TARA JAHPRANG 1:15 - Jinghpaw Common Language Bible 2009

¹⁵ Dai rai nna nanhte a amyu bawsang ni kaw na lata da sai dai hpaji byeng-ya rawng nna mahkrum madup nga ai ningbaw ni hpe ngai woi la nhtawm nanhte hpe hpareng na shanhte hpe ngai dang da ya mase ai. Dai re ai majaw masha nkau mi gaw masha hkying mi, nkau mi masha latsa, nkau mi manga shi, nkau mi masha shi di nna up hkang na lit lu nga ma ai. Ngai gaw kaga du salang ni hpe mung amyu bawsang hku hkan nna san tawn da ni ai.

Jinghpaw Hanson Version Bible

¹⁵ Dai majaw nanhte a amyu shagu hta, myit hpaji rawng ai hte sadang pru ai masha hpe ngai lata la nna, nanhte a du agyi ngu na, masha hkying mi a agyi, latsa a agyi, manga shi a agyi, marai shi a agyi re ai ni hpe nanhte a ntsa e dang da ya masade ai.

TARA JAHPRANG 1:15 ပူးပေါင်းရင်းမြစ်များ

PRU MAT 18:21

Rai ti mung, dai hta kaga, atsam ningja rawng ai masha nkau mi hpe nang lata la nhtawm, amyu masha ni a ningbaw tai ai hta, hkying mi a ningbaw ni, latsa a ningbaw ni, manga shi a ningbaw ni hte shi a ningbaw ni ngu nna san tawn u. Shaloi shanhte gaw Karai Kasang hpe hkrit kamyin ai ni, kam hpa ging ai ni hte mayun kumhpa n la sha ai ni rai lu na ma ai.

PRU MAT 24:1

Dai Madu gaw Mawshe hpe, “Nang hte Arun, Nadab, Abihu hte hte Israela ningbaw marai sanit shi, ngai nga ai bum de lung wa marit. Nanhte gaw tsan tsan e dingnyawm nawku nga mu.

BU HKAWM 1:4

Nan hpe karum na matu amyu baw shagu na amyu lakung du langai ngai hpyi na rai myit dai,” ngu nna tsun wu ai.

BU HKAWM 31:14

Mawshe chyawm gaw majan pa kaw na nhtang wa ai du salang ni, dap up hkang du ni hte dap ran up hkang du ni hpe hkap pawt wu ai.

EHPESU 4:11

Shinggyim masha ni hpe chyeju kumhpa ni hpe jaw ya ai Madu mung shi nan rai nga ai. Shi gaw nkau mi hpe kasa, nkau mi hpe myihtoi, nkau mi hpe Kabu Gara Shiga hkaw hkawm ai ni, nkau mi hpe hpung up ni hte sara ni di nna san da shajang mu ai.

TARA JAHPRANG 1:14

Nanhte mung dai hku galaw na mai kaja nga ai nga nna myit hkrum lawm myit dai.

TARA JAHPRANG 1:16

“Dai aten hta, ngai shanhte hpe, ‘Nanhte a amyu masha ni hta na pru wa ai ga li ga law, ndang kalang, gasat ningjet ai amu ni hpe madat ya mu. Dai zawn re ai ndang kalang, gasat ningjet ai gaw nanhte a amyu masha ni hte sha seng nga ai; nanhte hta hkan shanu nang nga ai maigan masha ni hte seng nga ai rai ti mung, dai amu shagu hpe rap ra ai tara hte jeyang ya nga mu.

TARA JAHPRANG 16:18

“Dai Madu nanhte a Karai Kasang nanhte hpe jaw ai mare shagu hta tara agyi ni hte kaga du salang ni hpe san tawn na rai myit dai. Dai masha ni gaw amyu masha ni hpe myi man n lata ai sha, tara jeyang na rai ma ai.

1 SAMUELA 17:18

Ndai ngachyu shage tawng shi hpe mung shanhte a hpyen du wa a matu la sa ya u. Na a nhpu ni kaning rai nga nga ma ai hpe sa yu nhtawm shanhte ni kaja ai, n kaja ai hpe mung mada yu let shanhte kaw na kumla lama mi sha gaw la wa rit,” ngu nna tsun wu ai.

1 SAMUELA 22:7

dai rai nna, shi gaw shi a du salang ni hpe, “Benyamin masha ni e, madat mu! Dawi gaw nanhte yawng hpe yi sun hkauna hte sabyi sun ni jaw ya lu na re ngu, myit nawn da mu ni? Shi a hpyen dap hta du aya jaw lu na zawn nawn da mu ni?

1 SAMUELA 8:12

Shi gaw shanhte hta na nkau mi hpe masha hkying mi up na du salang ni, masha manga shi up na du salang ni, shatai na rai wu ai. Nanhte a shadang sha nkau mi gaw shi a yi hkauna galau, shi a nai mam nsi naisi shu na hte shi a gumra leng ni a matu hkinghku shachyaw ai hte hpyen laknak ni hpe galaw shangun na rai wu ai.