TARA JAHPRANG 1:8 - Jinghpaw Common Language Bible 2009

⁸ Dai yawng gaw nanhte a kaji kawa Abraham, Isak, Yaku hte shanhte a amyu matu mara ni hpe Ngai Madu nan jaw na ngu nna ga sadi tawn da ai lamu ga rai nga li ai. Dai rai nna pru sa nhtawm dai mung hpe madu la masu,’” ngu nna anhte hpe tsun mi ai.

Jinghpaw Hanson Version Bible

⁸ Yu mu, dai mungdan nanhte a man e ngai tawn ya se ai; nanhte a kaji kawa Abraham, Isak, Yaku hte hte, shanhte a hpang na matu mara ni hpe jaw na, nga nna Yehowa dagam da ai mung de shang nna madu la ma su,’ nga nna tsun ma ni ai.

TARA JAHPRANG 1:8 ပူးပေါင်းရင်းမြစ်များ

NINGPAWT NINGHPANG 12:7

Dai Madu gaw Abram kaw dan pru nna shi hpe, “Na a amyu matu mara ni hpe ngai jaw na ngu ai mungdan gaw ndai rai nga ai,” ngu nna tsun wu ai. Dai rai nna, shi kaw dan pru ai dai Madu a matu dai shara hta tawn hkungri hpe Abram galaw wu ai.

NINGPAWT NINGHPANG 15:16

Prat mali lai ai hpang, na a amyu matu ni ndai shara de bai nhtang wa na mara ai; hpa majaw nga yang, Amori masha ni ari ahpri hkrum mu ga, shanhte grai n hkru n shawp ai ni tai mat wa ai aten du hkra, ngai shaden kau na nngai n rai.

NINGPAWT NINGHPANG 15:18

Dai hpang dai Madu gaw Abram hte ga shaka tawn da nu ai. Shi gaw, “Egutu mung a ga jarit kaw nna Uhprat hka nu du hkra

NEHEMIA 9:15

“Shanhte kawsi hkrum yang, nang gaw shanhte hpe sumsing lamu na muk, shanhte hpang gara hkrum yang, lunghkrung kaw na hka, jaw nga ndai. Shanhte hpe jaw na ngu nang ga sadi jaw da sai dai mung hpe madu lu na lam nang shanhte hpe tsun nit dai.

PRU MAT 23:31

Na a lamu ga jarit hpe Nawng Hkyeng kaw nna Uhprat hka nu du hkra, Ka-ang panglai kaw nna nam mali de du hkra ngai maden ya na we ai. Dai mung hta shanu nga ai masha ni hpe up hkang lu na daru magam n-gun, ngai nanhte hpe jaw na made ai; nanhte rawt lung wa nna shanhte hpe gawt shapraw kau lu na rai myit dai.

PRU MAT 33:1

Dai Madu gaw Mawshe hpe, “Nang hte Egutu mung na nang woi wa ai amyu masha ni ndai shara kaw na pru sa wa nhtawm, Abraham, Isak, Yaku hte shanhte a amyu matu ni hpe jaw na ngu nna ngai ga sadi jaw da ai ga de sa wa masu.

YEREMIA 32:22

Shanhte a kaji kawa ni hte nang ga sadi tawn da ai hte maren, nang gaw ndai ngamu ngamai ai sut hte ningru ningja ai lamu ga hpe mung shanhte hpe jaw nit dai.

EZEKELA 47:14

Ngai gaw nanhte a nji nwa ni hpe ga sadi dagam da sai hte maren, ndai mungdan shanhte hpe ngai jaw we ai; ya chyawm gaw ndai mungdan hpe nanhte a lapran e maren mara garan la manu.

BU HKAWM 14:23

Shanhte a kaji kawa ni hpe jaw na ngu nna ga sadi jaw da sai mungdan de shanhte galoi mung shang lu na ma ai n rai. Ngai hpe n gawn n sawn di nna ningdang kau ai ni kadai mung dai mungdan de galoi mung shang lu na ma ai n rai.

BU HKAWM 32:11

‘Shanhte gaw ngai hta sadi n dung nga masai majaw Abraham, Isak hte Yaku ni hpe ga sadi jaw da sai mung de, Egutu mung na pru wa ai asak hkun ning hte lahta de na ni kadai mung shang lu na n rai,’ ngu nna ngai dagam da se ai.

