TARA JAHPRANG 10:21 - Jinghpaw Common Language Bible 2009

²¹ Shi gaw nanhte a Karai Kasang rai nga ai rai nna nanhte a matu shi galaw dan nu ai dai galu kaba ai mauhpa amu ni hpe nanhte nan myi hte chyaw mu manit dai majaw shi hpe shakawn mu.

Jinghpaw Hanson Version Bible

²¹ Na a matu mara nga nna, na a myi chyi mu lu ai galu kaba ai hte mauhpa amu galaw ya ai wa gaw, nang shakawn kungdawn shara hte na a Karai Kasang rai nga ai.

TARA JAHPRANG 10:21 ပူးပေါင်းရင်းမြစ်များ

2 SAMUELA 7:23

Na a amyu masha majing shatai na nga, shanhte hpe mayam shatai nga ai kaw na nang hkye mawai da nit dai, dai Israela amyu ni hte bung ai amyu baw kaga ndai ginding aga ntsa n nga nga ai. Shanhte a matu nang galaw dan sai dai galu kaba ai mauhpa amu ni gaw mungkan ting de na a mying ningsang dan hkung gumhkawng shangun nga sai. Na a amyu masha majing shatai la na nga, Egutu mung kaw na nang shalawt dat sai amyu masha ni rawt lung wa mu yang, kaga masha amyu baw ni hte shanhte a karai ni hpe nang gawt shapraw kau ya nga ndai.

SHAKAWN KUNGDAWN 109:1

Karai Kasang e, ngai nang hpe shakawn kungdawn nngai; atsin sha hkum nga nga et!

SHAKAWN KUNGDAWN 145:6

Na a daru magam amu ni hpe masha amyu ni htawn tsun dan na mara ai; na a galu kaba ai lam hpe mung, ngai htawn tsun nga na nngai.

SHAKAWN KUNGDAWN 148:14

Shi gaw shi a amyu baw ni hpe n-gun shaja ya nga ai majaw, shi a amyu masha ni yawng shi hpe shakawn nga ma ai- shi hpe grai tsaw ra ai Israela amyu masha ni mung shi hpe shakawn nga ma ai. Dai Madu hpe shakawn mu!

SHAKAWN KUNGDAWN 22:3

Rai ti mung, nang gaw Chyoi Pra ai Wa zawn tingnyang hta dung nga ndai; Israela amyu masha ni e shakawn kungdawn hkrum ai wa mung rai nga ndai.

PRU MAT 15:2

Dai Madu gaw n-gun hte hpring ai nye a dahpran shara rai nga ai; shi gaw ngai hpe hkye hkrang la ai wa rai nga ai. Shi gaw nye a Karai Kasang rai nga ai, ngai shi hpe shakawn na nngai, nye wa a Karai Kasang rai nga ai majaw, shi a galu kaba ai lam hpe ngai mahkawn mangoi nga na nngai.

PRU MAT 34:10

Dai Madu gaw Mawshe hpe, “Ya ngai Israela amyu masha ni hte ga shaka langai shagrin da na nngai. Ga ntsa ting na mungdan amyu mahkra hta galoi mung n galaw yu ai mauhpa amu kaba ni hpe shanhte a man e ngai galaw shapraw na we ai. Na a matu ngai galaw na amu gaw hkrit hpa amu rai nga ai majaw, Ngai Madu nan galaw lu ai amu kaba ni hpe amyu masha ni yawng mu lu na mara ai.

ESAIA 60:19

“Ajan gaw na a matu shani na nhtoi tai sana n rai, Shata gaw na a matu shana na nhtoi tai sana n rai; Dai Madu ngai gaw na a matu htani htana nhtoi tai nga na nngai; Nye a hpung shingkang a nhtoi gaw na a ntsa e htoi tu nga na ra ai.

ESAIA 64:3

Kalang mi na aten hta, nang du sa nna anhte n myit dum ai hkrit hpa amu ni hte jahkrit yu nit dai; shaloi bum ni gaw nang hpe mu nna hkrit gari ai hte ashun ma ai.

YEREMIA 17:14

Madu e, ngai hpe shamai shatsai la e, shaloi ngai tsep kawp hkam kaja wa na ring ngai; ngai hpe hkye mawai la e, shaloi ngai hkum tsup hkra shim lu na ring ngai. Nang gaw ngai shakawn kungdawn ai wa rai nga ndai!

LUKA 2:32

Maigan amyu ni a man e na a myit ra ai lam shadan dan na nhtoi hte, na a amyu Israela a matu hpung shingkang jaw ya na lam rai nga ai,” nga nna tsun ai.

YAWSHU 24:18

Anhte dai mung de rawt lung wa yang, dai mung e nga ai Amori masha ni yawng hpe dai Madu shaden shapraw kau wu ai rai nna anhte gaw dai Madu hpe chyu sha daw jau na ga ai; shi chyu sha anhte a Karai Kasang rai nga ai law,” ngu nna htan ma ai.

SHINGRAN 21:23

Dai mare hpe jahtoi ya na matu jan, shata mung n ra nga ai. Hpa majaw nga yang, Karai Kasang a hpung shingkang gaw dai mare hpe jahtoi ya nna, Sagu Kasha gaw de a pyengdin rai nga ai.

1 SAMUELA 12:24

Dai Madu a ga hpe madat mara nna, na a myit masin mahkra hte sadi sahka let shi hpe daw jau nga mu; nanhte a matu shi galaw dan nu ai amu kaba hpe adum nga mu.