TARA JAHPRANG 10:12 - Jinghpaw Common Language Bible 2009

¹² “Ya, Israela amyu masha ni e, dai Madu nanhte a Karai Kasang nanhte hpe hpa hpyi ai ga madat la mu; dai Madu hpe nawku nna shi hkang da mada yawng hte hpe hkan galaw mu; shi hpe tsaw ra nga mu, nanhte a myit masin mahkra hte shi hpe daw jau nga nna,

Jinghpaw Hanson Version Bible

¹² Ya, Israela amyu e, na a Karai Kasang Yehowa hpe hkrit hkungga let, shi a lam nlang hkan nang na; na a Karai Kasang Yehowa hpe na a myit masin mahkra hte na a kraw lawang mahkra hte tsawra let, shi a magam gun hpai na;

TARA JAHPRANG 10:12 ပူးပေါင်းရင်းမြစ်များ

1 HKAWHKAM 3:3

Shawlumon gaw shi a kawa Dawi a matsun maroi ga hkan let, dai Madu hpe tsaw ra nga ai; rai ti mung shi mung yam nga law law sat nhtawm tawn hkungri amyu myu a ntsa e shagu hkungga sak nawng ya wu ai.

2 HKAWHKAM 10:31

Rai ti mung Yehu gaw dai Madu Israela a Karai Kasang a Tara hpe shi a myit masin mahkra hte madat mara nga ai n rai; shing rai na malai, Israela masha ni hpe yubak lam de woi sa ai Yeroboam a arawn alai kasi hta hkan dagraw nang nga wu ai.

2 HKAWHKAM 18:3

Shi a kaji kawa Hkawhkam Dawi a kasi hkan ai rai nna dai Madu awng sharawng ai hku amu galaw nga ai.

2 HKAWHKAM 18:6

Shi gaw dai Madu hta sadi dung kam sham nga ai wa rai nna, shi a ga hpe galoi mung n madat nga ai wa n rai; dai Madu Mawshe hpe jaw ya nu ai hkang da ai ga ni yawng hpe chyawm gaw sadi sahka hte shadik shatup da wu ai.

1 HKAWHKAM LABAU 28:9

Shi gaw Shawlumon hpe, “Ngai sha e, na nwa a Karai Kasang hta yin la nna labra ai myit n rawng ai sha, awng sharawng ai myit masin hte shi hpe daw jau na ngai nang hpe tsun shadut nngai. Anhte a myit mang ai lam hte ra sharawng ai lam yawng mayawng hpe shi chye ya nga ai. Nang shi kaw sa ai rai yang, shi nang hpe hkap la na ra ai; rai ti mung, nang shi hpe kayin kau da ndai rai yang, shi nang hpe htani htana kau da na ra ai.

2 HKAWHKAM LABAU 15:12

Shanhte gaw dai Madu shanhte a kaji kawa ni a Karai Kasang hpe kraw lawang mahkra hte myit masin mahkra hte nawku na matu myit hkrum ai hte ga shaka galaw tawn da ma ai.

YOBA 36:11

Shanhte gaw Karai Kasang a ga madat mara nna shi hpe daw jau ai rai yang, shanhte gaw ngamu ngamai nna ngwi pyaw sim sa ai hte nga lu na mara ai.

SHAKAWN KUNGDAWN 119:2

Shi a hkang da ai tara ni hpe hkan nang nna, myit masin mahkra hte shi hpe madat mara hkan sa ai ni gaw a lu ma ai.

SHAKAWN KUNGDAWN 128:1

Dai Madu a ga hpe madat nna, shi a hkang da ai mungga hte maren asak hkrung nga ai ni gaw a lu ma ai.

SHAKAWN KUNGDAWN 145:20

Shi hpe tsaw ra ai masha hkum shagu hte hpe, shi makawp maga ya ti mung; tara n lang ai ni hpe chyawm gaw shi sharun shabyak kau na wu ai.

SHAKAWN KUNGDAWN 18:1

Madu e, nang hpe ngai kade wa tsaw ra nga a hka! Nang gaw ngai hpe makawp maga ai wa rai nga ndai.

