TARA JAHPRANG 10:5 - Jinghpaw Common Language Bible 2009

⁵ Shing rai dai Madu mung ngai hpe jaw dat ni ai; ngai mung kayin let bum kaw nna yu wa nngai. Dai hpang dai Madu hkang da sai hte maren ngai galaw da ai sumpu hta bang da we ai. Dai lungpa yan dai hta ya du hkra rawng nga ai.”

Jinghpaw Hanson Version Bible

⁵ Ngai mung kayin nna, dai bum na yu wa nhtawm, galaw ngut tawn sai sumpu hta lungpa dai yan hpe bang da we ai: shing rai Yehowa ngai hpe hkang dat ai hte maren, dai sumpu hta ya rawng nga ai.

TARA JAHPRANG 10:5 ပူးပေါင်းရင်းမြစ်များ

PRU MAT 25:16

Dai hpang ngai nang hpe jaw na, dai hkang da ai ga ni hpe ka da ai lungpa lahkawng hpe Sumpu hta bang da na rai nga ai.

PRU MAT 25:21

Lungpa lahkawng yan hpe mung Sumpu kata de bang nna dai hpe magap tawn da na rai nga ai.

PRU MAT 32:15

Mawshe gaw lungpa man lahkawng maga de hkang da ai tara ni hpe ka da ai lungpa yan hpe hpai let, bum kaw na yu hkrat wa wu ai.

PRU MAT 34:28

Mawshe gaw dai yang e shat mung n sha, ntsin mung n lu ai mali shi ya, mali shi na tup dai Madu hte rau nga nga wu ai. Dai lungpa yan hta ga shaka ngu na Tara Kanu Shi hpe ka da wu ai.

PRU MAT 34:29

Mawshe gaw dai Tara Kanu Shi ka da ai lungpa lahkawng hpai nna Sina Bum na yu wa yang, dai Madu hte ga shaga wu ai majaw shi a myi man ahpraw tu kabrim nga ti mung, dai lam shi n chye da wu ai.

PRU MAT 40:20

Dai hpang, shi gaw lungpa lahkawng la nhtawm Ga Shaka Sumpu hta bang da wu ai; dai Sumpu hta kandang dinghkrawn nna de a magap hte magap tawn wu ai.

TARA JAHPRANG 10:2

nang agrawp kau sai lungpa yan hta ngai ka ai zawn ndai lungpa yan hta mung ka na we ai; dai hpang dai yan hpe sumpu hta nang bang da na rai ndai,’ ngu nna tsun wu ai.

TARA JAHPRANG 9:15

“Dai rai nna ngai gaw ka da ai ga shaka lungpa lahkawng hpai let bum na kayin yu wa nngai; Wan shinglet mung bum kaw nna pru nga ai.

YAWSHU 4:9

Yawshu gaw Ga Shaka Sumpu hpai ai hkinjawng ni tsap nga ai hka ka-ang e, nlung shi lahkawng jung da wu ai. (Dai nlung ni dai yang e naw nga nga ai.)