TARA AGYI 7:20 - Jinghpaw Common Language Bible 2009

²⁰ kaga hpung lahkawng ni mung dai hte maren hkan galaw ma ai. Dai rai nna shanhte yawng a pai lata maga de wan shanan jum, hkra lata maga de pahtau lang nna, “Dai Madu hte Gidon a matu nhtu law!,” ngu nna jahtau tsun ma ai.

Jinghpaw Hanson Version Bible

²⁰ Dai hte maren hpung masum ting pahtau dum nna, dibu ni kayat ga ai hte, pai lata de wan shanan lang let, hkra lata de pahtau lang nna, “Yehowa hte Gidon nhtu law,” ngu nna garu dat mu ai.

TARA AGYI 7:20 ပူးပေါင်းရင်းမြစ်များ

ESAIA 27:13

Dai nhtoi du ai shaloi, Asuri hte Egutu mung hkan bawng dung hkrum nga ai Israela masha ni yawng hpe shaga nhtang la na matu pahtau dum dat na ra ai. Shanhte gaw dai Madu a chyoi pra ai kawng ntsa na Yerusalem hta shi hpe sa nawku na mara ai.

YEREMIA 47:6

Nang gaw, ‘Madu a nhtu e, Kade na hkra kahtam nga na kun? Na a nhtu nhku de bai shang wa u, dai hta azim rai nga u!,’ ngu nna jahtau u.

1 KORINHTU 15:52

Rai ti mung, hpang jahtum na pahtau ngoi ai shaloi e, akajawng sha, myi grip mi laman hta e, anhte yawng hte gaw galai mat wa na ga ai; hpa majaw nga yang, dai pahtau dum dat ai shaloi si mat ai ni gaw n hten n mat ai sha bai hkrung rawt wa na mara ai hte, galoi mung bai si sana n rai. Anhte yawng galai mat wa na ga ai.

2 KORINHTU 4:7

Rai ti mung dai chyahtum chyalai re ai n-gun atsam chyawm gaw anhte kaw na n rai, Karai Kasang kaw na rai nga ai lam madun dan lu u ga, ndai wenyi sutgan lu tawn ai anhte gaw, yu maya ga di bu ni hte sha bung ga ai.

1 HTESALONI 4:16

Dai Madu a jahtau garu ai hte hkang da ai ga, lamu kasa agyi a nsen, Karai Kasang a pahtau nsen hte Madu shi nan sumsing lamu kaw nna yu hkrat wa na ra ai. Hkristu hpe kam sham nna si mat wa ai ni gaw shawng numshawn e hkrung rawt wa na mara ai.

HEBRE 11:4

Kam sham ai hte Abela gaw Ka-in a hkungga hta grau kaja ai hkungga hpe nawng ya sai. Shi a makam masham hpe tau yu nna shi hpe ding hpring ai masha wa ngu nna Karai Kasang e hkap la ya ai hpe hkam la lu nu ai, hpa majaw nga yang, shi nawng ya ai kumhpa ni hpe Karai Kasang shi nan sharawng awng ya wu ai majaw rai nga ai. Abela si mat sai rai ti mung, shi a makam masham a majaw ya du hkra shi ga naw ashaga nga ai.

YAWSHU 6:16

Sanit lang bat grup ai lang hta hkinjawng ni pahtau dum garu dat hkyen yang, Yawshu gaw shi a masha ni hpe jahtau garu dat na hkang dat wu ai. Shi gaw, “Dai Madu nanhte hpe ndai mare jaw ya manit dai!,” ngu nna tsun wu ai.

YAWSHU 6:20

Shing rai hkinjawng ni pahtau dum dat mu ai hpe shawa masha ni na ma yang, shanhte ja ja jahtau garu dat mu ai hte mare bunghku ni daw ru mat wa nga ai; dai hpang hpyen luksuk ni yawng mung dai mare de da nga ai kawng ang ang de lung wa nhtawm dai hpe madu la ma ai.

YAWSHU 6:4

Pahtau langai hpra lang ai hkinjawng sanit gaw Ga Shaka Sumpu a shawng e sa wa na rai ma ai. Nang hte na a hpyenla ni gaw sanit ya ngu na shani hta dai mare hpe sanit lang hkawm shinggrup nga yang, hkinjawng ni pahtau dum nga na rai ma ai.

2 PETRU 1:15

Dai re ai majaw, ngai si mat ai hpang ndai lam ni hpe nanhte galoi mung adum nga na matu ngai atsam htum hkra shakut na nngai.

TARA AGYI 7:19

Gidon hte shi a masha latsa hte gaw yuptung hpawa garai n du, sin langa galai ai hpang kade n na ai aten hta dap makau de shanang sa wa ma ai. Dai hpang, shanhte pahtau dum nna shanhte lang ai di bu ni hpe kayat ga ma ai;

TARA AGYI 7:21

Masha shagu hte gaw dai dap grup yin de tinang nang a shara ni hta tsap nga ma ai rai nna dap ting na gumlau hpyen ni marawn jahtau let hprawng mat wa ma ai.

1 SAMUELA 11:11

Dai shana e, Shawlu gaw shi a masha ni hpe hpung masum garan nhtawm, jahpawt nhtoi htoi wa ai aten hta gumlau hpyen ni a dap de gat dumbri bang let Amon masha ni hpe htim gasat ma ai. Shanhte hpe shani chyingtung aten hta htau sat kau ma ai. Naw ngam nga ai ni mung tinang chye ai mi de hprawng bra mat ma ai.