TARA AGYI 8:32 - Jinghpaw Common Language Bible 2009

³² Yoasha a kasha Gidon gaw aprat ugut gu nna si mat sai. Dai rai nna Abieza lakung lama a mare ngu na Ohpra na shi a kawa Yoasha a lup hta shi hpe makoi mayang da ma ai.

Jinghpaw Hanson Version Bible

³² Ya, Yoasha kasha Gidon gaw, aprat ugut gu nna si mat ai; Abiezra kashu kasha ni a mare Ohpra e, kawa Yoasha lup hta shi e makoi mayang mu ai.

TARA AGYI 8:32 ပူးပေါင်းရင်းမြစ်များ

NINGPAWT NINGHPANG 15:15

Nang hkum nan mung gawng kung asak kaba ai du hkra nga lu nna ngwi pyaw ai hte si wa nhtawm makoi mayang ai hkrum na ndai.

2 SAMUELA 2:32

Yoab hte shi a masha ni gaw Asahela a moi mang hpe la wa nhtawm Betlehem mare na dinghku masha ni a lup hta lup makoi da ma ai. Dai hpang shanhte gaw shana tup rawt hkawm sa mat wa ma yang, Hebron mare de nhtoi htoi ai aten hta du shang wa ma ai.

YOBA 42:17

Dai hpang shi gaw grai dingla ugut gu nna si mat wa sai.

YOBA 5:26

Shu la ai aten du hkra myin nga ai hkaulan mam zawn; nang gaw asak ugut gu hkra nga lu na rai ndai.

TARA AGYI 6:24

Gidon gaw dai yang e dai Madu a matu tawn hkungri galaw nhtawm dai hpe “Dai Madu gaw ngwi pyaw sim sa nga ai.” ngu nna shamying wu ai. (Dai gaw dai ni du hkra Abieza a lakung lama ni a sali ga Ohpra shara e naw nga nga ai.)

TARA AGYI 8:27

Gidon gaw aja arai hte hpara sumla galaw nhtawm shi a daidaw bu ga Ohpra mare e dai hpe tawn da wu ai. Israela masha ni gaw Karai Kasang hpe kau da nhtawm dai yang na hpara sumla hpe sa nawku ma ai. Dai gaw Gidon hte shi a dinghku masha ni a matu mahkam tai nga malu ai.

TARA AGYI 8:31

Shi gaw Shehkem mare hta mung lashi num langai lu wu ai rai nna shi a matu shadang sha langai shangai ya wu ai. Gidon gaw shi hpe Abimelek ngu nna shamying wu ai.

TARA AGYI 8:33

Gidon si mat ai hpang Israela amyu masha ni gaw Karai Kasang hpe bai n kam n sham ai hte Bala hpara ni hpe nawku mat ma ai. Shanhte mahtang Bala ga shaka hpe shanhte a hpara zawn shatai da mu ai rai nna,