TARA JAHPRANG 10:18 - Jinghpaw Common Language Bible 2009

¹⁸ Shi gaw jahkrai nmai, gaida gaina ni hpe rap ra ai hku daw dan ya nna, anhte a amyu masha ni kaw hkan nga ai maigan masha ni hpe tsaw ra ai majaw lusha hte hpun palawng ni hpe jaw ya wu ai.

Jinghpaw Hanson Version Bible

¹⁸ jahkrai nmai, gaida gaina ni hpang maga tara dara ya nna, shingbyi zaw nam ni hpe tsawra ai hte lusha hpun palawng jaw ai wa rai nga ai.

TARA JAHPRANG 10:18 ပူးပေါင်းရင်းမြစ်များ

2 HKAWHKAM LABAU 19:7

Dai Madu anhte a Karai Kasang gaw ru hka amu hta masu hkalem ai lam, myi man tau ai lam hte mayun kumhpa la ai lam ni hpe n yu sharang lu nga ai majaw dai Madu hpe shagrau sha-a nna sadi sahka hte galaw mu.

SHAKAWN KUNGDAWN 10:18

Zingri zingrat hkrum ai ni hte jahkrai nmai ni a hpyi jahtau ai nsen ni hpe nang na ya na ndai; nang gaw shanhte a maga de tara jeyang ya ai shaloi shinggyim masha ni gaw hkrithpa lam hpe bai naw shabyin sana n rai.

SHAKAWN KUNGDAWN 103:6

Madu gaw dip gamyet sha hkrum nga ai ni hpang maga de, tara dara ya nga nna; shanhte lu la ang ai ahkaw ahkang ni hpe jaw ya nga ai.

SHAKAWN KUNGDAWN 145:9

Shi gaw nlang hte a ntsa e, mai kaja nga ai rai nna, shi galaw ai arai yawng mayawng a ntsa e mung, matsan dum ai myit rawng nga ai.

SHAKAWN KUNGDAWN 146:9

Anhte a lamu ga hta nga ai tsasam masha ni hpe shi makawp maga ya nga ai; gaida gaina ni hte jahkrai nmai ni hpe shi karum ya nga ai, rai ti mung, tara n lang ai ni a maw mawn ai lam hpe chyawm gaw jahtum kau ya nga ai.

SHAKAWN KUNGDAWN 68:5

Shi a chyoi pra ai Nawku Htingnu hta shanu nga ai Karai Kasang gaw jahkrai nmai ni hpe lanu lahku nga nna gaida jan ni hpe makawp maga ya nga ai.

SHAKAWN KUNGDAWN 68:6

Garen gari nga ai wa hpe shanu nga na nta shi jaw ya nga ai; bawng dung ai ni kabu gara ai shanglawt ahkaw ahkang lu la na matu, shi woi awn nga ai; rai ti mung, gumlau ai ni gaw akrin akraw re ai lamu ga hta shanu nga na mara ai.

PRU MAT 22:20

“Dai Madu Ngai hta lai nna hpara shaje hpe shagu hkungga nawng jau ai wa kadai mung si ari daw dan ai hkrum na rai wu ai.

PRU MAT 22:21

“Maigan masha wa hpe n sawn n sang di nna hkum dip gamyet sha et. Nanhte Egutu mung e maigan masha tai yu manit dai hpe adum nga mu.

PRU MAT 22:22

Gaida jan hte chyahkrai ma hpe n gawn n sawn hkum di myit.

PRU MAT 22:23

Nang shing di ai rai yang, shanhte ngai kaw karum hpyi ai shaloi, Ngai Madu nan shanhte a nsen hpe htan ya nna,

ESAIA 1:17

teng man ai amu galaw na hpe sharin la mu, teng man rap ra ai amu yu la nna, dip gamyet sha hkrum nga ai ni hpe karum mu, jahkrai ma ni a ahkaw ahkang hpe jaw mu; gaida gaina ni hpe makawp maga nga mu.”

YEREMIA 49:11

Na a jahkrai nmai ni hpe ngai hte tawn da u, shaloi ngai gaw shanhte hpe lanu lahku la na nngai. Na a gaida gaina ni ngai hta shamyet shanat lu nga ma ai.

HOSEA 14:3

Asuri gaw anhte hpe galoi mung hkye mawai la lu ai n rai; majan gumra ni mung anhte hpe makawp maga la lu ai n rai. Hpara sumla ni hpe anhte a Karai Kasang rai nga ai ngu nna, anhte galoi mung bai tsun sana ga ai n rai. O Madu e, kam hpa na masha langai mung n lu nga ai ni hpe matsan dum ai myit madun ya mi law.”

JAW JAU 25:35

Nang hte ani sha nga ai Israela hpu nau wa shi hkum hpe n lu madi shadaw mat nna, matsan mayan hkrum sha ai rai yang, nang hte ani sha matut nga lu u ga, na a nchyang wa hpe zawn lanu lahku shadaw la lu na rai myit dai.

BU HKAWM 10:32

Nang anhte hte rau sa ndai rai yang gaw dai Madu anhte hpe jaw ya ai shaman chyeju yawng hta na nang hpe karan jaw na ga ai,” ngu nna tsun wu ai.

MAHTE 5:45

Shing rai yang gaw, sumsing lamu e nga ai nanhte a Kawa a kasha ni nanhte tai na marin dai; hpa majaw nga yang, shi gaw n kaja ai ni hte kaja ai masha ni a ntsa e maren sha shi a jan hpe shi mai ya nga ai rai nna, kaja ai galaw ai ni hte n kaja ai galaw ai ni a ntsa e marang jahtu ya mu ai.

KASA 14:17

Rai ti mung, shi gaw shi nga nga ai lam sakse hte hkrak galoi mung a madun nga ai, Dai sakse ni gaw mai kaja ai amu ngu ai, Sumsing lamu na marang jahtu ya nna du hkra ladaw du ai shaloi nsi naisi ngai shangun ai hte nanhte hpe lusha hte jahkru shakat nna nanhte a myit masin hpe kabu gara ai hte jahpring ya nga ai,” ngu nna jahtau tsun mu ai.

TARA JAHPRANG 27:19

“ ‘Maigan masha ni, jahkrai nmai hte gaida gaina ni lu la ang ai shanhte a ahkaw ahkang ni hpe hkum pat shadang da ya ai wa kadai mung Karai Kasang jaw ai ari hkrum sha u ga law.’ “Shaloi Amyu masha ni yawng gaw, ‘Amen!,’ ngu nna htan na mara ai.