TARA AGYI 8:4 - Jinghpaw Common Language Bible 2009

⁴ Dai aten hta Gidon hte shi a masha masum tsa hte gaw Yawdan hka de sa nna dai hka hpe rap ma ai. Shanhte gaw ba kalawp nga ma ti mung, gumlau hpyen ni hpe naw hkan shachyut ma ai.

Jinghpaw Hanson Version Bible

⁴ Ya Gidon hte shi a masha masum tsa hte gaw Yawdan hka du rap nna, ba let naw shachyut nang ma ai,

TARA AGYI 8:4 ပူးပေါင်းရင်းမြစ်များ

2 KORINHTU 4:16

Ndai lam ni a majaw anhte gaw galoi mung myit n hten, n-gun n yawm ga ai. Anhte a shinggan lam hku myi hte mu lu nga ai shinggyim hkrang gaw yat yat sha hten run mat wa nga ai, rai ti mung kata na wenyi hkrang gaw lani hte lani ningnan bai galai lajang ai hpe hkam la nga ga ai.

GALATI 6:9

Dai rai nna kaja ai amu galaw na anhte n hki n sang nga ga; hpa majaw nga yang, anhte myit n yaw, myit n daw ga yang gaw, aten ladaw du jang anhte dan la na raga ai.

TARA AGYI 7:25

Shanhte gaw Oreb hte Zeeb ngu ai Midian du lahkawng hpe rim la lu ma ai rai nna Oreb hpe Oreb lunghtawn ntsa e, Zeeb hpe Zeeb sabyi htumbyen hta sat kau ma ai. Shanhte gaw matut nna Midian masha ni hpe shachyut mat wa let, Oreb hte Zeeb a baw hpe Yawdan hka a sinpraw maga e nga ai Gidon hpang de la wa ma ai.

TARA AGYI 8:3

Hpang jahtum e nanhte gaw Karai Kasang a daru magam n-gun hte Midian du Oreb hte Zeeb hpe sat kau lu myit dai. Dai hte shadawn mai na zawn re ai amu ngai hpa galaw lu a ta?,” ngu nna tsun wu ai. Dai ga hpe shi tsun ai shaloi, shanhte a masin kawp mat ma ai.

1 SAMUELA 30:10

Dawi gaw shi a masha mali tsa hte matut nna hkan ma ai; masha lahkawng tsa hte gaw hka shi rap kawt lu na matu nau ba mat ma ai majaw shingdu e hti ngam mat ma ai.

1 SAMUELA 30:8

Dawi gaw dai Madu hpe, “Ndai zawn shang hpya ai masha ni a hpang ngai hkan mai na a ni? Shanhte hpe hkan shachyut dep lu na kun?,” ngu nna san wu ai. Shaloi dai Madu gaw, “Shanhte kaw hkan su; shanhte hpe hkan dep nna, bawng masha ni hpe bai lu mawai la lu na rai ndai,” ngu nna htan wu ai.