TARA AGYI 8:24 - Jinghpaw Common Language Bible 2009

²⁴ Rai ti mung shi chyawm gaw, “Nanhte hpe lam langai mi, ngai naw san yu made ga; nanhte la wa ai na lakan shagu, ngai hpe jaw na ngai hpyi nga nngai,” ngu nna matut tsun wu ai. (Midian masha ni gaw kaga nam mali hkan na masha amyu ni zawn ja lakan kai ma ai.)

Jinghpaw Hanson Version Bible

²⁴ Rai timung nanhte nlang hta na, na ladan lanep chyawm gaw ngai hpyi mayu nngai,” ngu wu ai. (Hpyen ni mahtang, Ishmaela amyu rai ma ai majaw, aja na ladan kai ma ai.)

TARA AGYI 8:24 ပူးပေါင်းရင်းမြစ်များ

NINGPAWT NINGHPANG 24:22

Dai numsha gawla-uk ni hpe ntsin jaw ngut jang, dai wa gaw manu dan ai ja shanghkawng la nna shi a ladi hta noi ya let kaba ai ja lahkawn man mi hpe mung shi a lata hta hkawn ya wu ai.

NINGPAWT NINGHPANG 24:53

Dai hpang hpun palawng ni hpe shi la shapraw nhtawm aja, gumhpraw sumli arai ni hte hpawn Rebeka hpe jaw wu ai. Shi a kanu yan kayung hpe mung manu dan ai kumhpaw kumhpa ni jaw ya wu ai.

NINGPAWT NINGHPANG 25:12

Sara a mayam Egutu num Hagara gaw Abraham a matu Ishmaela

NINGPAWT NINGHPANG 25:13

hpe shangai ya wu ai rai nna dai shadang sha ni a shangai chyinghkai hkrat wa ai jahpan gaw ndai hku rai nga ai. Dai ni gaw Nabaiyut, Kedara, Adebela, Mibsam,

NINGPAWT NINGHPANG 35:4

Dai rai nna shanhte gaw maigan hpara sumla mahkra hte na hta kai ai shanghkawng ni, Yaku a lata de ap kau mu ai. Dai arai ni hpe Shehkem makau e tu ai wamyi hpun nhpang e shi lup kau ya wu ai.

NINGPAWT NINGHPANG 37:25

Shanhte shat sha nga ma yang, Gilead mung kaw nna Egutu mung de bu hkawm sa wa ai Ishmaela masha wuhpung ni hpe shanhte akajawng mu dat ma ai. Shanhte a gawla-uk ni hta manam pyaw ai namji namya, hpun naw hte mura ni hpe htaw nga ma ai.

NINGPAWT NINGHPANG 37:28

Midian hpaga masha nkau mi lai sa wa nga yang, kahpu kanau ni mung dai hka htung kata na gang shaw shapraw nhtawm Ishmaela masha ni hpe gumhpraw hkun hte dut kau dat ya mu ai. Shanhte mung shi hpe woi nna Egutu mung de woi mat wa ma ai.

1 HKAWHKAM 20:11

Hkawhkam Ahab gaw, “Hpyenla jet gaw majan garai n sa yang lu grang ai n rai; majan ngut ai hpang mahtang gumrawng ging nga ai lam, Hkawhkam Benhadad hpe wa tsun ya mi,” ngu nna htan wu ai.

PRU MAT 12:35

Israela amyu masha ni gaw Mawshe tsun da sai hte maren galaw ma ai rai nna, aja arai, gumhpraw arai hte hpun palawng ni hpe Egutu masha ni kaw na hpyi la ma ai.

PRU MAT 32:3

Dai re ai majaw amyu masha ni yawng mung shanhte a ja lakan ni raw la nna Arun hpang de la sa ya ma ai.

PRU MAT 32:4

Shi gaw dai ni hpe la nna shabyawng nhtawm ja ni hpe ndi langai mi hta ru bang nna ja hte galaw ai dumsu usu kasha langai jaw ya wu ai. Dai amyu masha ni mung, “Israela amyu e, ndai gaw Egutu mung kaw na anhte hpe woi shapraw wa ai anhte a hpara rai nga ai!,” ngu nna tsun wu ai.

PRU MAT 32:8

Shanhte hkan sa na matu ngai hkang da ai lam hta na dam mat wa nhtawm ja shabyawng la let dumsu usu kasha langai galaw la nna dai hpe nawku ai hte shagu hkungga nawng jau ya nga masai. Shanhte gaw dai gaw Egutu mung kaw na shanhte hpe woi shapraw wa ai shanhte a hpara rai nga ai ngu tsun nga masai.

EZEKELA 7:20

Shanhte gaw shanhte a tsawm htap ai ja lung seng arai ni hta lang mi gumrawng lai wa yu manu ti mung, dai ni hpe matsat shabat re ai hpara sumla ni galaw ai hta lang ma ai. Dai re ai majaw, dai Madu gaw shanhte a ngamu ngamai ai sut gan hpe shanhte a matu matsat shabat re ai arai zawn shatai kau ya mu ai.

TARA AGYI 8:25

Amyu masha ni mung, “Anhte kabu gara hte nang hpe dai ni jang jaw na ga ai,” ngu nna htan ma ai. Shanhte mung sumpan nba kahpyan da nhtawm la wa ai na lakan ni hpe de a ntsa e tawn da nga ma ai.

1 SAMUELA 25:11

Ngai gaw nye a sagu mun rep ai ni a matu hpajang tawn ai muk, ntsin hte yam nga ashan la nna, kanang na pru wa ai pyi n chye ai ni hpe jau kau na rai nga a ni?,” ngu nna htan wu ai.