TARA AGYI 7:15 - Jinghpaw Common Language Bible 2009

¹⁵ Dai masha wa htai ai yup mang hte de a lachyum hpe Gidon na ai shaloi, dai Madu hpe hput di let nawku wu ai. Dai hpang shi gaw Israela dap de nhtang wa nhtawm, “Rawt manu! Dai Madu Midian hpyen laba ni hpe dang kau na awng padang nanhte hpe jaw ya nga sai!,” ngu nna tsun wu ai.

Jinghpaw Hanson Version Bible

¹⁵ Shaloi Gidon gaw yup mang dai hte de a lachyum na lu jang, shi nawku nna, Israela dap de bai wa nhtawm, “Rawt manu; Yehowa Midian hpyen laba ni hpe nanhte a lata hta ap kau nu ai,” ngu nna wa tsun mu ai.

TARA AGYI 7:15 ပူးပေါင်းရင်းမြစ်များ

NINGPAWT NINGHPANG 24:48

Ngai mung hput di nna dai Madu hpe nawku nngai. Nye a madu a shadang sha a matu dai shayi sha hpe ngai sa mu ai shara ngu ai nye madu a amyu bawsang hpang de ading sha woi sa wa ai nye madu Abraham a Karai Kasang dai Madu hpe shakawn kungdawn nngai.

NINGPAWT NINGHPANG 40:8

Shan gaw, “An yup mang langai hpra mu ga ai. Rai ti mung, dai yup mang a lachyum hpa rai nga ai hpe htai dan lu na masha kadai mung ndai yang e n nga nga ai,” ngu nna htan mu ai. Yosep gaw, “Yup mang ni hpe htai na marai atsam ni hpe Karai Kasang jaw ya nga ai. Dai rai nna nan a yup mang ngai hpe tsun dan yu mi,” ngu nna tsun wu ai.

NINGPAWT NINGHPANG 41:11

An lahkawng gaw lana jan e sha, lachyum kaga ga rawng ai yup mang ni hpe mu ga ai.

TARA AGYI 3:28

Shi gaw shanhte hpe, “Nye a hpang hkan nang marit! Dai Madu gaw nanhte a gumlau hpyen rai nga ai Moba masha ni hpe gasat dang kau na awng padang nanhte hpe jaw manit dai,” ngu nna tsun wu ai. Shanhte mung Ehud kaw hkan nang yu wa nhtawm Moba masha ni Yawdan hka rap ai uhkan shara hpe hkap madu la ma ai. Shanhte gaw langai mi hpe mung n rap di shangun nga ma ai.

TARA AGYI 4:14

Dai hpang Debora gaw Barak hpe, “Sa su! Dai Madu gaw nang hpe woi awn na ra ai! Dai ni na nhtoi hta Sisera hpe gasat dang kau na awng padang shi nang hpe jaw da nit dai,” ngu nna tsun wu ai. Dai rai nna Barak gaw shi a masha mun mi hte rau Tabora Bum kaw nna yu wa wu ai.

TARA AGYI 7:11

Shanhte kaning nga tsun ai hpe nang na ai shaloi htim gasat na n-gun, nden marai nang lu la na rin dai,” ngu nna hkang da wu ai. Dai rai nna Gidon hte shi a shangun ma Pura yan gaw gumlau hpyen ni a dap makau de kahtep sa wa ma ai.

TARA AGYI 7:14

Shi a manang wa chyawm gaw, “Dai gaw Israela masha Yoasha a kasha Gidon a nhtu rai nga ai! Dai hta lachyum kaga hpa mung n rawng nga ai! Karai Kasang gaw Midian masha ni hte hpyen laba ni hpe dang kau na awng padang shi hpe jaw nu hka!,” ngu nna htan wu ai.

TARA AGYI 7:16

Shi gaw shi a masha masum tsa hpe karan nna, masha hkum shagu hte hpe pahtau hte wan shanan rawng ai di bu langai hpra jaw dat wu ai.

TARA AGYI 8:7

Dai rai nna Gidon gaw, “Rai sa! Shing nga jang mung, dai Madu gaw Zeba yan Zalmuna hpe nye a lata de ap ya ai shaloi, ngai nanhte hpe nam mali na ju hpun amyu myu hte kayat na made ai!,” ngu nna tsun wu ai.

1 SAMUELA 1:28

Dai rai nna, dai Madu a lata de shi hpe ngai ap nawng ya nga nngai. Shi ahkrung nga dingsa dai Madu a matu rai nga na rai wu ai,” ngu nna tsun wu ai. Dai hpang, dai yang e dai Madu hpe shanhte nawku ma ai.

1 SAMUELA 14:12

Dai hpang shanhte gaw Yonahtan hte shabrang wa hpe, “Ndai de sit lung wa mi! Nan hpe anhte lama mi tsun dan na lu ga ai!,” ngu nna tsun ma ai. Yonahtan gaw shabrang wa hpe, “Nye a hpang hkan nang rit. Shanhte hpe dang kau lu ai awng padang dai Madu gaw Israela hpe jaw nu ai,” ngu nna tsun wu ai.