TARA AGYI 9:6 - Jinghpaw Common Language Bible 2009

⁶ Dai hpang Shehkem masha ni yawng hte Betmilo mare na masha ni jawm zup hpawng nhtawm, Shehkem mare e nga ai chyoi pra ai wamyi hpun de sa nhtawm Abimelek hpe hkawhkam aya dang ya ma ai.

Jinghpaw Hanson Version Bible

⁶ Shaloi Shehkem du ni nlang hte, Bet-Milo e nga ai ni yawng hte gaw jawm zuphpawng nna, Shehkem mare e nga ai, wamyi hpun a makau na, matsat shadaw nhpang e, Abimelek hpe hkawhkam aya dang mu ai.

TARA AGYI 9:6 ပူးပေါင်းရင်းမြစ်များ

2 SAMUELA 5:9

Dai hpyen dap hpe gasat dang kau ngut ai hpang, dai shara e Dawi dung nna dai hpe, “Dawi a Mare,” ngu nna shamying wu ai. Shi gaw dai mare grup grup hte kawng a sinpraw maga de na lamu ga shara ni hta gaw gap galaw lajang da wu ai.

1 HKAWHKAM 12:1

Rehoboam gaw dingdung maga de nga ai Israela masha ni yawng shi hpe hkawhkam shatai na matu jawm hpawng nga ai Shehkem mare de sa wa wu ai.

1 HKAWHKAM 12:20

Yeroboam gaw Egutu mung na bai nhtang wa sai lam Israela amyu masha ni na jang, amyu masha ni hpawng nga ai de sa wa na matu saw shaga dat nhtawm, shi hpe Israela hkawhkam shatai da mu ai. Yuda amyu bawsang langai chyu sha Dawi a amyu matu ni hta sadi naw dung nga ma ai.

1 HKAWHKAM 12:25

Israela hkawhkam Yeroboam gaw Ehprim bum ga Shehkem mare hpe bunghku kum nhtawm dai yang e tawng marang mi sa nga nga wu ai. Dai hpang shi pru mat wa nhtawm Penuela mare hpe bunghku kum da wu ai.

2 HKAWHKAM 12:20

Hkawhkam Yosha a du salang ni shi hpe gumlau nga ma ai rai nna Shimit a kasha Yozahka hte Shoma a kasha Yehozaba yan gaw Sila de yu wa ai lam ntsa na ga jahpring bang da ai Yerusalem mare a sinpraw maga na lamu ga hta gap da ai nta e shi hpe sat kau mu ai. Yosha hpe Dawi a Mare na hkawhkam lupwa hta lup makoi da mu ai. Shi a kasha Amazia gaw shi a hkang hta hkaw galai dung ai hte hkawhkam tai wa sai.

YAWSHU 24:26

Yawshu mung ga dai ni hpe Karai Kasang a Tara Laika hta ka da wu ai. Dai hpang nlung kaba langai mi hpe shi la nhtawm dai Madu a chyoi pra ai shara hta tu ai wamyi hpun npu hta sharawt jung da nga ai.

TARA AGYI 9:5

Shi gaw Ohpra mare e nga ai shi a kawa a nta de wa nna, Gidon a shadang sha ni ngu na shi a hpu nau sanit shi hte hpe lunghtawn langai mi a ntsa e sat sharu kau wu ai. Rai ti mung, Gidon a shadang sha hpungdim ngu na Yohtam chyawm gaw makoi nga ai majaw sat kau hkrum wu ai n rai.

TARA AGYI 9:7

Dai lam Yohtam na jang, Gerizim bum pungding e shi lung tsap nhtawm shanhte hpe, “Shehkem masha ni e, nye a ga madat mu; Karai Kasang gaw nanhte a ga madat ya malit ga law!