TARA JAHPRANG 1:11

Dai Madu nanhte a nji nwa ni a Karai Kasang gaw ga sadi tawn da nu ai hte maren, nanhte hpe htam hkying mun sha n-ga, shalaw jahtam nna ngamu ngamai shangun nga myit ga law!

TARA JAHPRANG 1:35

‘Ndai n hkru ai ban masha hta na nanhte langai mi mung nanhte a nji nwa ni hpe jaw na ngu ngai ga sadi tawn da ai dai ga sau kaja ai hte hpring nna ningru ningja ai mungdan de shang lu na myit dai n rai.

TARA JAHPRANG 10:11

Dai rai nna nanhte a nji nwa ni hpe jaw na ngu nna ga sadi jaw da sai mungdan hpe nanhte madu la lu myit ga nga, nanhte hpe woi awn pru sa wa na matu shi ngai hpe tsun ni ai.

TARA JAHPRANG 11:24

Nanhte kabye du ai lamu ga ni yawng gaw nanhte a matu rai nga malit dai. Nanhte a lamu ga gaw dingda maga nam mali kaw nna dingdung maga Lebanon bum ni de du hkra mung, sinpraw maga Uhprat hka nu kaw nna sinna maga Ka-ang Panglai du hkra jat maden mat wa na rai nga myit dai.

TARA JAHPRANG 11:9

Dai Madu gaw nanhte a nji nwa ni hte shanhte a matu mara ni hpe jaw na ngu nna ga sadi jaw da sai, dai sut su ngamu ngamai nna ga sau hte hpring nhtawm ningru ningja ai mungdan hta aten na na nanhte shanu nga lu na rai myit dai.

TARA JAHPRANG 26:15

Sumsing lamu, na a chyoi pra ai shara kaw na gum yu nhtawm na a amyu masha Israela hpe shaman ya mi law. anhte a kaji kawa ni hpe nang ga sadi jaw da sai dai sut su nna ningru ningja ai lamu ga hpe shaman ya mi law,’ ngu na rai ndai.

TARA JAHPRANG 26:3

Dai aten na hkinjawng agyi hpang de sa nhtawm shi hpe, ‘Anhte hpe jaw na nga, anhte a ji wa ni hpe ga sadi jaw da sai mung de ngai shang lu ni ai gaw dai Madu nye a Karai Kasang a majaw rai nga ai hpe ya ngai yin la ni ai,’ ngu nna tsun na rai wu ai.

TARA JAHPRANG 28:11

Nanhte hpe jaw na ngu nna nanhte a nji nwa ni hpe ga sadi tawn da ai mungdan hta, kashu kasha law law, dumsu law law hte nai mam nsi naisi hkum sumhpa, dai Madu nanhte hpe n taw n tsang shakat ya na marin dai.

TARA JAHPRANG 29:12

Dai Madu nanhte a Karai Kasang hte nanhte galaw da nga ai ndai ga shaka hte de a amu lit ni hpe hkap la na matu dai ni, hkan shatup shaja na rai myit dai.

TARA JAHPRANG 30:20

Dai Madu nanhte a Karai Kasang hpe tsaw ra mu; shi a ga madat mara let shi hta sadi dung nga mu. Nanhte a nji nwa Abraham, Isak hte Yaku hte hpe shi jaw ai ga sadi mungdan hta nanhte hte nanhte a amyu matu mara ni anga nga lu na marin dai,” ngu nna tsun wu ai.

TARA JAHPRANG 31:7

“Shaloi Mawshe gaw Yawshu hpe shaga la nhtawm Israela amyu masha ni yawng a man e shi hpe, “Myit jahkut daw dan nna kam hpa nga u; dai Madu shanhte a kaji kawa ni hpe ga sadi jaw da ai mungdan hpe madu la na matu, dai amyu masha ni hpe woi awn na gaw nang rai nga ndai.

TARA JAHPRANG 34:4

Shaloi dai Madu gaw Mawshe hpe, “Abraham, Isak hte Yaku hte hpe ga sadi tawn nna shanhte a amyu matu ni hpe jaw na ngu ndat da ai mungdan gaw dai rai nga ai; dai hpe nang mu mada la ti mung, dai mung de ngai nang hpe rap sa shangun na ni ai n rai,” ngu nna tsun wu ai.

