TARA JAHPRANG 10:8 - Jinghpaw Common Language Bible 2009

⁸ Dai Madu gaw dai bum hta Lewi amyu bawsang hta na lasha ni hpe Ga Shaka Sumpu hpai ai hta woi hpareng na matu mung, hkinjawng hku nna shi hpe daw jau amu gun hpai na matu mung, shi a mying ningsang gang nna shaman ya na matu mung lata san da wu ai. Ndai amu ni yawng gaw shanhte a magam lit ni hkrai rai nga malu ai.

Jinghpaw Hanson Version Bible

⁸ Dai shaloi e Yehowa gaw, shi a ga shaka sumpu hpai na matu mung, shi a man e tsap nna amu gun hpai na matu mung, shi a amying ningsang gang nna shaman ya lu mu ga mung, dai ni du hkra Lewi masha ni hpe san da nu ai.

TARA JAHPRANG 10:8 ပူးပေါင်းရင်းမြစ်များ

1 HKAWHKAM 8:6

Dai hpang hkinjawng ni mung Ga Shaka Sumpu hpe Nawku Htingnu kata de hpai jashawn nhtawm Chyoi Pra Htum Ai Shara na singkaw tu ai hkrung kanu yan a npu e dai hpe tawn da ma ai.

1 HKAWHKAM LABAU 15:2

Dai rai nna Dawi gaw, “Lewi masha ni gaw Ga Shaka Sumpu hpe hpai na hte shi hpe htani htana daw jau na matu dai Madu lata san da nu ai rai nga ai majaw Lewi masha ni chyu sha dai Sumpu hpe hpai na rai ma ai,” ngu nna tsun wu ai.

1 HKAWHKAM LABAU 15:26

Shanhte gaw Ga Shaka Sumpu hpai ai Lewi masha ni hpe Karai Kasang karum na wu ai hpe chye wa lu hkra, usu sanit, sagu sanit nawng ya mu ai.

1 HKAWHKAM LABAU 23:13

Shi a kasha alat Amram mahtang Arun hte Mawshe yan a kawa rai nga ai. (Arun hte shi a amyu matu ni gaw chyoi pra ai arung arai ni hpe tut nawng woi hpareng na matu san da hkrum ma ai; dai Madu a nawku shara hta manam pyaw ai baw hpe nat nawng nna shi hpe daw jau ai hte shi a mying ningsang hta amyu masha ni hpe shaman ya na rai ma ai.

1 HKAWHKAM LABAU 23:26

Dai rai nna Lewi masha ni mung dai Madu a hpung shingkang shanu nga ai Sum hte nawku yang lang ai arung arai ni yawng hpe galoi mung hpai na manu ai n rai,” ngu nna tsun wu ai.

2 HKAWHKAM LABAU 29:11

Ngai sha ni e, hkum kanung nga myit. Shi hpe manam pyaw ai baw nat nawng na matu mung, shi hpe nawku nga ai amyu masha ni hpe lam woi na matu mung, dai Madu nanhte hpe lata san da ai ni rai nga myit dai.”

2 HKAWHKAM LABAU 30:27

Hkinjawng ni hte Lewi masha ni gaw amyu masha ni a matu dai Madu a shaman chyeju shaman ya na matu nga, hpyi nem ya nga ma ai. Sumsing lamu na shi a nta hta shanhte a akyu hpyi ga ni hpe Karai Kasang na ya ai hte hkap la nga ai.

SHAKAWN KUNGDAWN 134:1

Shi a Nawku Htingnu kata hta, shana e nawku daw jau nga ai shangun ma ni yawng hte e, sa marit, dai Madu hpe shakawn ga.

SHAKAWN KUNGDAWN 134:2

Nanhte a lata ni hpe sharawt nna Nawku Htingnu kata hta akyu hpyi mu, dai Madu hpe shakawn mu!

SHAKAWN KUNGDAWN 135:2

Dai Madu a nta wang hte anhte a Karai Kasang a Nawku Htingnu kata hta tsap nga ai Madu a shangun ma ni e, shi a mying nsang hpe shakawn mu.

YEREMIA 15:19

Dai lam a majaw dai Madu gaw, “Nang nhtang wa ai rai yang, ngai nang hpe woi nhtang wa na nngai, nang gaw nye a shangun ma bai tai lu na rai ndai. Lachyum n pru ai ga laban shaga na malai, manu dan ai mungga hpe nang hkaw tsun ai rai yang, nang gaw nye a myihtoi bai tai lu na rai ndai. Amyu masha ni mung nang kaw nhtang wa na mara ai, nang gaw shanhte kaw sa ra na ndai n rai.

EZEKELA 44:11

Shanhte gaw Nawku Htingnu kata e chyinghka ni sin nna Nawku Htingnu amu galaw ai hku ngai hpe daw jau lu na rai ma ai. Amyu masha ni nawng jau ai wan nat hkungga hte shagu hkungga yam nga ni hpe shanhte sat nna amyu masha ni hpe karum daw jau na shanhte hta lit lu nga ai.

