TARA AGYI 9:26 - Jinghpaw Common Language Bible 2009

²⁶ Dai hpang Ebed a kasha Gala gaw shi a kahpu kanau ni hte rau Shehkem mare de du sa ma ai. Shehkem masha ni mung shi hpe kam hpa nga ma ai.

Jinghpaw Hanson Version Bible

²⁶ Dai shaloi e, Ebed a kasha Gala gaw shi a kahpu kanau ni hte hpawn, Shehkem de du nna, Shehkem masha ni mung dai shan nau ni hta shamyet shanat ma ai.

TARA AGYI 9:26 ပူးပေါင်းရင်းမြစ်များ

NINGPAWT NINGHPANG 13:8

Dai hpang Abram gaw Lawt hpe, “An gaw hpu nau rai nga ga ai majaw na a masha ni hte nye a masha ni ga law ga la ai amu hpe n shapraw ang nga ga ai.

NINGPAWT NINGHPANG 19:7

Shi gaw shanhte hpe, “Manang ni e, ndai zawn re ai n hkru n shawp ai amu hkum galaw nga myit! Ngai nanhte hpe hpyi nem nngai.

TARA AGYI 9:25

Shehkem masha ni gaw Abimelek hpe mayun gyam na matu, bum pungding hkan e masha tawn da ma ai rai nna dai lam hku bu hkawm lai wa ai masha shagu hte hpe hkap hpya la ma ai. Dai lam Abimelek hpe shana ya ma ai.

TARA AGYI 9:27

Shanhte yawng mung shanhte a sabyi sun ni de sa nhtawm, sabyi si di, sabyi ntsin shup shapraw let poi galaw ma ai. Shanhte gaw shanhte a hpara htingnu de shang nhtawm lu let, sha let Abimelek hpe jahpoi asawng ma ai.

TARA AGYI 9:28

Gala mung, “Shehkem mare hta nga ai anhte gaw kaning re ai ni sha rai nga ga ta? Abimelek hpe hpa lam a majaw anhte daw jau ra ga ta? Shi gaw kaning re ai wa rai nga a ta? Gidon a kasha rai nga ai! Zebula chyawm gaw shi a ga hpe madat mara nga ai; rai ti mung anhte mahtang hpa lam a majaw shi hpe daw jau ang nga ga ni? Nanhte a amyu lakung lama daju kaji kawa Hamora a ntsa e sadi dung nga mu!

TARA AGYI 9:30

Gala tsun ai ga hpe mare up ai Zebula na wu ai shaloi shi masin pawt wu ai.