TARA JAHPRANG 1:12 - Jinghpaw Common Language Bible 2009

¹² Rai ti mung nanhte a ga li ga law, ndang kalang hte gasat ningjet lam re ai li la ai lit hpe ngai hkrai kaning rai gun lu na rai nga a ta?

Jinghpaw Hanson Version Bible

¹² Nanhte a ru tsang lam, bungli lit gun hpai lam, gasat ningjet lam re ai ni hpe ngai hkrai kaning rai gun na rit ta?

TARA JAHPRANG 1:12 ပူးပေါင်းရင်းမြစ်များ

SHAKAWN KUNGDAWN 89:19

Kalang mi na shingran langai mi hta, na a kangka ai shangun ma kaja ni hpe nang tsun ai gaw, “Gumhkawng ai hpyenla langai mi hpe ngai shadaw karum yu se ai; amyu masha ni kaw na langai mi hpe ngai lata la nna hkawhkam tingnyang ap ya se ai.

PRU MAT 18:18

nang hkum nan mung, ndai amyu masha ni mung hki ba na marin dai. Nang chyu sha galaw ai gaw na a matu nau wa lit li nga ai.

2 KORINHTU 2:16

Dai bat gaw sum mat hkrum ai ni a matu si shangun ai si hkrung si htan bat tai nna, hkye hkrang la hkrum sai ni a matu gaw asak hkrung shangun ai manam pyaw ai bat rai nga ai. Dai rai nna dai zawn re ai amu hpe gun hpai na kadai wa ging dan nga a ta?

2 KORINHTU 3:5

Anhte gaw ndai amu hpe galaw lu ga ai ngu nna tsun lu na anhte hta hpa atsam marai mung n rawng ga ai. Anhte lu ai atsam mahtang gaw Karai Kasang kaw na rai nga ai.

TARA JAHPRANG 1:11

Dai Madu nanhte a nji nwa ni a Karai Kasang gaw ga sadi tawn da nu ai hte maren, nanhte hpe htam hkying mun sha n-ga, shalaw jahtam nna ngamu ngamai shangun nga myit ga law!

TARA JAHPRANG 1:13

Amyu bawsang shagu na hpaji byeng-ya rawng nhtawm chye na hkawn hkrang ai hpaji hte hpring nna mahkrum madup nga ai masha ni hpe lata tawn mu; shing rai ngai shanhte hpe nanhte a ntsa na hpareng dang ya na made ai,’ ngu nna ngai nanhte hpe tsun yu mase ai.

TARA JAHPRANG 1:9

Mawshe gaw amyu masha ni hpe, “Anhte Sina Bum e naw rai nga yang, ‘Nanhte hpe woi lakawn wa na amu, nye a matu nau wa lit li la nga li ai. Dai lit hpe ngai hkrai sha n dang galaw lu nngai.