TARA AGYI 7:2 - Jinghpaw Common Language Bible 2009

² Dai Madu gaw Gidon hpe, “Nang hta nga ai masha ni gaw nye a matu nau wa law nga ai majaw Midian masha ni hpe shanhte a lata hta n ap ya lu na nngai; shanhte a majaw sha dang kau lu ga ai nga, myit nawn la nna nye a arawng sadang hpe jahpoi ya na rai ma ai.

Jinghpaw Hanson Version Bible

² Shaloi Yehowa Gidon hpe, “Nang hte rau nga ai masha ni nau law ma ai; shanhte a lata hta Midian masha ni hpe ngai n ap lu na nngai; ap ya jang, Nye a lata nan ngai hpe hkye la ni ai, nga nna Israela amyu nye a man e grang na ra ai.

TARA AGYI 7:2 ပူးပေါင်းရင်းမြစ်များ

NINGPAWT NINGHPANG 46:2

Karai Kasang mung shana e shingran hta shi hpe, “Yaku, Yaku!,” ngu nna shaga wu ai. Shi mung, “Rai sa, ngai nang e nga nga nngai,” ngu nna htan wu ai.

2 HKAWHKAM LABAU 14:11

Asa gaw dai Madu shi a Karai Kasang hpe, “O Madu e, nang chyawm gaw n-gun ja wa hkra karum ya lu nga ndai. Dai rai nna ya jang anhte hpe karum la mi. O Madu anhte a Karai Kasang e, nang hta anhte shamyet shanat nga ga ai majaw na a mying ningsang hta ndai hpyen hpung kaba hpe gasat ninghkap na matu anhte pru sa wa na ga ai. Madu e, nang gaw anhte a Karai Kasang rai nga ndai, kadai mung nang hpe dang kau lu na matu myit mada lu nga ai n rai,” ngu nna hpyi tsun wu ai.

ESAIA 10:13

Asuri hkawseng wa gaw, “Ngai gaw dai lam yawng hpe ngai hkum nan galaw se ai. Ngai gaw n-gun ja ai hte hpaji rawng nna myit let nga nngai. Ngai gaw masha amyu ni a lamu ga jarit ni hpe sit kau nna shanhte kyem mahkawng da ai arung arai ni hpe kashun la ni ai. Dai shara hkan shanu nga ai amyu masha ni hpe dumsu usu langai zawn kabye anut kau ni ai.

ESAIA 2:11

Masha a gumrawng gumtawng ai gaw htum mat wa nna masha a myit tsaw myit dap ai gaw jahten kau ai hkrum na ra ai nhtoi gaw du wa nga sai. Dai hpang dai Madu chyu sha shagrau shatsaw ai hkrum na ra ai.

ESAIA 2:17

Masha a gumrawng gumtawng ai gaw htum mat na ra ai, masha a myit tsaw myit dap ai gaw jahten kau ai hkrum na ra ai. Hpara sumla ni tsep kawp mat mat nna, dai Madu chyu sha dai shani e shagrau shatsaw ai hkrum na ra ai.

YEREMIA 9:23

Dai Madu gaw, “Hpaji rawng ai masha ni gaw shanhte a hpaji byeng-ya hta, n-gun ja ai ni gaw shanhte a n-gun lagaw hta, sut su ai masha ni gaw shanhte a sut gan hta gumrawng na n mai ang nga ai.

EZEKELA 28:17

Nang tsawm htap nga ndai majaw gumrawng gumtawng nga ndai, na a gumhkawng ai gaw nang hpe mana bu kau shangun nga sai. Ndai amu a majaw, ngai gaw nang hpe ga de du hkra kabai kau ai hte kaga hkawhkam ni hpe sadi jaw ai zawn nang hpe kau da ni ai.

EZEKELA 28:2

Shi gaw, “Si chye ai masha wa e, Tsaw Htum ai dai Madu ngai nan Turu hkawhkam hpe tsun nga ai ga hpe htawn tsun u: Gumrawng ai hte shakawng shakat nga ndai, karai langai tai na ngu, nang tsun ndai. Nang gaw panglai hka ni shinggrup da ai tingnyang ntsa e karai langai zawn dung na nngai ngu, tsun ndai. Nang gaw karai langai tai lu na zawn nawn nga ndai, rai ti mung, n rai law, nang gaw karai n rai, si chye ai masha sha rai nga ndai.

