TARA AGYI 8:14 - Jinghpaw Common Language Bible 2009

¹⁴ Suhkot mare na shabrang ma langai mi hpe rim la nhtawm san yu wu ai shaloi, dai wa gaw Suhkot mare na du salang sanit shi sanit a mying jahpan Gidon hpe ka jaw wu ai.

Jinghpaw Hanson Version Bible

¹⁴ Dai yang e, Suhkut mare na ma langai mi hpe shi rim la nna, shi e san yu wu yang, dai ma gaw Suhkut shara na du hte salang sanit shi sanit a amying tsun dan wu ai.

TARA AGYI 8:14 ပူးပေါင်းရင်းမြစ်များ

NINGPAWT NINGHPANG 33:17

Esaw gaw dai shani jang rawt nna Edom mung de bai wa mat wa wu ai. Rai ti mung, Yaku chyawm gaw Suhkot ngu ai shara de du hkra hkawm sa wa nna, shi nga na nta hte yam nga ni rawng na sum ni hpe gap wu ai. Dai rai nna shara dai hpe Suhkot ngu nna shamying wu ai.

TARA AGYI 8:13

Gidon gaw majan ginra kaw nna Here uhkan hku nhtang wa wu yang,

TARA AGYI 8:15

Dai hpang Gidon mung Suhkot mare masha ni hpang de sa nhtawm, “Nanhte gaw ngai hpe karum la na matu ningdang kau yu manit dai hpe dum mai nga ai n rai ni? Zeba yan Zalmuna hpe garai n lu rim la we ai majaw hki ba hkawm nga ai nye a hpyen luksuk hpe hpa lusha mung, n jaw lu ga ai, nga nna tsun yu manit dai. Rai sa dai yan gaw ya nang e rai nga ma ai!,” ngu nna tsun wu ai.