TARA AGYI 8:26 - Jinghpaw Common Language Bible 2009

²⁶ Gidon lu shen la ai aja na lakan ni gaw pawng mali shi daram rai nna Midian Hkawhkam ni mawn sumli ai shakya rai ni, kachyi ni hte shaba pu nsam rawng ai bu hpun palawng ni hte gawla-uk a du hta noi ai saidawng ni garai n lawm nga ai.

Jinghpaw Hanson Version Bible

²⁶ Shing rai shi hpyi la ai aja na ladan ni gaw ajoi shi sanit rai lu ai: dai hta kaga Midian hkawhkam ni mawn ai shata sumla ni, na ladan ni, hkyeng ai hpun nba hte, tinang a gawla-uk ni du hta na noi ai saidawng ni mung naw lu la wu ai.

TARA AGYI 8:26 ပူးပေါင်းရင်းမြစ်များ

ESHTA 8:15

Mordehkai gaw amut, ahpraw nsan ai hkawhkam palawng galu bu hpun nna shaba pu nsam rawng ai mani ai lachyit nba lawai let, hkik hkam ai ja janmau gup nhtawm hkawhkam htingnu kaw nna pru wa wu ai. Susa mare nmaw lam hkan nna kabu gara ai hte jahtau garu nga ma ai.

GA SHAGAWP 31:22

Shi gaw yup ra panep nep da ai hte hkyeng sawm nsam pru nna tsawm ai lachyit sumpan hte hpun sumli da nga ai.

ESAIA 3:18

Dai Madu gaw Yerusalem numsha ni grai gumrawng gumtawng ai hte lu ai arai magup ngu na, shanhte a lagaw ni, baw ni, du ni hte

YEREMIA 10:9

Shanhte a hpara sumla ni hpe Spain mung na gumhpraw, Uhpaza shara kaw na pru ai aja ni hte sup da nhtawm, dai ni yawng gaw sumla maka soi ai ni a lata amu ni rai nga ai; shanhte gaw kung kyang ai ni da sama da ai sumpan mut hte mang ai ni hpe bu hpun da ma ai.

EZEKELA 27:7

Na a li sumpan ni hpe lachyit sumpan, Egutu mung na maka ka ai lachyit sumpan ni hte galaw da nga ndai; Dai hpyan sharawt da ai sumpan li ni hpe tsan tsan kaw na aloi sha yu matsing lu nga ai. Na a li magap ni hpe Kupru zunlawng na pru ai shaba pu nsam rawng nna ngang ai sumpan ni hte galaw da nga ai.

LUKA 16:19

“Kalang mi na sahti wa langai mi nga ai. Shi gaw, hpu ging dik ai, hpun palawng bu hpun nna shani shagu pyaw pyaw ning ngai nga ai.

YAWHAN 19:2

Hpyen ma ni mung ju hpun lakung hte lagup hkri la nna shi a baw hta shagup ya nhtawm, palawng ahkyeng mung jahpun mu ai.

YAWHAN 19:5

Yesu mung ju lagup gup ai hte palawng ahkyeng hpun let pru wa ai. Shaloi Pilat gaw “Ndai masha wa hpe yu mu!,” ngu nna shanhte hpe tsun mu ai.

SHINGRAN 17:4

Dai numsha gaw, hkyeng mang ai hte shaba pu nsam rawng ai bu hpun palawng bu hpun nna, hpu ging ai ja, lungseng, pale hte mawn sumli nga ai. Shi gaw shi a hpye ai amu a asi rai nga ai n san n seng matsat shabat lam hte hpring chyat re ai ja gawm, shi a lata hta lang da wu ai.

SHINGRAN 18:12

Shanhte a gun rai ni gaw: ja arai, gumhpraw arai, hpu ging ai lungseng ni, pale, lachyit sumpan, shaba pu nsam rawng ai sumpan, lai hte da ai sumpan, hkyeng kabrim ai sumpan, manam pyaw ai baw hpun amyu myu, magwi kawng hte galaw ai arai amyu myu, manu rawng ai hpun arai, magri mang arai, hpri arai, lunghpraw arai amyu myu,

SHINGRAN 18:16

“Lachyit sumpan, shaba pu nsam rawng ai lai sumpan, hkyeng ai bu hpun palawng bu hpun nna, ja rai, hpu ging ai lungseng hte pale ni hte mawn sumli ai galu kaba ai mare gaw, dingnye lu a hka! Dingnye lu a hka!

TARA AGYI 8:21

Dai hpang Zeba yan Zalmuna gaw Gidon hpe, “Nang nan rawt nna an hpe sat kau mi; wa-ngan hpe gaw wa-ngan n-gun hte she rai law,” ngu nna tsun ma ai. Gidon mung shan hpe sat kau nhtawm shan a gawla-uk du na mawn sumli rai ni hpe hpyu la wu ai.

TARA AGYI 8:25

Amyu masha ni mung, “Anhte kabu gara hte nang hpe dai ni jang jaw na ga ai,” ngu nna htan ma ai. Shanhte mung sumpan nba kahpyan da nhtawm la wa ai na lakan ni hpe de a ntsa e tawn da nga ma ai.

TARA AGYI 8:27

Gidon gaw aja arai hte hpara sumla galaw nhtawm shi a daidaw bu ga Ohpra mare e dai hpe tawn da wu ai. Israela masha ni gaw Karai Kasang hpe kau da nhtawm dai yang na hpara sumla hpe sa nawku ma ai. Dai gaw Gidon hte shi a dinghku masha ni a matu mahkam tai nga malu ai.