TARA JAHPRANG 1:44 - Jinghpaw Common Language Bible 2009

⁴⁴ Dai hpang bum ga e shanu nga ai Amori masha ni gaw nanhte hpe ninghkap na matu pru sa nhtawm lagat jawm ai zawn Horma shara de du hkra nanhte hpe hkan shachyut kau mu ai hte Edom bum ga e nanhte hpe dang kau nga manu ai.

Jinghpaw Hanson Version Bible

⁴⁴ Dai bum ga e nga nga ai Amori masha ni gaw lagat jawm ai zawn nanhte hpe hkan ginbawm nna, Seira bum hte Horma shara du hkra hkan gasat kau dat myit dai.

TARA JAHPRANG 1:44 ပူးပေါင်းရင်းမြစ်များ

SHAKAWN KUNGDAWN 118:12

Shanhte gaw lagat ni zawn, ngai hpe ginjup shatsang nga ma ti mung; ju hpun hkru ai wan zawn, shanhte tin tin hkru krawp mat nga ma ai. Dai Madu a n gun atsam hte ngai shanhte hpe shamyit kau nngai.

ESAIA 7:18

“Dai aten du ai shaloi, dai Madu gaw Nila hka nu a hka hku jahtum maga de nga ai hka shi, hka gai hkan nga ai jinu ni zawn law ai Egutu amyu masha ni hte, lagat zawn law ai Asuri masha ni hpe shanhte a mungdan kaw nna du sa wa na matu, lahpyaw hpyaw ai kumla hte shaga dat na ra ai.

BU HKAWM 14:45

Dai hpang dai mung na Amalek hte Hkanan masha ni shanhte hpe gasat dang kau ai hte Horma mare du hkra shachyut kau ma ai.

BU HKAWM 21:3

Dai Madu mung shanhte a ga na nna, Hkanan masha ni hpe dang kau lu na matu shanhte hpe karum ya wu ai. Israela masha ni gaw shanhte hte shanhte a mare ni hpe tsep kawp jahten kau ya ma ai. Shing rai shara dai hpe Horma ngu nna shamying ma ai.

TARA JAHPRANG 28:25

“Nanhte hpe hpyen ai gumlau hpyen ni hpe dai Madu gaw awng padang jaw kau ya na ra ai. Nanhte gaw man maga langai hku sha shanhte hpang de htim sa wa lu myit ti mung, nanhte gaw shanhte kaw na lam maga sanit hku hprawng htaw mat wa na rai myit dai. Ga ntsa na masha amyu baw ni yawng nanhte hta byin ai lam ni hpe yu nna hkrit gari mat na mara ai.

TARA JAHPRANG 32:30

Marai langai sha masha hkying mi hpe, marai lahkawng e sha mun mi hpe hpa majaw dang kau lu a ta? Dai Madu shanhte a Karai Kasang shanhte hpe kau da nu ai; chyalai n-gun hte hpring ai shanhte a Karai Kasang shanhte hpe ap kau nu ai.

YAWSHU 7:5

Ai masha ni chyawm gaw shanhte hpe hkan shachyut let mare chyinghka kaw nna yu wa ai kadawng lam dingyang amyu masha marai sumshi kru hpe sat kau ma ai. Dai hpang Israela masha ni myit htum mat ai hte hkrit gari mat ma ai.