi hpe tsaw ra nga nngai; shi nye a akyu hpyi ai ga ni hpe madat ya nga ai.

EZEKELA 20:19

Ngai gaw dai Madu nanhte a Karai Kasang rai nga nngai. Nye a tara ni hte nye a hkang da ai ga ni hpe madat mara nga mu.

JAW JAU 18:30

Dai Madu gaw, “Ngai jaw da made ai hkang da ai ga ni hpe madat mara nna nanhte a shawng e dai mung hta nga nga sai amyu masha ni a htung lailen ni hta hkum hkan nga myit. Ndai amu galaw let nanhte a hkum ni hpe matsat shabat hkum di kau nga myit. Ngai gaw dai Madu nanhte a Karai Kasang rai nga nngai,” ngu nna tsun wu ai.

JAW JAU 22:9

“Hkinjawng ni yawng mung ngai jaw da sai tara ni hta hkan sa lu na rai ma ai. Shing n rai dai chyoi pra ai tara ni hpe shanhte n madat kau mu ai majaw mara shagun hkrum ai hte si mat na rai ma ai. Ngai gaw shanhte hpe shachyoi shapra ai dai Madu rai nga nngai.

JAW JAU 8:35

Dai Madu hkang da sai hte maren, Sum a shang wa chyinghka lam e sanit ya, sanit na tup nga nga lu na rai myit dai. Nanhte n galaw myit yang si na rai myit dai. Dai gaw dai Madu ngai hpe hkang da ai lam rai nga ai,” ngu nna tsun wu ai.

ZEHKARIA 3:7

Chyahtum Chyalai N-gun Rawng ai dai Madu ning nga tsun nu ai ga tsun dan wu ai: “Ngai nang hpe lit jaw ai amu ni hpe hkan galaw nna nye a tara ni hpe madat mara ndai rai yang, nye a Nawku Htingnu hte de a wang ni hpe matut nna woi hpareng lu na rai ndai. Ngai gaw nye a man e nga nga ai lamu kasa ni a hpyi nem ai ga ni hpe na ya ai zawn, na a hpyi nem ai ga ni hpe mung na ya na nngai.

TARA JAHPRANG 10:12

“Ya, Israela amyu masha ni e, dai Madu nanhte a Karai Kasang nanhte hpe hpa hpyi ai ga madat la mu; dai Madu hpe nawku nna shi hkang da mada yawng hte hpe hkan galaw mu; shi hpe tsaw ra nga mu, nanhte a myit masin mahkra hte shi hpe daw jau nga nna,

TARA JAHPRANG 11:13

“Dai rai nna dai ni ngai nanhte hpe jaw ya sai hkang da ai ga ni hpe madat mara hkan sa let dai Madu nanhte a Karai Kasang hpe tsaw ra nna myit masin mahkra hte shi hpe daw jau nga mu.

TARA JAHPRANG 11:22

“Ngai nanhte hpe jaw mase ai tara ni yawng hpe sadi sahka hte madat mara hkan sa nga mu; dai Madu nanhte a Karai Kasang hpe tsaw ra let shi hkang da ai lam magup hte hpe galaw nna shi hta sadi dung nga mu.

TARA JAHPRANG 13:4

Dai Madu a hpang hkan nang let shi hpe shagrau sha-a mu; shi a hkang da ai ga hpe madat mara hkan sa nhtawm dai ni hpe shadik shatup nga mu; shi hpe nawku ai hte shi hta sadi dung nga mu.

TARA JAHPRANG 27:10

dai re ai majaw, dai ni, ngai nanhte hpe jaw ya ai shi a tara ni yawng hpe hkan shatup let, shi a ga hpe madat mara hkan sa nga mu,” ngu nna tsun mu ai.

TARA JAHPRANG 30:6

Nanhte hpe mung, nanhte a amyu matu mara ni hpe mung madat mara chye ai myit masin, dai Madu nanhte a Karai Kasang jaw ya na ra ai rai nna nanhte a myit masin kraw lawang mahkra hte shi hpe tsaw ra lu na rai myit dai; shing rai dai mungdan hta nanhte anga nga lu na rai myit dai.

TARA JAHPRANG 4:1

Dai hpang Mawshe gaw amyu masha ni hpe, “Ngai nanhte hpe sharin ya nga ai tara ni yawng hpe madat mara nga mu; shaloi dai Madu nanhte a kaji kawa ni a Karai Kasang nanhte hpe jaw ya nga ai lamu ga hpe nanhte madu la nna nga nga lu na marin dai.

TARA JAHPRANG 4:40

Nanhte hte nanhte a amyu matu ni yawng ngamu ngamai wa lu myit ga, dai ni, ngai nanhte hpe jaw da sai shi a tara ni yawng hpe madat mara hkan sa nga mu; shaloi dai Madu nanhte a Karai Kasang nanhte hpe htani htana a matu jaw ya nga ai mungdan hta prat tup jaw lup matut nna nga lu na rai myit dai,” ngu nna tsun wu ai.

TARA JAHPRANG 4:5

“Dai Madu nye a Karai Kasang ngai hpe tsun ai tara ni yawng ngai nanhte hpe sharin achyin ya mani ai. Nanhte shang madu la hkyen nga ai mungdan hta dai matsun maroi ga hte hkang da ai tara ni hpe madat mara nga mu.

TARA JAHPRANG 5:1

Mawshe gaw Israela masha ni yawng hpe shaga jahpawng nna shanhte hpe, “Israela amyu masha ni e, dai ni, ngai nanhte hpe jaw ya nga ai hkang da ai tara ni hpe madat mu; dai ni hpe sharin la nna nanhte hkan galaw na rai myit dai.

TARA JAHPRANG 5:29

Shanhte dai zawn tut nawng hkam sha nga ma hka! Ngai hpe tut nawng shagrau sha-a nna nye a hkang da ai ga yawng hpe hkan galaw mu ai rai yang chyawm gaw, shanhte hte shanhte a matu mara ni a lam magup hta htani htana ngamu ngamai wa na rai ma ai.

TARA JAHPRANG 6:1

“Ndai ni gaw nanhte hpe sharin achyin ya na matu, dai Madu nanhte a Karai Kasang ngai hpe hkang da ai tara ni yawng rai nga ai. Nanhte shang madu la hkyen nga ai mungdan hta dai ni hpe hkan sa madat mara lu na rai myit dai.

TARA JAHPRANG 6:5

Dai Madu na a Karai Kasang hpe na a myit kraw lawang mahkra hte, na a asak mahkra hte na a n-gun lagaw mahkra hte tsaw ra nga u.