TARA AGYI 7:22 - Jinghpaw Common Language Bible 2009

²² Gidon a masha ni pahtau dum dat ma ai shaloi, dai Madu gaw dai dap na hpyen laba nlang hte hpe shada da a lapran nhtu hte kahtam si shangun wu ai majaw Zarehtan shara na Bet Shita mare hte Tabat makau na Abela Mehola de du hkra hprawng htaw mat wa ma ai.

Jinghpaw Hanson Version Bible

²² Dai pahtau masum tsa dum dat jang, Yehowa gaw dai dap na hpyen laba ni nlang hte hpe shada da sat hkat shagun mu ai rai nna, shanhte gaw, Zerera shara na Bet-shita mare hte Tabat makau na Abel-me-hola du hkra hprawng wa ma ai.

TARA AGYI 7:22 ပူးပေါင်းရင်းမြစ်များ

1 HKAWHKAM 19:16

Israela hkawhkam tai na matu Nimshi a kasha Yehu hpe namman jaw ya u, na a hkang galai na myihtoi a matu Abela Mehola mare na Shahpat a kasha Elisha hpe namman jaw ya na rai ndai.

1 HKAWHKAM 4:12

Ahiluda a kasha Bana: Tanak, Megido mare ni, Bet Shan makau na ginwang yawng, Zarehtan mare makau, Yezrela mare a dingda daw, Abela Mehola hte Yokmeam mare de du hkra

2 HKAWHKAM LABAU 20:23

Amon hte Moba masha ni gaw Edom hpyen luksuk hpe tsep kawp gasat shamyit kau ma ai; dai hpang shan shada da grai laja ai hku gasat ma ai.

SHAKAWN KUNGDAWN 83:9

Shanhte hpe Midian masha ni hte Kishon hka nu makau e, Sisera hte Yabin yan hpe di ai zawn di kau u.

ESAIA 19:2

Dai Madu gaw, “Ngai gaw Egutu mung kata hta dinghku majan shabyin dat nna, kahpu kanau shada da, htingbu htingbyen shada da hpe hpyen tai shangun na we ai. Shingjawng kashun mare ni hte shanhte shada da htim gasat wa nna, shingjawng kashun ai hkawhkam ni mung shanhte a magam tingnyang a matu malan da ting shakut wa na ra ai.

ESAIA 9:3

Madu e, nang gaw shanhte hpe kabu gara lam kaba jaw ya nit dai; nang gaw shanhte hpe kabu gara shangun nga nit dai. Shanhte gaw nang galaw dan sai amu a majaw, amyu masha ni nsi shu la lu ai shaloi hte shanhte sut gan lanep karan la lu ai shaloi kabu ai zawn kabu gara ma ai.

ESAIA 9:4

Shanhte hpe lit shali shangun ai kandang hte shanhte a lahpa hpe adup ai hkawn ni hpe nang agrawp shadaw kau ya nit dai. Lai sai aten, Midian hpyen luksuk ni hpe nang anut dang kau ai zawn na a amyu masha ni hpe dip gamyet sha ai hte n-gun maku daw sha nga ai amyu baw hpe nang dang kau nga nit dai.

EZEKELA 38:21

Ngai gaw dai zawn re ai ru yak tsin-yam tsindam yawng hte Goga hpe jahkrit na nngai. Tsaw Htum ai dai Madu ngai nan tsun ni ai. Shi a masha ni gaw shanhte a nhtu ni hte shada da kayin kahtam hkat na mara ai.

HABAKU 3:14

Anhte hpe shabra kau na nga, laru bungga zawn ahpawt du wa nna, matsan mayan masha ni hpe machyi shim ai hku dip gamyet sha na yu kabu nga ai shaloi, na a pala ni dai hpyen hpung woi awn ai hpyendu wa hpe galun htinggrang kau nga nit dai.

HAGI 2:22

mungkan mungdan ni hpe agrawp jahten kau nna shanhte a daru magam n-gun hpe jahten kau ya na nngai. Ngai gaw shanhte a hpyen leng ni hte gau ai masha ni hpe yeng seng kau na we ai, gumra ni si htum mat na mara ai. Gumra jawn ai ni langai hte langai shada da sat hkat na mara ai.

ZEHKARIA 14:13

Dai aten hta dai Madu gaw shanhte hpe kabring kabrawng shanut shanat kaba shabyin dat na ra ai rai nna, masha shagu hte gaw tinang nang a manang wa hpe rim magra da nhtawm gasat hkat wa na hpe hkrit na mara ai.

2 KORINHTU 4:7

Rai ti mung dai chyahtum chyalai re ai n-gun atsam chyawm gaw anhte kaw na n rai, Karai Kasang kaw na rai nga ai lam madun dan lu u ga, ndai wenyi sutgan lu tawn ai anhte gaw, yu maya ga di bu ni hte sha bung ga ai.

YAWSHU 3:16

lwi nga ai hka gaw hkring mat nna grai tsan ai Zarehtan makau na Adam mare du hkra sumpum tsaw mat wa nga ai. Jum Nawng de lwi yu wa ai hka mung tsep kawp hkyet mat ai rai nna amyu masha ni mung Yerihko mare ang ang hku rap sa wa ma ai.

YAWSHU 6:16

Sanit lang bat grup ai lang hta hkinjawng ni pahtau dum garu dat hkyen yang, Yawshu gaw shi a masha ni hpe jahtau garu dat na hkang dat wu ai. Shi gaw, “Dai Madu nanhte hpe ndai mare jaw ya manit dai!,” ngu nna tsun wu ai.

YAWSHU 6:20

Shing rai hkinjawng ni pahtau dum dat mu ai hpe shawa masha ni na ma yang, shanhte ja ja jahtau garu dat mu ai hte mare bunghku ni daw ru mat wa nga ai; dai hpang hpyen luksuk ni yawng mung dai mare de da nga ai kawng ang ang de lung wa nhtawm dai hpe madu la ma ai.

YAWSHU 6:4

Pahtau langai hpra lang ai hkinjawng sanit gaw Ga Shaka Sumpu a shawng e sa wa na rai ma ai. Nang hte na a hpyenla ni gaw sanit ya ngu na shani hta dai mare hpe sanit lang hkawm shinggrup nga yang, hkinjawng ni pahtau dum nga na rai ma ai.

1 SAMUELA 18:19

Rai ti mung, Merab hpe Dawi kaw ya sha na aten du jang, Meholahti kaw na Adriela hpe mahtang ya sha kau wu ai.