TARA AGYI 8:10 - Jinghpaw Common Language Bible 2009

¹⁰ Zeba hte Zalmuna yan gaw shan a hpyen luksuk ni hte Kakora mare e nga nga ma ai. Nam mali hkan na amyu bawsang ni a hpyen laba ting hta na 15,000 chyu sha ngam mat nna hpyenla 120,000 sat kau ai hkrum nga masai.

Jinghpaw Hanson Version Bible

¹⁰ Dai shaloi e, Zeba yan Zalmuna hte shan a dap ngu na hpyen mun mi hkying manga hte rau Kakora shara e nga nga ma ai; sinpraw maga na masha ni yawng hta ngam ai ngu na dai hte sha rai masai; kaning rai nme law, nhtu chye lang ai masha sen mi mun lahkawng gaw si mat masai.

TARA AGYI 8:10 ပူးပေါင်းရင်းမြစ်များ

2 HKAWHKAM 3:26

Moba hkawhkam gaw majan n dang lu na lam hpe dum chye wa jang, shi hte rau nhtu hpye ai masha sanit tsa shaga la nna, Suri hkawhkam wa hpang de hprawng lawt lu hkra nga, hpyen ni nga ai lam hku ga lai mat wa tim, n dang lu mat nu ai.

2 HKAWHKAM LABAU 13:17

Abiya hte shi a luksuk ni gaw Israela masha ni hpe a mani di dang kau mu ai rai nna kaja htum ai Israela hpyenla sen manga hte mung sat kau ai hkrum ma ai.

2 HKAWHKAM LABAU 28:8

Yuda masha ni gaw shanhte hte hpu nau daw hkat nga ti mung, Israela hpyen luksuk mahtang numsha ni hte ma kaji bawng masha 200,000 hte hpe rim la nhtawm lanep law law hte hpawn Samari mare de woi mat wa ma ai.

ESAIA 37:36

Dai Madu a lamu kasa langai gaw Asuri ni nga ai dap de sa nna hpyenla 185,000 hte hpe sat kau wu ai. Hpang shani jahpawt jau jau aten hta, shanhte yawng gaw dai shara e si taw nga ma ai.

ESAIA 9:4

Shanhte hpe lit shali shangun ai kandang hte shanhte a lahpa hpe adup ai hkawn ni hpe nang agrawp shadaw kau ya nit dai. Lai sai aten, Midian hpyen luksuk ni hpe nang anut dang kau ai zawn na a amyu masha ni hpe dip gamyet sha ai hte n-gun maku daw sha nga ai amyu baw hpe nang dang kau nga nit dai.

TARA AGYI 20:15

Shanhte gaw dai shani jang shanhte a mare ni hta na hpyenla mun lahkawng hkying kru hte hpe shaga shapraw da ma ai. Dai hta kaga, lapai lata chye lang nna kara singgawng mi pyi n shai hkra lungdin chye nwat kabai ai laksan masha sanit tsa hpe mung Gibea masha ni hta shinggyin hpawng da ma ai.

TARA AGYI 20:17

Israela amyu bawsang ni hta chyawm gaw Benyamin amyu bawsang ni hpe n hti ai sha, hpyen amu hkrak sharin da lu sai hpyenla 400,000 hpe zup hpawng da nga ma ai.

TARA AGYI 20:2

Israela amyu bawsang ni yawng a ningbaw ni gaw Karai Kasang a masha ni hte rau hpawng nga ma ai rai nna lagaw dap hta shang lawm ai hpyenla hkrai 400,000 rai nga ai.

TARA AGYI 20:25

Ndai lahkawng lang ngu na majan hta mung Benyamin amyu matu ni Gibea mare kaw nna pru sa nhtawm hpyen hpaji sharin da sai Israela hpyenla mun mi hkying matsat hpe dai lang sat kau lu ma ai.

TARA AGYI 20:35

Dai Madu gaw Benyamin a hpyen luksuk hpe dang kau lu na awng padang Israela hpe jaw wu ai rai nna, dai shani e gumlau hpyen 25,100 hte hpe Israela ni sat kau lu ma ai.

TARA AGYI 20:46

Dai shani e sat kau hkrum ai Benyamin amyu matu ni yawng mun lahkawng hkying manga rai nga ai; shanhte yawng gaw share shagan ai hpyenla ni hkrai rai ma ai.

TARA AGYI 6:5

Shanhte gaw dinggam-yaw zawn kanawng hkawm ai yam nga hpung ni hte sum ni hte rau du sa ma ai. Shanhte hte shanhte a gawla-uk ni gaw hti n dang hkra law nga ai. Shanhte gaw dai mung de sa nna jahten shaza kau ma ai,

TARA AGYI 7:12

Midian masha ni, Amalek masha ni hte nam mali hkan nga ai amyu bawsang ni gaw dinggam-yaw uhpung mi zawn kadit hta e apa pat but nga ma ai. Shanhte a gawla-uk ni mung panglai hkin-gau na zaibru ni zawn n dang hti hkra law nga malu ai.

TARA AGYI 7:13

Gidon shi du ai shaloi, masha langai mi gaw manang wa hpe yup mang hkai dan nga ai hpe sa na wu ai. Dai wa gaw, “Muk-yaw muk pa mi anhte a dap de taleng yu wa nhtawm sum langai hpe sa hkra nna sum dai hpe gamyet agrawp shapa kau ai yup mang mu nngai,” ngu nna htan wu ai.

TARA AGYI 7:22

Gidon a masha ni pahtau dum dat ma ai shaloi, dai Madu gaw dai dap na hpyen laba nlang hte hpe shada da a lapran nhtu hte kahtam si shangun wu ai majaw Zarehtan shara na Bet Shita mare hte Tabat makau na Abela Mehola de du hkra hprawng htaw mat wa ma ai.

TARA AGYI 8:11

Gidon chyawm gaw Noba hte Yibeha mare yan a sinpraw maga na nam mali shingnawm lam dingyang garet lung wa nhtawm n dum shami nga nga ai hpyen dap hpe shang gasat ma ai.