SHAKAWN KUNGDAWN 34:9

Shi a amyu masha ni yawng hte e, dai Madu hpe shagrau sha-a nga mu; shi a ga madat mara ai ni gaw shanhte a ra kadawn nga ai lam yawng hte hpe hkam la lu nga ai.

SHAKAWN KUNGDAWN 81:13

Nye a amyu masha ni ngai tsun ai ga hpe na ya na, ngai kade myit ra nga a hka; nye a a ga hpe shanhte madat mara ya na, ngai kade wa marit nga a hka!

SHAKAWN KUNGDAWN 81:14

Ngai gaw shanhte a gumlau hpyen ni hpe alawan sha dang kau ya nna; shanhte a hpyen ni yawng hpe shamyit kau na we ai.

PRU MAT 23:25

Dai Madu nanhte a Karai Kasang rai nga ai Ngai hpe nawku myit dai rai yang chyawm gaw ngai nanhte hpe malu masha hte lu na ntsin shaman ya nhtawm nanhte a machyi makaw ana ahkya mahkra hte hpe yeng seng kau na we ai.

HPAJI NINGLI 12:13

Ya ndai lam yawng mayawng shapraw ngut ai hpang, tsun dan na lama mi sha nga sai: Karai Kasang hpe hkrit hkungga u, shi a hkang da ai lam ni hpe madat mara nga u, hpa majaw nga yang dai gaw anhte hpan da hkrum nga ga ai a lam madung rai nga ai.

EZEKELA 11:20

Dai hpang, shanhte gaw nye a tara ni hpe shadik shatup lu na mara ai; nye a hkang da ai ga yawng hpe kangka ai hte madat mara hkan sa na mara ai. Shaloi, shanhte gaw nye a amyu masha ni tai wa ai hte ngai mung shanhte a Karai Kasang tai nga na nngai.

MIHKA 6:8

N rai law, dai Madu gaw anhte hpe mai kaja ai amu galaw na matu she hkang da sai. Anhte kaw na shi hpyi ai gaw ndai lam rai nga ai: “Teng man ai amu galaw na lam, dinggrin tsaw ra myit madun dan na lam, anhte a Karai Kasang hte kanawn mazum ai hta myit grit myit nem hte asak hkrung hkawm nga na lam ni hpe sha, shi hpyi nga ai.”

ZEHPANI 3:9

“Dai hpang, ngai gaw masha amyu baw ni hpe galai kau nna shanhte gaw kaga hpara ni hpe n nawku ai sha ngai kaw chyu akyu hpyi wa na mara ai. Shanhte yawng nye a ga matsun ni hpe madat mara hkan sa na mara ai.

MAHTE 22:37

Yesu gaw, “ ‘Dai Madu na a Karai Kasang hpe na a myit kraw lawang mahkra hte, na a myit masin mahkra hte, na a myit mang mahkra hte nang tsaw ra lu na rai ndai.”

LUKA 10:27

Dai wa gaw, “Dai Madu na a Karai Kasang hpe, na a kraw lawang mahkra hte, na a myit masin mahkra hte, na a n-gun lagaw mahkra hte, na a myit mang mahkra hte, nang tsaw ra lu na ndai; na a htingbu wa hpe mung na a hkum hte maren tsaw ra lu na rin dai, nga ai,” ngu nna htan wu ai.

LUKA 11:42

“Hparishe ni e, nanhte dingnye lu myit dai! Hpa majaw nga yang, nanhte gaw shingtawn pan, shinglim pan ni hte shatmai lap amyu myu hta na htam shi kaw na htam mi Karai Kasang hpe sak jaw myit dai. Rai ti mung, nanhte gaw tara rap ra ai hte Karai Kasang hpe tsaw ra ai lam hpe gaw hprai kau nga myit dai. Nanhte gaw htam shi hta htam mi alu jaw ai hta n ga, tara rap ra ai hte Karai Kasang hpe tsaw ra ai hta mung hkan sa galaw ang myit dai.

