TARA JAHPRANG 1:7 - Jinghpaw Common Language Bible 2009

⁷ Dai re ai majaw dap run kau nhtawm hkawm sa wa manu. Amori masha ni nga ai bum ga hte de a makau grup yin na ginwang ni de du hkra mung, Yawdan Kadit e mung, bum ga hte layang ga de mung, dingda ginwang daw hte Ka-ang Panglai de du hkra sa wa manu. Dai de sha n-ga, Uhprat hka nu du hkra dam ai Hkanan mung hte Lebanon bum lai hkra pru sa wa manu.

Jinghpaw Hanson Version Bible

⁷ rawt mu, hkawm sa wa manu; Amori masha nga ai bum ga hte de a makau hkan na layang ga, bum ga, apa ga, Dingda ga, nammukdara hka kau ga ngu ai, Uhprat hka kaba du hkra dam ai Hkanan masha ni a mung hte Lebanon bum de, sa wa ma su.

TARA JAHPRANG 1:7 ပူးပေါင်းရင်းမြစ်များ

NINGPAWT NINGHPANG 12:9

Dai hpang shi gaw shara mi kaw nna shara mi de htawt hkawm nhtawm Hkanan mung a dingda maga de du hkra hkawm sa mat wa wu ai.

2 SAMUELA 8:3

Dai hpang Dawi gaw Uhprat a lahta daw na lamu ga hpe bai up hkang lu hkra nga, Zoba mungdaw hpe up ai Rehob a kasha Suri Hkawhkam Hadadeza hpe gasat dang kau wu ai.

1 HKAWHKAM LABAU 18:3

Dai hpang, Dawi gaw Uhprat hka a lahta daw de na lamu ga ni hpe bai madu la na shakut nga ai Hadadeza a majaw Hamat lamu ga makau na Zoba mungdaw hpe up ai Suri Hkawhkam Hadadeza hpe htim gasat wu ai.

1 HKAWHKAM LABAU 5:9

Shanhte gaw Gilead mung hta yam nga hpung kaba lu nga ma ai rai nna sinpraw maga Uhprat hka nam mali lam de du hkra madu da ma ai.

PRU MAT 23:31

Na a lamu ga jarit hpe Nawng Hkyeng kaw nna Uhprat hka nu du hkra, Ka-ang panglai kaw nna nam mali de du hkra ngai maden ya na we ai. Dai mung hta shanu nga ai masha ni hpe up hkang lu na daru magam n-gun, ngai nanhte hpe jaw na made ai; nanhte rawt lung wa nna shanhte hpe gawt shapraw kau lu na rai myit dai.

AMO LAIKA (AMOS) 2:9

“Ti mung, nye a amyu masha ni e, arit hpun daram tsaw nna wamyi hpun zawn n-gun ja ai Amori la wa-ngan ni hpe na a majaw ngai tsep kawp jahten shaza kau ni ai.

BU HKAWM 10:12

Israela amyu masha ni Sina Nam Mali kata kaw na bu htawt hpang wa ma ai. Dai sumwi chyawm gaw Paran Nam Mali e jung nga ai.

TARA JAHPRANG 1:19

“Dai Madu anhte a Karai Kasang anhte hpe hkang da mani ai hte maren, anhte galaw saga ai. Dai rai nna Sina Bum kaw na Amori masha ni nga ai bum ga de hprang ai lam hta nga ai hkrit hpa nam mali kaba hku anhte ga lai wa saga ai. Anhte dai Kadesha Barnea de du ai shaloi,

TARA JAHPRANG 11:11

nanhte shang madu la hkyen nga ai mungdan chyawm gaw bum lang hkaraw nhkap sawng ai hte marang htu nna hka law law lu ai mungdan rai nga ai.

TARA JAHPRANG 11:24

Nanhte kabye du ai lamu ga ni yawng gaw nanhte a matu rai nga malit dai. Nanhte a lamu ga gaw dingda maga nam mali kaw nna dingdung maga Lebanon bum ni de du hkra mung, sinpraw maga Uhprat hka nu kaw nna sinna maga Ka-ang Panglai du hkra jat maden mat wa na rai nga myit dai.

YAWSHU 1:4

Nanhte a lamu ga jarit gaw dingda maga nam mali kaw nna dingdung maga Lebanon Bum ni nga ai de du hkra, sinpraw maga Uhprat hka nu kaw nna Hiti mung hkren, sinna maga nga ai Ka-ang Panglai de du hkra rai na rai nga ai.

YAWSHU 10:40

Yawshu gaw mungdan ting ngu na bum ga na hkawhkam ni, sinpraw maga na kadit ni, sinna maga de na layang ni, dingdung maga de na hkun hkraw ai shara mahkra hpe gasat la wu ai. Shi gaw masha kadai hpe mung n ngam da ai sha sat kau wu ai; Ndai gaw dai Madu Israela a Karai Kasang hkang da ai hte maren galaw ai amu rai nga ai.

YAWSHU 24:15

Nanhte shi hpe daw jau na n ra sharawng myit yang chyawm gaw Mesopotamia mung e nanhte a nji nwa ni nawku ai hpara ni, shing n rai ya nanhte nga nga ai mung na Amori hpara ni hta gara hpe mahtang jaw jau na gaw, dai ni jang daw dan la mu. Ngai hte nye a nta masha ni chyawm gaw dai Madu hpe nawku daw jau na ga ai law,” ngu nna tsun wu ai.

YAWSHU 9:1

Ya, Yawdan hka a sinna hkran up ai hkawhkam ni yawng mung, bum ga, bum lagaw, pa layang hkan, Lebanon dingdung maga, Ka-ang Panglai hka kau mayan yawng hkan up ai Hiti, Amori, Hkanani, Perizi, Hiwi hte Yebuzi amyu ni a hkawhkam ni gaw Israela masha ni a awng padang shiga na ma ai.

SHINGRAN 9:14

Dai nsen gaw kru ngu na lamu kasa hpe, “Uhprat hka nu kaba makau e sharen da ai lamu kasa mali hpe raw dat u!,” nga nna tsun ai.