TARA AGYI 7:9 - Jinghpaw Common Language Bible 2009

⁹ Dai shana jang, dai Madu gaw Gidon hpe, “Rawt u, hpyen ni a dap hpe htim gasat manu; ngai nang hpe awng padang jaw na nngai.

Jinghpaw Hanson Version Bible

⁹ Dai shana e pyi Yehowa gaw Gidon hpe, “Rawt u; hpyen ni a dap de sa mu; na a lata hta dai hpe ngai ap kau se ai.

TARA AGYI 7:9 ပူးပေါင်းရင်းမြစ်များ

2 HKAWHKAM LABAU 20:17

Nanhte gaw ndai majan hpe n gasat ra na myit dai; shara sha la nna ala nga mu; dai Madu gaw nanhte hpe awng padang jaw ai hpe mu lu na marin dai. Yuda mung hte Yerusalem mare e nga ai amyu masha ni e, hkum hkrit, hkum kanung nga myit, majan pa de pru sa wa mu; dai Madu gaw nanhte hte rau rai na ra ai,” ngu nna tsun wu ai.

YOBA 4:13

Dai gaw ngai yup pyaw nga yang yup dip zawn ngai hpe sharu shatsang nga ai.

MAHTE 1:20

Ya, shi ndai lam hpe naw myit aru yu nga yang, Madu a lamu kasa langai mi yupmang hta shi hpe hkum shadan dan nna, “Dawi a kasha Yosep e, Mari hpe na a madu jan hku hkap la na hkum hkrit et, hpa majaw nga yang, shi a na-um nasin gaw, dai Chyoi Pra Ai Wenyi a majaw byin wa ai rai nga ai.

MAHTE 2:13

Hpaji rawng ai ni wa mat ai hpang, dai Madu a lamu kasa langai mi yup mang hta Yosep kaw dan pru nna, “Herod gaw ma hpe sat kau na nga nna tam shangun dat ra ai. Dai rai nna, rawt u, dai ma kaji hte shi a kanu hpe woi nna, Egutu mung de hprawng sa su; ngai nang hpe bai shaga ai ladaw du hkra, dai yang e anga nga su,” ngu nna tsun wu ai.

KASA 27:23

Hpa majaw nga yang ngai hpe up ai, ngai nawku daw jau ai Karai Kasang a lamu kasa langai mi mana e nye a makau e sa tsap nna,

YAWSHU 10:8

Dai Madu gaw Yawshu hpe, “Shanhte hpe hkum hkrit et; ngai nang hpe awng padang jaw ya sade ai. Shanhte hta na kadai mung nang hpe hkap daw lu na ma ai n rai,” ngu nna tsun wu ai.

YAWSHU 11:6

Dai Madu gaw Yawshu hpe, “Shanhte hpe hkum hkrit et. Hpawt ni ndai ahkying hta Israela a matu shanhte yawng hpe ngai sat kau na we ai. Nang mung shanhte a gumra lahkap dan kau nna, leng ni nat kau na rai ndai,” ngu nna tsun wu ai.

YAWSHU 2:24

“Kaja wa teng teng dai Madu anhte hpe mungdan ting jaw ya mani ai; dai kaw na masha nlang anhte hpe hkrit kajawng nga masai,” ngu nna tsun dan ma ai.

TARA AGYI 3:10

Dai Madu a wenyi mung shi a ntsa e dung nga ai rai nna shi gaw Israela a ningbaw tai wa nga sai. Otniela majan rawt wu yang, dai Madu gaw Mesopotamia hkawhkam hpe gasat dang kau lu ai awng padang shi hpe jaw wu ai.

TARA AGYI 3:28

Shi gaw shanhte hpe, “Nye a hpang hkan nang marit! Dai Madu gaw nanhte a gumlau hpyen rai nga ai Moba masha ni hpe gasat dang kau na awng padang nanhte hpe jaw manit dai,” ngu nna tsun wu ai. Shanhte mung Ehud kaw hkan nang yu wa nhtawm Moba masha ni Yawdan hka rap ai uhkan shara hpe hkap madu la ma ai. Shanhte gaw langai mi hpe mung n rap di shangun nga ma ai.

TARA AGYI 7:10

Rai ti mung nang gaw htim gasat na hkrit ai rai yang, na a shangun ma Pura hte shanhte a dap de naw yu wa su.

TARA AGYI 7:8

Dai rai nna Gidon gaw lusha hte pahtau la lang ai masha masum tsa hta kaga, ngam ai Israela masha ni yawng hpe nta de wa kau shangun wu ai. Midian a dap chyawm gaw shanhte a lawu na kadit hta rai nga ai.

1 SAMUELA 14:8

Yonahtan gaw, “Ara rai sa, wora de rap sa nhtawm Hpilisti masha ni hpe mu shangun ga.

1 SAMUELA 23:4

Dai re ai majaw, dai Madu hpe Dawi lang mi bai san yu wu ai rai nna, dai Madu gaw shi hpe, “Hpilisti masha ni hpe gasat dang lu ai awng padang ngai nang hpe jaw ya na de ai majaw Kila mare hpe sa htim gasat u,” ngu nna tsun wu ai.