TARA AGYI 8:11 - Jinghpaw Common Language Bible 2009

¹¹ Gidon chyawm gaw Noba hte Yibeha mare yan a sinpraw maga na nam mali shingnawm lam dingyang garet lung wa nhtawm n dum shami nga nga ai hpyen dap hpe shang gasat ma ai.

Jinghpaw Hanson Version Bible

¹¹ Gidon chyawm gaw Noba hte Yibeha mare yan a sinpraw maga na, sum hta nga ai masha ni a hpang hku lung nna, ndum shami nga nga ai hpyen dap hpe shang gasat mu ai.

TARA AGYI 8:11 ပူးပေါင်းရင်းမြစ်များ

BU HKAWM 32:35

Atrot Shohpan, Yazera, Yogbeha,

BU HKAWM 32:42

Noba mung Kenat ginwang hte de a kahtawng ni hpe gasat madu la lu wu ai; shi gaw dai hpe Noba ngu nna shi a mying hkan ai hku bai shamying da wu ai.

1 HTESALONI 5:3

Masha ni gaw, “Yawng mayawng sim sa nna shim nga ai,” nga nna tsun na mara ai. Shing nga nna tsun nga ai shaloi jang, ma hkum re ai numsha hta ma shangai na matu shinggyim machyi hkrum ai zawn n myit mada ai sha dai hten bya ai gaw akajawng sha shanhte kaw du na ra ai rai nna, masha ni kadai mung lawt lu na ma ai n rai!

TARA AGYI 18:27

Dan a masha ni dai hkinjawng wa hte Mihka galaw ai arai ni hpe woi mat wa ai hpang, ngwi pyaw sim sa ai mare, Betrehob kadit na Laisha mare hta atsin sha nga ai masha ni hpe htim gasat kau ma ai. Shanhte gaw mare masha ni hpe sat kau nhtawm mare hpe mung nat kau ya ma ai. Laisha mare gaw Sidon mare hte tsan ai majaw mung, kaga masha ni hte makyit mahkai n nga ai majaw mung shanhte hpe hkye la na masha kadai mung n nga nga ai. Dan a masha ni mung mare hpe bai de nna dai yang e nga nga ma ai.

TARA AGYI 8:10

Zeba hte Zalmuna yan gaw shan a hpyen luksuk ni hte Kakora mare e nga nga ma ai. Nam mali hkan na amyu bawsang ni a hpyen laba ting hta na 15,000 chyu sha ngam mat nna hpyenla 120,000 sat kau ai hkrum nga masai.

TARA AGYI 8:12

Midian Hkawhkam Zeba yan Zalmuna rawt hprawng ma ti mung, shi shan hpe hkan shachyut rim la nhtawm shan a hpyen laba ni yawng hpe kajawng shabra kau ya wu ai.

1 SAMUELA 15:32

Samuela gaw, “Hkawhkam Agag hpe ndai yang, ngai hpang de woi wa ya mi,” ngu nna hkang dat wu ai. Agag mung shi kaw hkrit gari ai hte sa wa nhtawm, “Si hkrung si htan re ai laja lana hkrit hpa gaw ngut boi mat sai,” ngu nna shi kraw hta myit nawn la wu ai.

1 SAMUELA 30:16

Shi mung Dawi hpe shanhte hpang de sa nna woi madun kau wu ai. Majan shang gasat ai ni gaw Hpilisti hte Yuda mung na shanhte rim la lu ai lanep arai sumpum kaba ni a majaw lu let, sha let, poi galaw nna dai shara ni hta pri rai jawng nga ma ai.