Daniela 4:30

shi gaw, “Yu u, Babelon mung gaw kade wa galu kaba nga a hka! Dai gaw nye a hpung dagu, n-gun atsam, hpung shingkang dan hkung ai hte hpung rawng ai lam madun dan na matu nye a mare daju shatai na ngu, ngai de da ai mare rai nga ai,” ngu nna tsun wu ai.

HABAKU 1:16

Shanhte gaw shanhte a sumgawn ni hpe pyi nawku ai hte dai ni hpe shagu hkungga nawng ya ma ai, hpa majaw nga yang shanhte a sumgawn ni gaw kaja htum ai arung arai shagu hte shanhte hpe madi shadaw nga ai.

ZEHKARIA 12:7

“Dai Madu ngai nan Yuda hpyen hpung ni hpe shawng awng padang jaw na we ai, shaloi Dawi a amyu matu mara ni hte Yerusalem na amyu masha ni hkam la na shagrau sha-a lam gaw Yuda mung e naw ngam nga ai ni hta grau galu kaba lu nga ai n rai.

ZEHKARIA 4:6

Dai lamu kasa gaw Madu kaw na pru ai ndai mungga Zerubabela hpe jaw ya na matu ngai hpe ning nga nna tsun ai: “Nang gaw hpyen dap n-gun hte mung n rai, na a n-gun atsam hte mung n rai; rai ti mung nye a wenyi hte sha awng dang lu na rai ndai.

BU HKAWM 31:4

Israela amyu bawsang shagu hta na hpyen gasat masha hkying hkying hpe shangun dat na rai myit dai,” ngu nna tsun wu ai.

ROMA 11:18

Dai rai nna, nanhte gaw gyi kau sai lakung lakying hte bung ai shanhte hpe yu kaji nna gumrawng gumtawng hkum rai myit, nanhte gara hku nna gumrawng gumtawng rai lu na myit ta? Dai rai nna nanhte gaw aru hpe madi shadaw ai ni n rai, aru mahtang nanhte hpe madi shadaw ya nga ai.

ROMA 3:27

Dai rai yang anhte gumrawng na lam hpa naw nga a ta? Hpa n nga sai! Hpa majaw rai ta? Jep ai Tara hpe madat mara hkan sa shadik ga ai majaw rai kun? N rai law! Karai Kasang hpe kam sham ai majaw rai nga ai.

2 KORINHTU 4:7

Rai ti mung dai chyahtum chyalai re ai n-gun atsam chyawm gaw anhte kaw na n rai, Karai Kasang kaw na rai nga ai lam madun dan lu u ga, ndai wenyi sutgan lu tawn ai anhte gaw, yu maya ga di bu ni hte sha bung ga ai.

EHPESU 2:9

Nanhte galaw ai magam bungli a majaw byin wa ai n rai, dai majaw de a lam kadai mung gumrawng shara n nga ai.

TARA JAHPRANG 32:27

Rai ti mung shanhte a gumlau hpyen ni nye a masha ni hpe dang kau ma ai shaloi, shanhte lu galaw ai ngu nna shanhte a shakawng shakat gumrawng na lam hpe ngai ahkang n lu jaw nngai; shanhte hpe ngai hkum nan agrawp kau nngai.’

TARA JAHPRANG 8:17

Dai rai nna nanhte a n-gun hte marai a jaw e, ndai sut gan lu la ga ai, nga nna nanhte galoi mung myit nawn la lu na myit dai n rai.

TARA JAHPRANG 8:18

Dai Madu nanhte a Karai Kasang gaw sut gan lu su chye ai atsam nanhte hpe jaw ya nu ai hpe adum nga mu. Nanhte a nji nwa ni hte tawn da ai ga shaka hpe dai ni du hkra shi naw sadi dung nga ai majaw ndai amu hpe shi galaw wu ai.

YAKU 4:6

Rai ti mung Karai Kasang anhte hpe jaw ya ai dai chyeju mahtang gaw grau nna n gun atsam rawng nga ai. “Karai Kasang gaw gumrawng gumtawng ai ni hpe nhtan shai ninghkap nna myit shagrit shanem ai ni hpe chyeju jaw nga ai,” nga nna Chyum Laika hta tsun ai hte maren rai nga ai.

1 SAMUELA 14:6

Yonahtan gaw shabrang wa hpe, “N kam n sham ai Hpilisti masha ni a dap de rap sa wa yu ga. Dai Madu an hpe karum la na ra ai; shi rai nna, an hpe awng padang jaw ya ai rai yang, an hta masha n law ti mung, an hpe hkum shadang lu ai lam hpa mung nga lu ai n rai.