TARA JAHPRANG 1:2 - Jinghpaw Common Language Bible 2009

² (Sina Bum kaw nna Kadesha Barnea du hkra, Edom bum lam hku lung wa yang nhtoi shi langai ya hkawm ra ai.)

Jinghpaw Hanson Version Bible

² Horeb bum kaw nna Siera bum hku lung wa yang, Kadesha-barnea du hkra nhtoi shi langai ya sat rai nga ai.

TARA JAHPRANG 1:2 ပူးပေါင်းရင်းမြစ်များ

NINGPAWT NINGHPANG 32:3

Yaku gaw Edom mung e nga ai shi a kahpu Esaw hpang de shi a shawng e kasa ni hpe shangun dat wu ai.

PRU MAT 17:6

Ngai gaw Sina Bum ntsa na lunghkrung langai a ntsa, na a man e tsap nga na nngai. Dai hpang lunghkrung hpe kayat dat u; shaloi amyu masha ni lu na ntsin dai kaw na lwi pru wa na ra ai,” ngu nna tsun wu ai. Mawshe gaw Israela ningbaw ni a man e shing di galaw wu ai.

PRU MAT 3:1

Lana mi na nhtoi hta, Mawshe gaw shi a katsa Midian hkinjawng Yehtru a sagu bainam ni hpe rem nga yang, shi gaw dai yam nga hpung ni hpe zaibru jang kaw nna gawt shalai nhtawm Sina ngu ai chyoi pra ai bum de sa wa wu ai.

JAW JAU 2:14

Nang shu la lu ai nsi naisi hkungga hte dai Madu hpang de la sa ai shaloi kakang da sai nsi naisi shing n rai rin da sai lusha nawng jau na rai ndai.

JAW JAU 9:23

Mawshe hte Arun mung dai Madu a hpung shingkang shanu nga ai Sum kata de shang nna bai pru wa ma yang, amyu masha ni hpe shan shaman ya ma ai majaw dai Madu a hpung shingkang gaw amyu masha ni yawng hpe shadan dan nga ai.

BU HKAWM 13:26

Kadesha shara hta nga ai Mawshe yan Arun hte Israela hpung shawa ting hpang de nhtang wa ma ai. Shanhte gaw shanhte mu mada sai lam ni hpe shiga wa jaw nhtawm la wa ai namsi namsaw ni wa madun dan ma ai.

BU HKAWM 32:8

Dai mung hpe yu maram na matu nanhte a kawa ni hpe Kadesha Bernea kaw na ngai shangun dat yang, ndai zawn rai shanhte galaw yu masai.

TARA JAHPRANG 1:19

“Dai Madu anhte a Karai Kasang anhte hpe hkang da mani ai hte maren, anhte galaw saga ai. Dai rai nna Sina Bum kaw na Amori masha ni nga ai bum ga de hprang ai lam hta nga ai hkrit hpa nam mali kaba hku anhte ga lai wa saga ai. Anhte dai Kadesha Barnea de du ai shaloi,

TARA JAHPRANG 1:44

Dai hpang bum ga e shanu nga ai Amori masha ni gaw nanhte hpe ninghkap na matu pru sa nhtawm lagat jawm ai zawn Horma shara de du hkra nanhte hpe hkan shachyut kau mu ai hte Edom bum ga e nanhte hpe dang kau nga manu ai.

TARA JAHPRANG 2:1

Dai Madu anhte hpe hkang dat ai hte maren, anhte gaw jahtum e Nawng Hkyeng de hkrang ai lam dingyang na nam mali kata de kayin bang mat wa saga ai. Shing rai Edom bum ga e anhte aten na na kayin brak hkawm kau saga ai.

TARA JAHPRANG 2:4

Shi gaw nanhte hkan sa na matsun maroi ga ni hpe mung ning ngu ngai hpe tsun ni ai: ‘Edom bum ga e nga nga ai dai nanhte hte daw hkrang ai nhpu nnau Esaw a amyu matu mara ni a lamu ga hku, nanhte ga lai wa na rai nga myit dai majaw shanhte mahtang nanhte hpe yu hkrit na mara ai;

TARA JAHPRANG 2:8

“Dai rai nna anhte htawt hkawm nhtawm Elat hte Eziongebera mare kaw na sa wa na lam hku Jum Nawng de hprang, dai kaw na sinpraw dingdung e nga ai Moba mung maga de byawn rai anhte kayin lung wa saga ai.

TARA JAHPRANG 9:23

Shi gaw Kadesha Barnea kaw nna nanhte hpe shangun dat nhtawm shi nanhte hpe jaw ai mungdan hpe madu la na matu lung wa na, hkang dat myit dai shaloi, nanhte shi hpe gumlau myit dai; shi hpe mung n kam n sham ai hte shi a ga hpe mung n madat kau myit dai.

YAWSHU 14:6

Lani mi na aten hta, Yuda amyu bawsang hta na amyu masha nkau mi gaw Gilgala e dap jung nga ai Yawshu hpang de du sa ma ai. Shanhte hta na Kenizi masha Yehpuna a kasha Hkaleb gaw shi hpe, “Dai Madu gaw Kadesha Barnea mare e nang hte nye a lam Karai Kasang a masha Mawshe kaning nga tsun ai hpe nang chye nga ndai.