TARA AGYI 8:34 - Jinghpaw Common Language Bible 2009

³⁴ shanhte hpe wang shinggrup da ai gumlau hpyen ni yawng a lata kaw na hkye hkrang la ai dai Madu shanhte a Karai Kasang hpe loi mi mung n daw jau mat ma ai.

Jinghpaw Hanson Version Bible

³⁴ Israela kashu kasha ni gaw, masha hpyen ni a lata na yawng Shanhte hpe hkye la ai, shanhte a Karai Kasang Yehowa hpe n dum kau ai hte,

TARA AGYI 8:34 ပူးပေါင်းရင်းမြစ်များ

SHAKAWN KUNGDAWN 106:18

Shanhte a hpang hkan nang ai ni a ntsa e, wan nan hkrat wa nna; tara n lang ai masha ni hpe hkru jahkat kau mu ai.

SHAKAWN KUNGDAWN 106:21

Egutu mung hta shi a mauhpa magam amu ni hte shanhte hpe hkye hkrang da ai Karai Kasang hpe shanhte malap kau mu ai.

SHAKAWN KUNGDAWN 78:11

Shanhte gaw shi galaw dan sai magam amu ni hte shanhte mu yu sai mauhpa lamik kumla ni hpe malap kau manu ai.

SHAKAWN KUNGDAWN 78:42

Madu a galu kaba ai daru magam n-gun hte shanhte a gumlau hpyen ni a lata kaw nna shanhte hpe hkye hkrang la sai nhtoi hpe mung;

HPAJI NINGLI 12:1

Dai rai nna, ram prat naw rai nga yang, nang gaw, “Asak hkrun lam hpe ngai n ra sharawng nngai,” ngu nna myit ru myit tsang ai nhtoi ni hte shaning ni garai n du yang, na a Hpan Wa Ningsang hpe adum nga u.

YEREMIA 2:32

Numsha mahkawn gaw shi a ja rai, num nnan gaw shi a hkungran hpun palawng hpe malap da mai nga a ni? Rai ti mung, nye a amyu masha ni chyawm gaw ngai hpe malap kau ai nhtoi ni n dang hti hkra law nga sai.

YEREMIA 23:27

Shanhte a kaji kawa ni gaw ngai hpe malap kau ai hte Bala hpara hpang de myi man yawng mat wa ma ai zawn, shanhte tsun hkai ai yup mang shingran ni a majaw nye a amyu masha ni ngai hpe malap kau shangun na shanhte myit nawn ma ai.

HOSEA 2:15

Ngai gaw shi a sabyi sun ni hpe bai jaw nna Tsin-Yam Tsindam Kadit hpe mung myit mada chyinghka shatai na we ai. Shi naw mahkawn nga yang, Egutu mung na pru wa ai shaloi shi galaw ai zawn shi ngai hpe htan ya na ra ai.

TARA JAHPRANG 4:9

Nanhte hkum nan sadi maja nga mu! Nanhte a myi hte chyaw mu lu sai lam hpe n malap kau ai sha ahkrung nga dingsa shangang shakang da myit; nanhte a myit masin hta a matsing nga mu. Shi gaw ngai hpe, ‘Amyu masha ni hpe jahpawng tawn u; shanhte hkrung nga dingsa nye a ga hpe madat mara hkan sa nhtawm dai hte maren shanhte a kashu kasha ni hpe sharin achyin ya lu hkra ngai tsun ai ga shanhte hpe na la shangun mayu nga nngai,’ ngu nna Sina Bum hta dai Madu nanhte a Karai Kasang a man e tsap nga ai shani na matsun maroi ga, nanhte a kashu kasha ni hpe tsun dan mu.

TARA AGYI 3:7

Israela amyu masha ni gaw dai Madu shanhte a Karai Kasang hpe yubak galaw shut kau nhtawm malap kau manu ai rai nna Bala hte Ashera hpara sumla ni hpe nawku nga ma ai.