TARA JAHPRANG 4:1

Dai hpang Mawshe gaw amyu masha ni hpe, “Ngai nanhte hpe sharin ya nga ai tara ni yawng hpe madat mara nga mu; shaloi dai Madu nanhte a kaji kawa ni a Karai Kasang nanhte hpe jaw ya nga ai lamu ga hpe nanhte madu la nna nga nga lu na marin dai.

TARA JAHPRANG 6:10

“Dai Madu na a Karai Kasang gaw na nji nwa Abraham, Isak hte Yaku ni hpe ga sadi jaw da sai hte maren, nang n de da ai dai sut gan hte hkum ai mare kaba ni

TARA JAHPRANG 7:12

“Ndai hkang da ai matsun maroi ga ni hpe nanhte madat nna sadi sahka hte hkan sa madat mara myit dai rai yang, dai Madu nanhte a Karai Kasang mung, nanhte a kaji kawa ni hpe ga sadi tawn da nu ai hte maren, shi a dinggrin tsaw ra myit nanhte hpe madun dan nna shi a ga shaka hpe matut shagrin na rai wu ai.

TARA JAHPRANG 7:13

Shi nanhte hpe tsaw ra nna shaman ya ai majaw nanhte hta law htam wa nna kashu kasha law law mayat maya wa na marin dai; nanhte hta nai mam nsi naisi, sabyi ntsin hte tsanlun sau ni lu la myit ga, nanhte a yi sun hkauna ni hpe shi shaman ya na ra ai; nanhte a sagu, dumsu yam nga hpung ni law htam wa lu mu ga, nanhte hpe shi shaman ya nna jaw ya na ra ai. Shi nanhte hpe jaw na ngu nna nanhte a kaji kawa ni hpe ga sadi tawn da sai mungdan hta ndai shaman chyeju ni yawng nanhte hpe jaw ya na marin dai.

TARA JAHPRANG 7:8

Rai ti mung nanhte a kaji kawa ni hte tawn da ai shi a ga sadi hpe shatup mayu wu ai majaw, dai Madu nanhte hpe tsaw ra nga manit dai. Dai rai nna Egutu hkawhkam a mayam tai nga ai kaw na shi a galu kaba ai n-gun hte nanhte hpe shalawt la nhtawm hkye la manit dai.

TARA JAHPRANG 8:1

“Dai ni ngai nanhte hpe jaw ya sai tara ni yawng hpe sadi sahka let hkan sa madat mara nga mu; shaloi nanhte hkrung nga nna law htam wa nhtawm dai Madu nanhte a nji nwa ni hpe ga sadi jaw da sai mungdan hpe madu la lu na myit dai.

TARA JAHPRANG 9:5

Nanhte gaw mai kaja nga nna teng man ai amu hpe galaw nga myit dai majaw dai Madu nanhte hpe shanhte a mungdan hpe madu la shangun myit dai n rai; shanhte nan n hkru n shawp ai a majaw mung, nanhte a nji nwa Abraham, Isak hte Yaku ni hte tawn da ai ga sadi hpe shadik shatup na shatawng shada da ai lam a majaw mung, shi shanhte hpe shaden kau na rai wu ai.

HEBRE 6:13

Karai Kasang gaw Abraham hpe ga sadi jaw ai shaloi, shi a ga sadi hte maren shi galaw na wu ai lam dagam da wu ai. Shi hta grau kaba ai mi n nga sai majaw, shi nan a mying hpe gang nna dagam wu ai.

HEBRE 6:14

Karai Kasang gaw, “Ngai nang hpe kaja wa shaman ya nna, matu mara ni law law jaw ya na ngu nna ga ndat jaw da de ai,” nga nna tsun ai.

YAWSHU 1:6

Myit jahkut daw dan nna kam hpa nga u; ngai gaw shanhte a kaji kawa ni hpe ga sadi tawn da sai ndai mungdan hpe shanhte madu la ma ai shaloi, nang gaw dai amyu masha ni a ningbaw tai na rai ndai.

TARA AGYI 2:1

Dai Madu a lamu kasa gaw Gilgala kaw nna Bohkim de sa wa nhtawm, Israela amyu masha ni hpe, “Ngai gaw nanhte hpe Egutu mung kaw nna woi shapraw wa let, nanhte a kaji kawa ni hpe ga sadi jaw da ai mungdan de woi wa ni ai. Ngai gaw, ‘Nanhte hte tawn da ai ga shaka hpe galoi mung n jahten kau na we ai.