TARA AGYI 9:54 - Jinghpaw Common Language Bible 2009

⁵⁴ Dai hpang shi gaw ri nhtu lang ai shabrang wa hpe alawan shaga la nna, “Anum e sha me ngai hpe sat kau ni ai, ngu kau na ngai n ra nngai majaw na a nhtu shaw nna ngai hpe sat kau e,” ngu nna hkang da wu ai. Dai majaw dai shabrang wa shi hpe galun htinggrang dat wu ai hte shi si mat nga sai.

Jinghpaw Hanson Version Bible

⁵⁴ Shaloi shi gaw, shi a ri nhtu lang ai hpyen ma hpe alawan shaga nna, “Anum e sha Abimelek hpe sat kau wu ai, nga nna tsun shara n rawng u ga, na nhtu shaw nna, ngai e sat kau e,” ngu nna hkang wu ai. Dai hte maren shi a hpyen ma mung, shi hpe galun htinggrang nna, shi si mat ai.

TARA AGYI 9:54 ပူးပေါင်းရင်းမြစ်များ

2 SAMUELA 1:10

Dai rai nna shi kadawng taw mat ai hte rau, shi si mat na chyalu sha rai nga ai hpe ngai chye ai majaw shi kaw ngai lung wa nhtawm sat kau da nngai. Dai hpang shi a baw na janmau hte shi a lahpum na lahkawn hpe ngai la nhtawm nang madu hpang de ya ngai la sa ring ngai,” ngu nna tsun wu ai.

2 SAMUELA 1:7

Dai hpang grup grup de kayin mada dat yu wu yang, shi gaw ngai hpe mu nna shaga dat wu ai. Shaloi ngai mung, ‘Madu e, nga nga nngai!,’ ngu nna htan we ai.

2 SAMUELA 1:9

Dai hpang shi gaw, ‘Nang de sa wa rit, ngai hpe sat kau e! Ngai gaw ningma kaba hte machyi hkrum nga nngai rai nna ngai ya si na sha rai nga ni ai,’ ngu nna tsun wu ai.

1 HKAWHKAM LABAU 10:4

Shi gaw shi a laknak hpai ya ai shabrang wa hpe, “Na a nhtu shaw la nna ngai hpe sat kau e, shaloi ndai n kam n sham ai Hpilisti masha ni ngai hpe n yu roi ai hte n sat kau lu mu ga,” ngu nna tsun wu ai. Rai ti mung dai shabrang wa mahtang shing re ai amu galaw na matu gaw grai hkrit gari nga wu ai. Shaloi Shawlu gaw shi a nhtu shaw la nhtawm shi hkum nan dai hta abraw si mat wu ai.

1 HKAWHKAM LABAU 10:5

Shawlu si mat sai hpe dai shabrang wa mu jang, shi mung shi a nhtu hta abraw si mat wu ai.

TARA AGYI 4:9

Shi mung, “Rai sa, ngai nang hte rau sa wa na nngai; rai ti mung dai Madu gaw numsha a lata hta mahtang Sisera hpe ap ya na rai wu ai majaw dai awng padang a matu nang arawng lu na ndai n rai,” ngu nna htan wu ai. Dai rai nna Debora rawt nna Barak hte rau Kedesha de sa wa ma ai.

TARA AGYI 9:55

Abimelek si mat sai hpe Israela masha ni mu ma ai shaloi, shanhte yawng nta de nhtang mat wa ma ai.

1 SAMUELA 14:12

Dai hpang shanhte gaw Yonahtan hte shabrang wa hpe, “Ndai de sit lung wa mi! Nan hpe anhte lama mi tsun dan na lu ga ai!,” ngu nna tsun ma ai. Yonahtan gaw shabrang wa hpe, “Nye a hpang hkan nang rit. Shanhte hpe dang kau lu ai awng padang dai Madu gaw Israela hpe jaw nu ai,” ngu nna tsun wu ai.

1 SAMUELA 14:13

Yonahtan gaw uhkan shara kaw nna gumrawt lung wa wu ai; shi a shabrang wa mung shi kaw hkan nang nga ai. Yonahtan gaw Hpilisti masha ni hpe htim gasat nna anut kadawng kau wu ai; shabrang wa mung shanhte hpe hkan sat kau wu ai.

1 SAMUELA 14:14

Yonahtan hte shi a shabrang wa gaw shawng na lang sat sharu ai hta eka mi a ka-ang hkup daram kaba ai shara hta masha hkun dang hpe sat kau ma ai.

1 SAMUELA 14:17

Dai rai nna, Shawlu gaw shi a masha ni hpe, “Hpyenla ni hpe hti yu mu, kadai wa mat nga ai hpe mung sagawn yu mu,” ngu nna tsun wu ai. Shanhte hti yu mu yang, Yonahtan hte shi a hpyen laknak arai hpai ya ai shabrang wa mat mat nga ma ai hpe mu sagawn nga ma ai.

1 SAMUELA 14:7

Dai shabrang wa gaw, “Nang ra ai hku galaw u, ngai nang hte rau nga nga na nngai,” ngu nna htan wu ai.

1 SAMUELA 16:21

Dawi mung Shawlu kaw du nna shi a man e shang tsap nga ai. Shawlu gaw shi hpe grai yu ra ai rai nna, shi a laknak hpai ya ai masha hku lata la wu ai.

1 SAMUELA 31:6

Dai gaw Shawlu mung, shi a kasha masum hte shabrang wa si mat ai lam rai nga ai. Shawlu a masha ni yawng mung dai shani e si mat shajang ma ai.