TARA JAHPRANG 1:30 - Jinghpaw Common Language Bible 2009

³⁰ Dai Madu nanhte a Karai Kasang gaw nanhte hpe woi awn nna Egutu mung hte nam mali e shi galaw nu ai zawn shi gaw nanhte a matu gasat ya na ra ai.

Jinghpaw Hanson Version Bible

³⁰ Nanhte a shawng e hkawm sa wa ai, nanhte a Karai Kasang Yehowa gaw, nanhte a man e Egutu mung hta e mung,

TARA JAHPRANG 1:30 ပူးပေါင်းရင်းမြစ်များ

2 HKAWHKAM LABAU 32:8

Shi gaw masha a daru magam n-gun lu wu ai; rai ti mung anhte chyawm gaw anhte hpe karum la nna anhte a majan ni hpe gasat ya na dai Madu anhte a Karai Kasang hpe lu ga ai,” ngu nna tsun wu ai. Shaloi amyu masha ni gaw shanhte a hkawhkam wa tsun ai ga ni a majaw myit n-gun lu la shajang nga ma ai.

NEHEMIA 4:14

Ngai gaw amyu masha ni myit ru myit tsang hkrum nga ma ai hpe mu ai rai nna, shanhte hpe, “Anhte a gumlau hpyen ni hpe hkum hkrit nga myit. Kade sha galu kaba nna hkrit mai nga ai dai Madu hpe dum nga mu; nanhte a kahpu kanau ni, ma kaji ni, madu jan ni hte nanhte a dum nta ni a matu gasat mu,” ngu nna tsun nngai.

NEHEMIA 4:20

Nanhte gaw pahtau dum ai nsen hpe na jang, ngai kaw wa hpawng mi. Anhte a Karai Kasang gaw anhte a matu gasat ya na ra ai,” ngu nna tsun wu ai.

SHAKAWN KUNGDAWN 46:11

Chyahtum Chyalai n-gun rawng ai dai Madu gaw anhte hte rau nga nga ai; Yaku a Karai Kasang gaw anhte a shingbyi shara rai nga ai law.

PRU MAT 10:21

Dai hpang dai Madu gaw Mawshe hpe, “Na a lata lamu de sharawt tawn u; shaloi masawp hkrup lu ai dai htat ai nsin gaw Egutu mung hpe ka-up jasin kau na ra ai,” ngu nna tsun wu ai.

PRU MAT 14:14

Dai Madu gaw nanhte hpa mung n galaw ra hkra, nanhte a matu gasat ya na ra ai,” ngu nna tsun wu ai.

PRU MAT 14:25

Shi gaw shanhte a leng dingsen ni hpe malawk kau ya mu ai rai nna, shanhte grai sa yak nga ma ai. Egutu masha ni gaw, “Dai Madu gaw Israela maga de tsap nna anhte hpe gasat mi ai. Anhte ndai yang kaw nna hprawng mat wa saga!,” ngu nna tsun ma ai.

PRU MAT 19:4

“Ngai Madu nan Egutu masha ni hpe kaning di kau ai lam hte ngai gaw nanhte hpe galang gaw shi a hkalung ni hpe shi a singkaw ntsa hta hpai mat wa ai zawn kaning rai woi la ma sade ai gaw nanhte mu manit dai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

ROMA 8:37

Anhte hpe n jahka kau lu mi ai hta n ga, anhte hpe tsaw ra nga ai wa a majaw ndai mahkrum madup yawng hte hpe anhte awng padang tsep kawp lu ai ni rai ga ai.

TARA JAHPRANG 1:29

“Rai ti mung ngai chyawm gaw, ‘Dai masha ni hpe hkrit kahpra shara n nga ra myit dai.

TARA JAHPRANG 11:3

Egutu hkawhkam wa hte shi a mungdan ting hta shi hpa galaw nu ai hpe nanhte mu manit dai.

TARA JAHPRANG 29:2

Mawshe mung Israela amyu masha ni yawng hpe shaga hpawng da nhtawm shanhte hte shi a mung du salang ni hpe, “Egutu hkawhkam hte shi a mungdan ting na du salang ni hpe kaning di kau nu ai hpe nanhte nan mu manit dai.

TARA JAHPRANG 3:22

Shanhte hpe hkum hkrit et, dai Madu na a Karai Kasang gaw na a matu gasat ya na ra ai.’

TARA JAHPRANG 31:3

Dai Madu nanhte a Karai Kasang gaw shi nan nanhte a shawng e sa wa nhtawm dai mung e nga nga ai masha amyu baw ni hpe shamyit kau na rai wu ai. Shing rai shanhte a mung hpe nanhte madu la na rai myit dai. Dai Madu tsun da nu ai hte maren, Yawshu gaw nanhte a ningbaw tai na ra ai.

TARA JAHPRANG 34:11

Egutu hkawhkam wa kaw na shi a du salang ni hte mungdan ting hta dai Madu Mawshe hpe shangun dat nna galaw shangun ai mauhpa lamik kumla ni zawn kaga myihtoi kadai mung n galaw yu nga ai.

TARA JAHPRANG 4:34

Dai Madu nanhte a Karai Kasang gaw nanhte a matu Egutu mung hta e galaw dan manit dai zawn kaga amyu baw hta na amyu masha ni hpe woi la nhtawm shi a amyu masha shatai la gwi ai hpara shaje nga nga yu sani? Shi gaw nanhte a man e shi a daru magam n-gun hte atsam marai hpe lang nhtawm ana zinli hte hpyen majan, mauhpa lamik kumla hte hkrit hpa amu ni hpe shapraw dan nu ai.

TARA JAHPRANG 7:18

Shanhte hpe hkum hkrit myit; dai Madu nanhte a Karai Kasang gaw Egutu hkawhkam wa hte shi a masha ni yawng hpe kaning di kau nu ai hpe adum nga mu.

YAWSHU 10:14

Dai Madu gaw masha a ga madat ya nna, dai zawn re ai nhtoi lani mi mung, shawng de, hpang de n byin yu nga ai. Dai Madu chyawm gaw Israela ni a hpang maga de gasat ya nga ai.

YAWSHU 10:42

Dai Madu Israela a Karai Kasang gaw Israela a matu gasat ya nga ai majaw, Yawshu gaw dai hkawhkam ni yawng hte shanhte a lamu ga ni hpe kalang dat gasat la lu wu ai.

YAWSHU 23:3

Nanhte a majaw dai Madu nanhte a Karai Kasang ndai masha amyu baw ni yawng hta galaw dan nu ai lam magup hpe nanhte mu manit dai. Dai Madu nanhte a Karai Kasang gaw nanhte a matu gasat ya manit dai.