TARA JAHPRANG 1:43 - Jinghpaw Common Language Bible 2009

⁴³ Dai Madu hkang dat ai hte maren, ngai tsun ni ai; rai ti mung nanhte hpa zawn n nawn kau ya manit dai. Nanhte gaw shi hte nhtan shai gumlau nna nanhte a gumrawng ai myit hte bum ga de lung wa manit dai.

Jinghpaw Hanson Version Bible

⁴³ nga nna ngai e tsun ai hte maren, ngai nanhte hpe htawn tsun made ai rai timung, nanhte madat myit dai n rai: nanhte Yehowa a hkang da ai ga hpe tawt lai nna, gumrawng ai myit hte dai bum ga de lung wa myit dai.

TARA JAHPRANG 1:43 ပူးပေါင်းရင်းမြစ်များ

ESAIA 63:10

rai ti mung, shanhte gaw shi hpe gumlau nna shi a chyoi pra ai wenyi hpe yawn shangun ma ai. Dai rai nna dai Madu gaw shanhte a gumlau tai mat nhtawm shanhte hpe gasat wu ai.

BU HKAWM 14:40

Hpang jahpawt manap jau jau aten e, shanhte gaw bum ga shang gasat na nga rawt pru wa let, “Dai Madu anhte hpe tsun da mani ai mung de lung wa na matu ya anhte jin jin rai nga saga ai. Anhte galaw shut kau saga ai yubak hpe mung yin la saga ai,” ngu nna tsun ma ai.

BU HKAWM 14:44

Dai Madu a Ga Shaka Sumpu hte Mawshe mahtang dap kaw na n pru sa ti mung, shanhte chyawm gaw bum ga de lung wa na matu naw gwi nga ma ai.

BU HKAWM 15:30

Rai ti mung Israela amyu masha mi rai rai, dai mung e nga nga ai maigan masha wa mi rai rai, yubak mara dingsa sa galaw ai wa kadai mung dai Madu hpe n gawn n sawn di ai mara lu nga ai majaw sat kau ai hkrum na rai wu ai;

KASA 7:51

“Dai daram wa nanhte du ja nga myit hka! Nanhte a myit masin ni gaw Karai Kasang hpe dai daram wa n kam n sham nga malit hka! Karai Kasang a shingran mungga hpe na la na dai daram wa na lahpang nga myit hka! Nanhte gaw, nanhte a nji nwa ni galaw ai zawn Chyoi Pra ai Wenyi hpe nanhte galoi mung ninghkap nga myit hka!

TARA JAHPRANG 1:26

“Rai ti mung, nanhte mahtang dai Madu nanhte a Karai Kasang hkang da ai ga hpe gumlau nhtan jashai ai hte dai mungdan de n shang hkraw myit dai.

TARA JAHPRANG 17:12

Amu gun hpai ai hkinjawng wa hte tara agyi langai ngai a ga hpe dingsa sa n madat ai wa kadai mung sat kau ai hkrum na rai wu ai. Ndai hku nna Israela amyu hta na n hkru n shawp ai amu yeng seng kau lu na rai myit dai.