TARA JAHPRANG 1:26 - Jinghpaw Common Language Bible 2009

²⁶ “Rai ti mung, nanhte mahtang dai Madu nanhte a Karai Kasang hkang da ai ga hpe gumlau nhtan jashai ai hte dai mungdan de n shang hkraw myit dai.

Jinghpaw Hanson Version Bible

²⁶ Rai timung, nanhte gaw n lung hkraw myit dai hte, nanhte a Karai Kasang Yehowa hkang da ai ga hpe nhtan jashai nna,

TARA JAHPRANG 1:26 ပူးပေါင်းရင်းမြစ်များ

NEHEMIA 9:16

Rai ti mung anhte a kaji kawa ni gumrawng gumtawng ai hte du ja wa nna, na a hkang da ai ga ni hpe madat na matu ningdang kau ma ai.

ESAIA 63:10

rai ti mung, shanhte gaw shi hpe gumlau nna shi a chyoi pra ai wenyi hpe yawn shangun ma ai. Dai rai nna dai Madu gaw shanhte a gumlau tai mat nhtawm shanhte hpe gasat wu ai.

BU HKAWM 14:9

Dai Madu hpe hkum gumlau nga myit; dai mung e nga ai masha ni hpe mung hkum hkrit nga myit. Anhte gaw shanhte hpe aloi sha dang kau lu na ga ai. Dai Madu gaw anhte hte rau anga nga ai majaw shanhte hpe makawp maga la na karai ni hpe dang kau na nu ai; dai re ai majaw hkum hkrit nga myit,” ngu nna tsun ma ai.

KASA 7:51

“Dai daram wa nanhte du ja nga myit hka! Nanhte a myit masin ni gaw Karai Kasang hpe dai daram wa n kam n sham nga malit hka! Karai Kasang a shingran mungga hpe na la na dai daram wa na lahpang nga myit hka! Nanhte gaw, nanhte a nji nwa ni galaw ai zawn Chyoi Pra ai Wenyi hpe nanhte galoi mung ninghkap nga myit hka!

TARA JAHPRANG 1:25

Shanhte gaw dai mung e mu ai namsi namsaw nkau mi hpe di hpai let anhte hpang de la wa nna dai Madu anhte a Karai Kasang anhte hpe jaw ai mungdan gaw teng teng ga sau hte hpring nna grai ningru ningja ai she rai nga ai,’ nga nna tsun dan mi ai.

TARA JAHPRANG 1:43

Dai Madu hkang dat ai hte maren, ngai tsun ni ai; rai ti mung nanhte hpa zawn n nawn kau ya manit dai. Nanhte gaw shi hte nhtan shai gumlau nna nanhte a gumrawng ai myit hte bum ga de lung wa manit dai.

TARA JAHPRANG 9:23

Shi gaw Kadesha Barnea kaw nna nanhte hpe shangun dat nhtawm shi nanhte hpe jaw ai mungdan hpe madu la na matu lung wa na, hkang dat myit dai shaloi, nanhte shi hpe gumlau myit dai; shi hpe mung n kam n sham ai hte shi a ga hpe mung n madat kau myit dai.