TARA JAHPRANG 1:27 - Jinghpaw Common Language Bible 2009

²⁷ Nanhte langai hte langai mung, ‘Dai Madu anhte hpe n dawng mi ai majaw Egutu mung kaw na anhte hpe woi shapraw wa nhtawm Amori masha ni anhte hpe sat kau lu mu ga nga, shanhte a lata hta anhte hpe ap kau mi ai.

Jinghpaw Hanson Version Bible

²⁷ ‘Yehowa gaw anhte hpe n dawng mi ai majaw, anhte hpe shabya kau lu hkra, Amori masha ni a lata hta ap kau na nga, Egutu mung na anhte hpe shaw wa mi hka.

TARA JAHPRANG 1:27 ပူးပေါင်းရင်းမြစ်များ

SHAKAWN KUNGDAWN 106:25

Shanhte gaw shanhte a sum ni hta nga nga nna aput angun nga ma ai; Madu a hkang da ai ga ni hpe mung n kam madat nga masai.

PRU MAT 16:3

shan hpe, “Dai Madu gaw anhte hpe Egutu mung e sat kau na anhte ra sharawng ga ai. Dai mung hta dung nga let ashan sha lu ai hta sha n-ga, kaga malu masha ni hpe mung anhte sha mayu ai made lu sha ga ai. Rai ti mung, ndai nam mali e anhte yawng hpe kyet si shangun na matu nan gaw anhte hpe woi shapraw wa myit dai,” ngu nna tsun ma ai.

PRU MAT 16:8

Dai hpang Mawshe gaw, “Nanhte gaw dai Madu hpe kade lang aput manit dai hpe shi na ya nu ai majaw shana de nanhte sha na matu shan hpe mung, jahpawt e sha mayu ai made sha na muk hpe mung, shi jaw na ra ai. Nanhte an hpe aput mi ai gaw dai Madu hpe teng teng aput ai sha rai nga myit dai,” ngu nna tsun wu ai.

BU HKAWM 14:3

Dai Madu gaw anhte hpe hpa majaw dai mungdan de woi wa nga a ni? Anhte mung majan hta sat kau ai hkrum nna anhte a num ni hte kashu kasha ni mung rim la ai hkrum na manu ai. Egutu mung de bai nhtang wa yang, grai mai na n rai ni?,” ngu nna shanhte tsun ma ai.

BU HKAWM 21:5

Shanhte gaw, “Lusha mung, hka mung n nga ai ndai nam mali hkan e si mat na matu nang anhte hpe hpa majaw Egutu mung kaw na woi wa nga n ni? Ndai asit awat nga ai lusha hpe anhte kachyi mi pyi n kam sha mat saga ai!,” ngu nna aput ma ai.

MAHTE 25:24

“Gumhpraw joi mi arang ai wa chyawm gaw sa du nna, ‘Madu e, grai yak la ai wa nang rai nga ndai hte, nang n gat ai shara na nang dan la nna, nang n ayai ai shara na nang magawn la ndai hpe ngai chye nga nngai.

LUKA 19:21

Kahti gari rai nna grai yak ai wa nang rai nga ndai majaw, ngai nang hpe hkrit nngai. Nang gaw, tinang n madu ai arai hpe magawn la chye ai wa, tinang n gat n hkai ai kaw na dan la ga ndai,’ ngu wu ai.

TARA JAHPRANG 9:28

Dai n rai yang, nang shanhte hpe ga sadi jaw da sai mungdan de na a amyu masha ni hpe n lu woi wa nu hka, nga nna Egutu masha ni tsun na rai ma ai. Nang shanhte hpe n dawng ai majaw shanhte hpe sat kau na nga, na a amyu masha ni hpe nam mali kata de woi bang mat wa nu hka, nga nna shanhte a tsun shara tai na ra ai.