TARA AGYI 8:16 - Jinghpaw Common Language Bible 2009

¹⁶ Dai hpang shi gaw nam mali na ju hpun ni hpe la nhtawm Suhkot mare na ningbaw ni hpe ari jaw na matu akyu jashawn wu ai.

Jinghpaw Hanson Version Bible

¹⁶ Shing rai dai mare na agyi salang ni hpe shi shaga la nna, nam na ju hpun hte Suhkut masha ni hpe sharin mu ai.

TARA AGYI 8:16 ပူးပေါင်းရင်းမြစ်များ

GA SHAGAWP 10:13

Hpaji kung ai masha ni gaw lachyum rawng ai ga hpe tsun nga ma ai; angawk ai masha ni chyawm gaw ari jaw ai hkrum ra na ma ai.

GA SHAGAWP 19:29

Rai dum nna angawk ai wa gaw anu gayat ai hpe teng teng hkam la na rai nga ai.

MIHKA 7:4

Shanhte hta kaja htum ai hte ding man dik htum ai wa pyi tsingdu tsingman ni zawn manu n dan nga ai. Shi gaw shanhte hpe shanhte a sin langa, myihtoi ni hku nna sadi jaw ai zawn Karai Kasang gaw amyu masha ni hpe ari jaw na nhtoi du ra ai. Ya chyawm gaw shanhte kashuk kashak byin nga ma ai.

TARA AGYI 8:15

Dai hpang Gidon mung Suhkot mare masha ni hpang de sa nhtawm, “Nanhte gaw ngai hpe karum la na matu ningdang kau yu manit dai hpe dum mai nga ai n rai ni? Zeba yan Zalmuna hpe garai n lu rim la we ai majaw hki ba hkawm nga ai nye a hpyen luksuk hpe hpa lusha mung, n jaw lu ga ai, nga nna tsun yu manit dai. Rai sa dai yan gaw ya nang e rai nga ma ai!,” ngu nna tsun wu ai.

TARA AGYI 8:17

Penuela mare na langchyi hpe shi adawt sharun kau nhtawm dai mare na masha ni hpe mung sat kau wu ai.

TARA AGYI 8:7

Dai rai nna Gidon gaw, “Rai sa! Shing nga jang mung, dai Madu gaw Zeba yan Zalmuna hpe nye a lata de ap ya ai shaloi, ngai nanhte hpe nam mali na ju hpun amyu myu hte kayat na made ai!,” ngu nna tsun wu ai.