TARA JAHPRANG 10:2 - Jinghpaw Common Language Bible 2009

² nang agrawp kau sai lungpa yan hta ngai ka ai zawn ndai lungpa yan hta mung ka na we ai; dai hpang dai yan hpe sumpu hta nang bang da na rai ndai,’ ngu nna tsun wu ai.

Jinghpaw Hanson Version Bible

² shawng na nang agrawp kau ai lungpa yan hta kap ai ga hte maren, dai lungpa ya hta ngai bai ka da we ga: dai yan hpe dai sumpu hta nang bang da na rai ndai,” nga nna ngai hpe tsun ai.

TARA JAHPRANG 10:2 ပူးပေါင်းရင်းမြစ်များ

1 HKAWHKAM 8:9

Israela amyu masha ni Egutu mung na pru wa yang, dai Madu gaw Sina Bum e shanhte hte ga shaka tawn da nhtawm Mawshe tawn da ai lung pa lahkawng hta kaga, dai Ga Shaka Sumpu e hpa mung n rawng nga ai.

2 HKAWHKAM LABAU 5:10

Israela amyu masha ni Egutu mung na pru wa yang, dai Madu gaw Sina Bum e shanhte hte ga shaka tawn da nhtawm Mawshe tawn da ai lungpa lahkawng hta kaga, dai Ga Shaka Sumpu e hpa mung n rawng nga ai.

PRU MAT 32:19

Mawshe dai dap de shani yu wa yang, dumsu usu kasha hte amyu masha ni ka manawt nga ma ai hpe mu wu ai rai nna shi ja ja masin pawt wu ai. Shi hpai yu wa ai lungpa yan hpe dai bum lagaw e kabai jahkrat nna agrawp kau wu ai.

PRU MAT 34:1

Dai Madu gaw Mawshe hpe, “Shawng na lungpa yan zawn re ai lungpa lahkawng ga la u; nang agrawp kau ai shawng na lungpa yan hta ka da ai ga hte maren, dai lungpa yan hta ngai bai ka da na we ai.

PRU MAT 40:20

Dai hpang, shi gaw lungpa lahkawng la nhtawm Ga Shaka Sumpu hta bang da wu ai; dai Sumpu hta kandang dinghkrawn nna de a magap hte magap tawn wu ai.

TARA JAHPRANG 10:5

Shing rai dai Madu mung ngai hpe jaw dat ni ai; ngai mung kayin let bum kaw nna yu wa nngai. Dai hpang dai Madu hkang da sai hte maren ngai galaw da ai sumpu hta bang da we ai. Dai lungpa yan dai hta ya du hkra rawng nga ai.”

TARA JAHPRANG 4:13

Shi nanhte hte tawn da ai ga shaka hpe shatup nna hkan galaw nga na matu mung, nlung lungpa lahkawng hta shi ka da nu ai Tara Kanu Shi hpe nanhte madat mara hkan sa lu na lam mung, shi shanhte hpe tsun nu ai.

HEBRE 9:4

Dai hta e manam pyaw ai baw nat ai aja hkungri hte hkum ting ja hte sup tawn ai Ga Shaka Sumpu rawng nga ai. Dai Sumpu kata e manna muk rawng ai ja dibu mung, alap hkalung ni prut pru wa ai Arun a dawhkrawng mung, jep ai Tara hpe ka tawn ai lungpa 2 mung, rawng nga ai.