KASA 9:31

Dai majaw dai aten hte yang Yuda mung Galile mung hte Samari mung shara magup hkan e nga ai hpung gaw zingri zingrat n hkrum ai angwi apyaw sha nga lu nga ma ai. Dai hpung gaw Karai Kasang hpe hkrit hkungga ai myit hte asak hkrung shamu shamawt nna Chyoi pra ai Wenyi a karum madi shadaw ai hte ngang kang grin nga ai rai nna hpung masha ni law htam wa ma ai.

ROMA 1:9

Ngai tsun ai ga teng man nga ai gaw nye a myit kraw lawang mahkra hte shi a Kasha a Kabu Gara Shiga a lam hkaw tsun ai hte ngai daw jau nga ai Karai Kasang nan nye a sakse rai nga ai.

ROMA 8:28

Karai Kasang hpe tsaw ra nna shi a shatawng shada da ai hte maren shaga la hkrum ai ni a matu mara yawng mayawng hta mai kaja ai lam byin wa u ga, Karai Kasang gaw shanhte hte rau amu galaw nga ai hpe anhte chye ga ai.

TARA JAHPRANG 10:11

Dai rai nna nanhte a nji nwa ni hpe jaw na ngu nna ga sadi jaw da sai mungdan hpe nanhte madu la lu myit ga nga, nanhte hpe woi awn pru sa wa na matu shi ngai hpe tsun ni ai.

TARA JAHPRANG 10:13

shi a tara ni yawng hpe madat mara nga mu. Ngai gaw nanhte hkam la na akyu chyeju a matu dai ni, nanhte hpe jaw ya nga nngai.

TARA JAHPRANG 11:1

“Dai Madu nanhte a Karai Kasang hpe tsaw ra let, shi a tara ni yawng hpe tut nawng madat mara hkan sa na rai myit dai.

TARA JAHPRANG 11:13

“Dai rai nna dai ni ngai nanhte hpe jaw ya sai hkang da ai ga ni hpe madat mara hkan sa let dai Madu nanhte a Karai Kasang hpe tsaw ra nna myit masin mahkra hte shi hpe daw jau nga mu.

TARA JAHPRANG 26:16

“Shi a tara ni yawng hpe hkan sa madat mara na matu dai Madu nanhte a Karai Kasang, dai ni nanhte hpe hkang da manit dai rai nna na a myit masin mahkra hte sadi sahka let hkan shatup lu na rai myit dai.

TARA JAHPRANG 27:10

dai re ai majaw, dai ni, ngai nanhte hpe jaw ya ai shi a tara ni yawng hpe hkan shatup let, shi a ga hpe madat mara hkan sa nga mu,” ngu nna tsun mu ai.

TARA JAHPRANG 30:16

Dai ni, ngai nanhte hpe jaw ai, dai Madu nanhte a Karai Kasang a hkang da ai ga hpe madat mara nna, shi hpe tsaw ra ai hte shi a ga hpe madat mara let shi a tara ni yawng hpe hkan shatup myit dai rai yang, nanhte gaw ngamu ngamai wa nhtawm masha amyu baw law law a amyu tai wa lu na marin dai. Shing rai nanhte madu la hkyen ai mungdan hta dai Madu nanhte a Karai Kasang nanhte hpe shaman ya na ra ai.

TARA JAHPRANG 30:20

Dai Madu nanhte a Karai Kasang hpe tsaw ra mu; shi a ga madat mara let shi hta sadi dung nga mu. Nanhte a nji nwa Abraham, Isak hte Yaku hte hpe shi jaw ai ga sadi mungdan hta nanhte hte nanhte a amyu matu mara ni anga nga lu na marin dai,” ngu nna tsun wu ai.

TARA JAHPRANG 4:29

“Nanhte gaw dai hkan e dai Madu nanhte a Karai Kasang hpe marit let myit mada nna, nanhte a myit masin kraw lawang mahkra hte shi hpe hkan tam myit yang chyawm gaw mu lu na marin dai.

TARA JAHPRANG 5:29

Shanhte dai zawn tut nawng hkam sha nga ma hka! Ngai hpe tut nawng shagrau sha-a nna nye a hkang da ai ga yawng hpe hkan galaw mu ai rai yang chyawm gaw, shanhte hte shanhte a matu mara ni a lam magup hta htani htana ngamu ngamai wa na rai ma ai.

