TARA AGYI 8:22 - Jinghpaw Common Language Bible 2009

²² Dai hpang Israela masha ni gaw Gidon hpe, “Midian masha ni a lata kaw na nang anhte hpe hkye la nit dai majaw nang hte na a amyu matu ni gaw shu mashi prat du hkra anhte a up hkang du tai nga manit ga law,” ngu nna tsun ma ai.

Jinghpaw Hanson Version Bible

²² Ya Israela masha ni gaw Gidon hpe, “Nang anhte hpe Midian masha ni a lata na hkye la mi ai majaw, shu mashi shu masha prat du hkra anhte a ntsa e up nga mi,” ngu nna, hpyi mu ai.

TARA AGYI 8:22 ပူးပေါင်းရင်းမြစ်များ

NINGPAWT NINGHPANG 37:28

Midian hpaga masha nkau mi lai sa wa nga yang, kahpu kanau ni mung dai hka htung kata na gang shaw shapraw nhtawm Ishmaela masha ni hpe gumhpraw hkun hte dut kau dat ya mu ai. Shanhte mung shi hpe woi nna Egutu mung de woi mat wa ma ai.

YAWHAN 6:15

Yesu gaw masha ni shi hpe adip arip di rim la nna Hkawhkam shatai na maw nga ma ai hpe chye wu ai majaw, shi hkrai sha dai kawng de mayun lung mat wa ai.

TARA AGYI 8:21

Dai hpang Zeba yan Zalmuna gaw Gidon hpe, “Nang nan rawt nna an hpe sat kau mi; wa-ngan hpe gaw wa-ngan n-gun hte she rai law,” ngu nna tsun ma ai. Gidon mung shan hpe sat kau nhtawm shan a gawla-uk du na mawn sumli rai ni hpe hpyu la wu ai.

TARA AGYI 8:23

Gidon gaw, “Ngai mung, nye kasha mung nanhte hpe up hkang na ga ai n rai. Dai Madu mahtang nanhte hpe up hkang ai wa tai na ra ai,” ngu nna htan wu ai.

1 SAMUELA 12:12

Rai ti mung nanhte hpe htim gasat hkyen nga ai Amon Hkawhkam Nahasha hpe nanhte mu myit dai shaloi, nanhte a hkawhkam rai nga ai dai Madu hpe ningdang kau nhtawm ngai hpe mahtang, ‘Anhte hpe up hkang na hkawhkam langai ra ga ai,’ nga nna tsun myit dai.

1 SAMUELA 8:5

shi hpe, “Yu u, nang dingla wa nga ndai; na a kasha yan mung na a kasi n hkan nga ma ai. Dai rai nna, kaga mungdan ni lu ai zawn anhte hpe up hkang na hkawhkam langai mi ra ga ai majaw hkawhkam san da ya mi,” ngu nna tsun ma ai.