TARA AGYI 9:9 - Jinghpaw Common Language Bible 2009

⁹ Dai tsanlun hpun mahtang, ‘Nanhte hpe up hkang na matu karai ni hpe mung, shinggyim masha ni hpe mung shagrau sha-a ai hta lang ai nye a sau shapraw ya ai amu hpe ngai jahkring kau na rai nga a ni?,’ ngu nna htan wu ai.

Jinghpaw Hanson Version Bible

⁹ Tsanlun hpun gaw, ‘Karai Kasang hpe mung, shinggyim masha hpe mung sharawng awng shangun ai, nye a sau tung hpe kau da nna, nanhte a ntsa e lung gram nga na rai ni?’ ngu nna htan wu ai.

TARA AGYI 9:9 ပူးပေါင်းရင်းမြစ်များ

YOBA 1:7

Dai Madu gaw shi hpe, “Nang hpa baw galaw hkawm n ta?,” ngu nna san wu ai. Satan gaw, “Ngai gaw nang de, wo de htinglet hkawm nna ginding aga grup grup wam hkawm nngai,” ngu nna htan wu ai.

YOBA 2:2

Dai Madu gaw shi hpe, “Nang kade nna du pru n ta?,” ngu nna san wu ai. Satan gaw, “Wo de, le de kahkrang hkawm let ga ntsa e wam hkawm nngai,” ngu nna htan wu ai.

SHAKAWN KUNGDAWN 104:15

shi hkum nan myit ngwi myit pyaw na matu sabyi ntsin hpe mung; kabu sumsai lu na matu, tsanlun sau hpe mung, n-gun hpring wa na matu, shadung muk hpe mung, shi galaw shapraw nga ai.

SHAKAWN KUNGDAWN 89:20

Nye a shangun ma kaja Dawi hpe chyoi pra ai namman sau hte chya ya nna hkawhkam aya dang ya se ai.

PRU MAT 29:2

Kaja htum ai hkaulan mam shadung lang nna matsi n bang ai hte tsanlun sau hte kayau ai muk nkau mi, sau hte n kayau ai nkau mi, sau hte kayau gumchya nna galaw ai muk pa nkau mi rai na rai nga ai.

PRU MAT 29:7

Dai hpang namman sau la nhtawm shi a baw ntsa e ru bun let, shi hpe namman sau chya ya na rai nga ndai.

PRU MAT 35:14

wan shatu na pyengdin shadun hte dai hte seng ai arai ni; pyengdin ni hte wan shatu na sau;

JAW JAU 2:1

Kadai rai ti mung dai Madu hpe shadung hkungga nawng ya ai shaloi, shawng nnan dai hpe mani hkra rin nhtawm dai hta tsanlun sau ru jaw nna, lawban bang ai hte,

KASA 10:38

Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku hkam la lu ai hpe mung nanhte chye nga myit dai. Karai Kasang gaw Yesu hte rau rai nga ai majaw shi gaw shara shagu kawan katsan hkawm nna masha ni hpe mai kaja ai amu galaw ya let, nat gumlau e zingri zingrat hkrum ai ni yawng mayawng hpe shamai shatsai ya nga ai.

KASA 4:27

Dai hte maren kaja wa teng teng Herod yan Pontu Pilat gaw maigan masha ni, Israela amyu masha ni hte rau Madu a Chyoi pra ai shangun ma rai nga ai, nang Meshia shatai sai Yesu hpe tai ninghkap na matu ndai mare e jawm hpawng nga ma ai.

1 YAWHAN 2:20

Rai ti mung Yesu Hkristu gaw nanhte a ntsa e dai Chyoi Pra ai Wenyi ru jaw bun ya ai hkrum manit dai rai nna, nanhte yawng mayawng gaw, dai tengman ai hpe chye lu myit dai.

TARA AGYI 9:10

Dai hpang hpun ni gaw maihpang hpun hpe, ‘Nang sa nna anhte a hkawhkam tai ya mi,’ ngu nna tsun ma ai.

TARA AGYI 9:8

Moi lang mi, hpun ni shanhte a matu hkawhkam langai mi lata san da na nga, jawm hpawng ma ai. Shaloi shanhte gaw tsanlun hpun hpe, ‘Anhte a hkawhkam tai ya mi,’ ngu nna tsun ma ai.