EZEKELA 44:15

Tsaw Htum ai dai Madu gaw, “Kaga Israela amyu masha ni ngai kaw nna kayin mat wa tim, dai hkinjawng amu galaw na matu san da ai Lewi amyu na Zadok a matu mara ni chyawm gaw gara hku mi rai tim, Nawku Htingnu kata e ngai hpe kangka ai hte matut nna daw jau na ma ai. Shanhte gaw ngai hpe daw jau lu nna nye a man e du sa nhtawm, sau man hte shagu hkungga asai ni hte ngai hpe nawng jau na mara ai.

JAW JAU 8:9

Shi gaw shi a baw hta bunghkaw hkaw ya nna de a man e dai Madu shi hpe hkang da ai hte maren ap nawng ai chyoi pra masat kumla rai nga ai ja htanbam bam ya wu ai.

JAW JAU 9:22

Arun gaw dai shagu hkungga ni yawng nawng jau ngut jang, amyu masha ni hpang de shi a lata sharawt da let, shanhte hpe shaman ya ai hte yu wa wu ai.

BU HKAWM 3:31

Ga Shaka Sumpu, aku, pyengdin shadun, tawn hkungri ni, chyoi pra ai shara hta hkinjawng ni lang ai hkinghku arai ni, Chyoi Pra Htum ai Shara de shang wa ai chyinghka a nba grang ni hpe lit la yu lajang na rai ma ai. Shanhte gaw ndai amu yawng hte seng maseng hpe lit la ya na rai ma ai.

BU HKAWM 3:6

Arun a hkinjawng amu gun hpai na shangun ma hku shanhte hpe san da na rai ndai.

BU HKAWM 4:15

But de nga ai dabang hpe run hpya kau na aten du ai shaloi, Kohat a lakung lama ni mahtang Arun hte shi a shadang sha ni magap da ngut sai dai chyoi pra ai arai ni hte de a arai ni yawng hpe shang hpai la na rai ma ai. Kohat a lakung lama ni dai chyoi pra ai arai ni hpe hkra lu na ma ai n rai; dai hku n rai yang, shanhte si na rai ma ai. Dai hte gaw Sum htawt shagu Kohat a lakung lama ni gun hpai ang ai amu ni rai nga ai.

YAWHAN 15:16

Nanhte ngai hpe lata la myit dai n rai, nanhte pru sa nna asi law law si na hte dai asi grin nga u ga ngu nna, ngai mahtang she nanhte hpe lata la nna san da made ai. Dai rai nna nye a mying hte nanhte Wa kaw hpyi mahpyi nanhte hpe jaw na marin dai.

KASA 13:2

Ya shanhte Madu hpe nawku daw jau let lusha gam nga ma yang, dai Chyoi Pra ai Wenyi gaw, “Shawlu Yan Barnaba hpe ngai shaga da ai amu gun hpai na matu san da mu,” ngu nna shanhte hpe tsun mu ai.

ROMA 1:1

Karai Kasang a Kabu Gara Shiga hkaw tsun na matu kasa hku nna Karai Kasang e lata san da hkrum ai Hkristu Yesu a shangun ma wa ngai Pawlu gaw Laika ka dat nngai.

ROMA 12:7

Masha hpe karum daw jau chye ai chyeju kumhpa rai yang gaw daw jau ga, sharin shaga chye ai chyeju kumhpa rai yang gaw sharin shaga ga,

2 KORINHTU 6:17

Dai rai nna Madu gaw, “Nanhte gaw shanhte hpe tawn kau da lu na hte shanhte kaw na kaga lak nanhte a hkum ni hpe garan jahka kau mu. Awu asin re ai hpe hpa hkum hkra mu, shaloi ngai nanhte hpe hkap la na made ai.

GALATI 1:15

Rai ti mung nye nu a hkritung nna ngai garai n shangai yang Karai Kasang gaw shi a chyeju hte ngai hpe lata la nna shi hpe daw jau na matu shaga la ni ai.

TARA JAHPRANG 17:12

Amu gun hpai ai hkinjawng wa hte tara agyi langai ngai a ga hpe dingsa sa n madat ai wa kadai mung sat kau ai hkrum na rai wu ai. Ndai hku nna Israela amyu hta na n hkru n shawp ai amu yeng seng kau lu na rai myit dai.

TARA JAHPRANG 18:5

Dai Madu gaw na a amyu bawsang ni yawng hta na Lewi amyu bawsang ni htani htana hkinjawng amu gun hpai nhtawm shi hpe daw jau na matu lata san da nu ai.

TARA JAHPRANG 21:3

Dai hpang si mang taw ai shara hte ni htum ai mare ningbaw ni mahtang bungli garai n shangun yu ai dumsu upra langai hpe lata san da na rai ma ai.

TARA JAHPRANG 21:5

Dai Madu nanhte a Karai Kasang gaw shi hpe daw jau na hte shi a mying ningsang hta shaman ya na matu, Lewi hkinjawng ni hpe lata la nu ai rai nna kashun kashe du daw sai hkaw pru wa ai amu shagu hpe daw dan hparan ya ra nga ai majaw dai shara de shanhte sa na rai ma ai.

TARA JAHPRANG 31:9

Shaloi Mawshe gaw Karai Kasang a Tara hpe ka nhtawm dai Madu a Ga Shaka Sumpu woi hpareng ai Lewi hkinjawng ni hpe mung, Israela ningbaw ni hpe mung jaw ya wu ai.