TARA JAHPRANG 5:33

Nanhte madu la na mungdan hta tut nawng ashanu nga nna lam magup hta ngamu ngamai wa malit ga; hkang da ai lam yawng mayawng hpe hkan sa madat mara nga myit law.

TARA JAHPRANG 6:13

Dai Madu nanhte a Karai Kasang hpe shagrau sha-a nna shi hpe chyu sha nawku nhtawm shi a mying ningsang hta sha nanhte a ga sadi ni hpe tawn da lu na rai myit dai.

TARA JAHPRANG 6:2

Ngai nanhte hpe jaw ya nga ai mungdan hta nanhte hte nanhte a matu mara ni hkrung nga ai prat dingsa, dai Madu nanhte a Karai Kasang hpe shagrau sha-a lu myit ga, shi hkang da ai tara ni yawng hpe hkan sa madat mara nga mu. Shaloi dai mungdan hta prat dingsa shanu nga lu na rai myit dai.

TARA JAHPRANG 6:24

Dai hpang ndai tara ni yawng hpe hkan sa madat mara nhtawm shi hpe shagrau sha-a na matu dai Madu anhte a Karai Kasang hkang da mi ai hte maren anhte hkan sa ga ai rai yang chyawm gaw anhte a amyu hpe shi tut nawng bau sin ya ai hte ngamu ngamai shangun na ra ai.

TARA JAHPRANG 6:5

Dai Madu na a Karai Kasang hpe na a myit kraw lawang mahkra hte, na a asak mahkra hte na a n-gun lagaw mahkra hte tsaw ra nga u.

1 TIMOHTI 1:5

Ndai hkang da ai ga a shatawng shada ai lam gaw, san seng ai myit kaw na pru ai dum chye ai htauli htaula myit hte sawt ai lam n lawm ai makam masham kaw na pru wa ai tsaw ra myit hpe sharawt ya na matu rai nga ai.

HEBRE 12:28

Dai rai nna anhte lu la ai mungdan gaw n shamu n shamawt lu ai rai nna, anhte Karai Kasang hpe chyeju dum nga ga. Anhte gaw chyeju dum let hkrit hkungga ai myit hte Madu sharawng awng na hku Karai Kasang hpe nawku daw jau nga ga.

YAWSHU 22:5

Mawshe hkang da manit dai tara hpe nanhte teng teng madat mara hkan sa lu na rai myit dai; dai Madu nanhte a Karai Kasang hpe tsaw ra nna, shi a myit ra ai hku galaw let shi a hkang da ai ga ni hpe madat mara nhtawm shi hta sadi sahka nga nna nanhte a myit kraw lawang mahkra hte mung, asak mahkra hte mung, shi hpe daw jau lu na rai myit dai,” ngu nna tsun wu ai.

YAWSHU 24:14

Yawshu gaw, “Ya dai Madu hpe shagrau sha-a nhtawm sadi sahka hte ding man ai hku shi hpe daw jau nga mu. Mesopotamia hte Egutu mung hta nanhte a kaji kawa ni nawku ai hpara sumla ni hpe kau da nhtawm dai Madu hpe chyu sha daw jau nga mu.

1 YAWHAN 2:15

Dinghta ga hpe mung, dinghta ga e nga ai arai hpe mung hkum tsaw ra myit. Nanhte dinghta ga hpe tsaw ra myit yang gaw, Kawa hpe n tsaw ra myit dai.

1 YAWHAN 5:5

Yesu gaw Karai Kasang a kasha rai nga ai nga nna kam sham ai wa sha n rai yang gaw mungkan ga hpe kadai wa dang kau lu na rai nga a ta?

1 SAMUELA 12:20

Samuela gaw, “Hkum hkrit myit, ndai zawn re ai n hkru ai amu hpe nanhte galaw shut kau nga myit ti mung, dai Madu kaw na hkum yit mat myit; nanhte a myit masin mahkra hte shi hpe daw jau nga myit.