TARA AGYI 9:8 - Jinghpaw Common Language Bible 2009

⁸ Moi lang mi, hpun ni shanhte a matu hkawhkam langai mi lata san da na nga, jawm hpawng ma ai. Shaloi shanhte gaw tsanlun hpun hpe, ‘Anhte a hkawhkam tai ya mi,’ ngu nna tsun ma ai.

Jinghpaw Hanson Version Bible

⁸ Moi lang mi, hpun ni tinang hpe up na matu hkawhkam lata nna aya dang na nga pru sa ma ai: shaloi shanhte Tsanlun hpun hpe, ‘Nang anhte a ntsa e up mi,’ ngu mu yang.

TARA AGYI 9:8 ပူးပေါင်းရင်းမြစ်များ

2 HKAWHKAM 14:9

Rai ti mung Hkawhkam Yehoasha mahtang ning ngu nna bai htang shana dat wu ai: “Kalang mi Lebanon Bum ntsa hkan nga ai ju maling gaw marau hpun langai mi hpang de ning ngu mungga tsun dat wu ai gaw, ‘Na a shayi sha hpe nye a kasha hte ya sha ga,’” ngu nna tsun nga yang, nam na matse labye dusat lai sa wa nna ju sumwum hpe kabye agrawp kau wu ai.

2 HKAWHKAM LABAU 25:18

Yehosha mung Amazia hpe ning ngu bai htang shana dat wu ai: “Lang mi, Lebanon Bum ni hta tu ai ju singwum langai gaw marau hpun hpang de ning ngu shana dat wu ai: ‘Nye a shadang sha hte hkungran na matu shayi sha ya sha e.” Shaloi na nam na matse labye langai lai sa wa nhtawm dai singwum hpe kabye agrawp kau wu ai.

1 KORINHTU 12:15

Lagaw mahtang gaw, “Ngai lata n rai nngai majaw hkum hte n seng nngai,” nga nna tsun a yang gaw, shing nga tsun ai majaw shi kaja wa hkum hkrang hte n seng ai n rai.

TARA AGYI 9:7

Dai lam Yohtam na jang, Gerizim bum pungding e shi lung tsap nhtawm shanhte hpe, “Shehkem masha ni e, nye a ga madat mu; Karai Kasang gaw nanhte a ga madat ya malit ga law!

TARA AGYI 9:9

Dai tsanlun hpun mahtang, ‘Nanhte hpe up hkang na matu karai ni hpe mung, shinggyim masha ni hpe mung shagrau sha-a ai hta lang ai nye a sau shapraw ya ai amu hpe ngai jahkring kau na rai nga a ni?,’ ngu nna htan wu ai.