TARA AGYI 8:1 - Jinghpaw Common Language Bible 2009

¹ Dai hpang Ehprim masha ni gaw Gidon hpe, “Midian masha ni hpe nang sa gasat yang, anhte hpe hpa majaw n shaga n ta?,” ngu nna tsun ma ai. Dai lam a majaw shanhte ahkup ahka nga mat hkra aput shatsang ma ai.

Jinghpaw Hanson Version Bible

¹ Shaloi Ehprim masha ni gaw Gidon hpe, “Nang Midian gasat sa wa yang, anhte hpe n jahpu ai gaw, hpa lam rai ta?” ngu nna shi e aja awa mara shagun mu ai.

TARA AGYI 8:1 ပူးပေါင်းရင်းမြစ်များ

2 SAMUELA 19:41

Dai hpang Israela masha mahkra hte gaw hkawhkam wa kaw sa nna shi hpe, “Madu hkawhkam e, anhte a hpu nau Yuda masha ni yawng gaw nang hpe mung, na a dinghku masha ni hpe mung, na a masha ni yawng hpe mung Yawdan hka rap na matu nang hpe lakawn nna asak sin ya na ahkang shanhte hpe hpa majaw jaw n ta?,” ngu nna tsun ma ai.

2 SAMUELA 19:42

Yuda masha ni mung, “Hkawhkam wa gaw anhte a hpu nau langai mi rai nga ai majaw dai hku anhte galaw ga ai. Dai re ai majaw dai lam gaw nanhte hpe hpa majaw pawt shangun ang nga ga ni? Anhte a lusha jahpu shi jaw ya mi ai n rai; shi anhte hpe arai hpa mung n jaw ya mi ai,” ngu nna htan ma ai.

YOBA 5:2

Nang hkrai si hkra myit ru myit tsang nga ai gaw angawk shangun ai hte htauli htaula myit n rawng ai sha amu galaw ai lam rai nga ai.

GA SHAGAWP 15:1

Si mani hte htan ai ga gaw myit kahtet ai hpe shakawp ya lu tim; kajet kajau re ai ga chyawm gaw pawt sindawng ai hpe shalut kabrawng ya nga ai.

HPAJI NINGLI 4:4

Masha gaw awng dang na matu hpa majaw amu grai shaja galaw ra ai hpe mung ngai sharin la se ai; dai gaw hpa majaw nga yang, shanhte a htingbu ni lu ai arung arai ni hpe yu manawn ai majaw rai nga ai. Rai ti mung dai gaw kaman lila rai nga ai. Dai gaw nbung hpe shachyut nga ai zawn rai nga ai.

HOSEA 13:1

Lai sai aten ni hta, Ehprim amyu bawsang ni ga shaga yang, kaga Israela amyu bawsang ni hkrit ma ai; shanhte gaw Ehprim hpe mahtang sharawt mada ma ai. Rai ti mung dai amyu masha ni Bala hpara hpe nawku let yubak galaw shut kau ma ai majaw shanhte si na rai ma ai.

TARA AGYI 8:2

Rai ti mung shi mahtang, “Nanhte galaw lu ai hta hpa mung ngai jan galaw lu nga nngai n rai. Ehprim masha ni kaji sha mi galaw ai amu gaw nye a lakung lama ni yawng jawm galaw ai amu hta pyi grau manu dan nga myit dai.