TARA JAHPRANG 10:19 - Jinghpaw Common Language Bible 2009

¹⁹ Dai rai nna nanhte nan mung Egutu mung e maigan masha ni zawn sa tai yu manit dai majaw ndai maigan masha ni hpe tsaw ra mu.

Jinghpaw Hanson Version Bible

¹⁹ Dai rai nna shingbyi zaw nam ni hpe tsawra mu: kaning rai nme law, nanhte mung Egutu mung e manam tai nga yu manit dai.

TARA JAHPRANG 10:19 ပူးပေါင်းရင်းမြစ်များ

PRU MAT 22:21

“Maigan masha wa hpe n sawn n sang di nna hkum dip gamyet sha et. Nanhte Egutu mung e maigan masha tai yu manit dai hpe adum nga mu.

EZEKELA 47:22

dai gaw nanhte a htani htana hte seng ai lamu ga sali rai nga ai. Nanhte a lapran e hkan matep nga ai hte dai lamu ga hta shangai wa sai kashu kasha ni lu ai maigan masha ni mung, nanhte dai lamu garan ai shaloi, lamu ga sali hkam la na rai ma ai. Shanhte hpe Israela mungchying masha ni hte maren masat la nna Israela amyu bawsang ni hte rau lamu ga sali hpe hpaida da la lu na ma ai.

EZEKELA 47:23

Mungdan kata shanu nga ai maigan masha shagu gaw shi shanu nga ai Israela amyu masha ni a ka-ang hta shi a sali wunli hkam la lu na ra ai. Tsaw Htum ai dai Madu ngai nan tsun ni ai.”

LUKA 17:18

Ndai tsasam masha hta kaga, Karai Kasang hpe shagrau sha-a na, bai nhtang sa ai langai mi pyi n nga sani?,” nga nna san ai.

LUKA 6:35

Nanhte chyawm gaw, nanhte a hpyen ni hpe tsaw ra mu; hpa mung lu la na n myit mada ai sha hkoi shap ya mu. Shing rai yang, nanhte shabrai kaba lu na hte, Tsaw Htum ai Karai Wa a kasha ni mung nanhte tai na marin dai; hpa majaw nga yang shi gaw chyeju malap kau ai ni hte, n hkru n hkra re ai ni hpe chyeju galaw mu ai.

GALATI 6:10

Dai re ai majaw anhte gaw aten ladaw naw nga pra nna ahkaw ahkang lu shagu masha nlang hte a matu mai kaja ai amu galaw nga ga, rai ti mung makam masham a dinghku na ni hpe grau nna galaw nga ga.

TARA JAHPRANG 23:7

“Edom masha ni hpe chyawm gaw n kaw n law hkum rai myit; shanhte gaw nanhte a kahpu kanau ni rai ma ai. Egutu masha ni hpe mung n sawn n sang hkum rai myit; shanhte a mungdan hta nanhte nga yu manit dai.

TARA JAHPRANG 23:8

Ban masum a hpang pra sa wa ai shanhte a matu mara ni mahtang dai Madu a amyu masha hpawng hta lawm mai na rai ma ai.