TARA JAHPRANG 10:4 - Jinghpaw Common Language Bible 2009

⁴ Dai hpang dai Madu gaw nanhte bum e wa hpawng nga myit dai shani e, wan hta nna shi tsun nhtawm nanhte hpe jaw ya manit dai dai Tara Kanu Shi hpe shawng na lang ka ai ga hkum ni hte maren ndai lungpa yan hta ka shakap wu ai.

Jinghpaw Hanson Version Bible

⁴ Sa hpawng ai shani e, dai bum ntsa e wan hta nna Yehowa tsun dat ai ga kanu shi hpe, shawng na lungpa yan hta kap ai hte maren, Yehowa bai ka nna ngai hpe ap ya nngai.

TARA JAHPRANG 10:4 ပူးပေါင်းရင်းမြစ်များ

PRU MAT 31:18

Karai Kasang gaw Sina Bum ntsa e Mawshe hte ga shaga ngut jang, Karai Kasang shi nan ka ai hkang da ai ga kap ai lungpa lahkawng shi hpe ap dat ya wu ai.

PRU MAT 34:1

Dai Madu gaw Mawshe hpe, “Shawng na lungpa yan zawn re ai lungpa lahkawng ga la u; nang agrawp kau ai shawng na lungpa yan hta ka da ai ga hte maren, dai lungpa yan hta ngai bai ka da na we ai.

PRU MAT 34:28

Mawshe gaw dai yang e shat mung n sha, ntsin mung n lu ai mali shi ya, mali shi na tup dai Madu hte rau nga nga wu ai. Dai lungpa yan hta ga shaka ngu na Tara Kanu Shi hpe ka da wu ai.

TARA JAHPRANG 18:16

“Nanhte Sina Bum e hpawng nga myit dai shani hta, nanhte si na hkrit nga myit dai majaw, dai Madu tsun ai ga hpe bai n na lu myit ga mung, wan zawn re ai dai Madu a hpung shingkang hpe galoi mung bai n mu mada lu myit ga, hpyi nem yu manit dai.

TARA JAHPRANG 9:10

Dai hpang nanhte bum e hpawng nga myit dai shani e, nanhte hpe wan kata kaw na shi tsun ai ga, shi a lata hte ka ai lungpa lahkawng dai Madu ngai hpe ap ya ni ai.